agriculture news in Marathi, Shivsena MLA from kolhapur prakash abitkar got benefit of loan waiver scheme, Maharashtra | Agrowon

कोल्हापूरचे शिवसेना आमदार प्रकाश आबिटकरांना कर्जमाफीचे पत्र
टीम अॅग्रोवन
शनिवार, 16 डिसेंबर 2017

नागपूर : छत्रपती शिवाजी महाराज शेतकरी सन्मान योजनेअंतर्गत सुरू असलेला घोळ थांबतच नसल्याचे दिसून येते. मुख्यमंत्र्यांनी गुरुवारी विरोधकांना चोख प्रत्युत्तर देत घोळाला सावरण्याचा प्रयत्न केला असतानाच, शुक्रवारी खुद्द शिवसेनेचे कोल्हापूरचे आमदार प्रकाश आबिटकर यांना कर्जमाफीचा लाभ मिळाल्याचे पत्र मिळाल्याने पुन्हा हा घोळ चव्हाट्यावर आला आहे. 

नागपूर : छत्रपती शिवाजी महाराज शेतकरी सन्मान योजनेअंतर्गत सुरू असलेला घोळ थांबतच नसल्याचे दिसून येते. मुख्यमंत्र्यांनी गुरुवारी विरोधकांना चोख प्रत्युत्तर देत घोळाला सावरण्याचा प्रयत्न केला असतानाच, शुक्रवारी खुद्द शिवसेनेचे कोल्हापूरचे आमदार प्रकाश आबिटकर यांना कर्जमाफीचा लाभ मिळाल्याचे पत्र मिळाल्याने पुन्हा हा घोळ चव्हाट्यावर आला आहे. 

पात्र शेतकऱ्यांना कर्जमाफी मिळत नसल्याच्या कारणास्तव विधिमंडळात घमासान सुरू असतानाच, हा गंभीर प्रकार समोर आला आहे. मी अर्जही केला नसताना माझे नाव यादीत कसे आले, असा सवाल आमदार आबिटकर यांनी केला. 
दरम्यान, या मुद्द्यावर विरोधी पक्षनेते राधाकृष्ण विखे आणि राष्ट्रवादीचे जयंत पाटील यांनी राज्य सरकारवर टीका केली. कर्जमाफीच्या यादीत घोळ आहे ही यादी मागे घ्यावी, अशी मागणीही करण्यात आली. 

खासदार, आमदारांसह त्यांच्या नातेवाइकांना कर्जमाफी देण्यात येत नसतानाही कोल्हापूरचे शिवसेनेचे आमदार प्रकाश आबिटकर यांना कोल्हापूर जिल्हा मध्यवर्ती सहकारी बॅंकेकडून २५ हजारांची कर्जमाफी देण्यात आल्याचे दूरध्वनीवरून कळविण्यात आले. शुक्रवारी जाहीर करण्यात आलेल्या यादीत अनेक शिक्षकांसह आमदार आबिटकर यांचेही नाव यादीत आल्याने त्यांनी हा प्रकार विधानसभेत आयत्या वेळच्या मुद्द्याद्वारे उपस्थित करून निदर्शनास आणून दिला. कर्जमाफी पात्र लाभार्थ्यांपर्यंत खरोखरच पोचत नसल्याचे हे ढळढळीत उदाहरण असून, एखाद्या आमदाराचे अशा यादीत नाव येणे ही गंभीर बाब असल्याचे आबिटकर यांनी सभागृहात सांगितले. माहिती व तंत्रज्ञान विभागाचे काम हे चुकीच्या पद्धतीने चालले असल्याचे हे उदाहरण असून, असा प्रकार पात्र शेतकऱ्यावर अन्याय करणारा असल्याचे आबिटकर यांनी सांगितले.

