रेशीम अंडीपुंजांचा तुटवडा

औरंगाबाद : झपाट्याने विस्तारत असलेल्या रेशीम उद्योगाला अंडीपुंज उपलब्धतेचा तुटवडा जाणवत आहे. याचा थेट परिणाम राज्याच्या रेशीम कोष उत्पादनावर होण्याची शक्‍यता आहे. त्यामुळे राज्याने अंडीपुंज निर्मितीत स्वयंपूर्ण होण्यासाठी तातडीने पावले उचलण्याची गरज निर्माण झाली आहे. अंडीपुंज पुरवठ्याचा विषय केंद्र सरकारच्या अधिनस्त यंत्रणेकडे असल्याने त्यावर कधी निर्णय होतो, याकडे रेशीम उत्पादकांचे लक्ष लागले आहे.   पान १ वरून महाराष्ट्रात रेशीमचा विस्तार झपाट्याने होत आहे. खासकरून मराठवाड्याने राज्याच्या रेशीम कोष उत्पादनात निम्मा वाटा उचलला आहे. सततच्या दुष्काळामुळे एकीकडे सर्वच शेती नुकसानीची ठरत असताना रेशीम मात्र शेतकऱ्यांना शाश्वत आधार देत असल्याचे दाखवून दिले आहे. त्यामुळे प्रशासकीय स्तरावरून रेशीम विस्तारासाठी चॉकी सेंटर निर्मिती, अंडीपूंज निर्मिती केंद्रासाठी पावले उचलली जात असताना अंडीपूंजाच्या तुटवड्याने महाराष्ट्रातील रेशीम कोष उत्पादनाला ब्रेक लावला आहे.  प्राप्त माहितीनुसार राज्यातील