आमदार आबिटकर म्हणाले, की आयटी विभागाच्या शेतकरी कर्जमाफी याद्यात घोळ कायम आहे. शेतकरी सोडून शिक्षक, प्राध्यापक आदींनादेखील कर्जमाफीची पत्रे आली आहेत. तसेच प्रत्यक्ष मलादेखील कर्जमाफीचे पत्र आले असल्याचे ते म्हणाले. मुख्यमंत्र्यांनी गुरुवारच्या निवेदनात मागच्या कर्जमाफीत काही लाभार्थी आमदार, शेतकरी संघाचे अध्यक्ष यांच्या नावांची यादी असल्याचे सांगितले आहे. उद्या आमचे नाव यादीत आणि वृत्तपत्रात यायच्या आधी सरकारला कळवत आहे. या संदर्भात सरकारने निवेदन करावे, अशी विनंतीही त्यांनी सभागृहाला केली.

इतर अॅग्रो विशेष
कान्हूरपठार, करंदी परिसरात वादळी वा-...टाकळी ढोकेश्वर, जि. नगर  ः पारनेर...
वर्धा : रोजगारासाठी स्थलांतरामुळे गावं...वर्धा : शेतीपूरक दुग्ध व्यवसायाच्या माध्यमातून...
गावाेगावी पाण्याच्या टॅंकरकडं नजरानगरः तलाव, धरणं कोरडी पडली. कधीच आटल्या नाहीत,...
दुष्काळ निवारणाच्या उपाययोजनांची माहिती...मुंबई : दुष्काळासंदर्भात उत्तर देण्यासाठी...
सत्तर कारखान्यांना बजावली 'आरआरसी'पुणे : राज्यातील १९५ साखर कारखान्यांकडून...
सेवानिवृत्तीनंतर शिक्षकाची शेतीत सेवा...आयुष्यभर नोकरी करताना अनेक गोष्टींचा त्याग करावा...
पतआराखड्याची वाट न बघता खरिपासाठी कर्जपुणे : खरीप पीक कर्जवाटप नियोजनात मुख्य भूमिका...
गिलक्‍याने दिले अर्थकारणाला बळबाजारपेठेची गरज ओळखून कठोरा (ता. जि. जळगाव) येथील...
जरंडीत ‘एक गाव, एक वाण’ योजना फसलीनागपूर ः कापसाचे एक गाव एक वाण लावण्याचा आदर्श...
उन्हाचा चटका कायम राहणार पुणे : विदर्भ, मध्य महाराष्ट्रात काही ठिकाणी...
आया मौसम बदली कामार्च ते मे हे तीन महिने शासकीय अधिकारी-...
आगीपासून वन वाचविण्याचा करूया निर्धारजंगलातील वाळलेला पालापाचोळा हा ज्वलनशील पदार्थ...
उद्योगाला साखर कडूचमहाराष्ट्रातील गळीत हंगामाची सांगता नुकतीच झाली...
‘एफआरपी'साठी शेतकरी संघटना पुन्हा...सोलापूर: सोलापूर जिल्ह्यातील शेतकऱ्यांनी यंदाच्या...
विदर्भात उत्कृष्ट व्यवस्थापन असलेली २३...वर्धा जिल्ह्यात केळी पिकाला पुन्हा गतवैभव प्राप्त...
भामा-आसखेड प्रकल्पग्रस्तांची पुनर्वसन...पुणे : भामा-आसखेड प्रकल्पग्रस्तांसाठी पुनर्वसनाची...
वर्षभरात पाच हंगामात दर्जेदार कोथिंबीरपाणी व हवामान यांचा विचार करून वर्षभरात सुमारे...
राज्यात आता पीकविमा शेतकरी सहभाग अभियानपुणे: दुष्काळाच्या पार्श्वभूमीवर शेतकऱ्यांनी यंदा...
छावण्यातील जनावरांची आठवड्यातून एकदा...मुंबई ः दुष्काळी भागातील चारा छावण्यांमधील...
आंतरराष्ट्रीय बाजारात साखरेला मागणीकोल्हापूर: निर्यातीच्या बाबतीत पिछाडलेल्या...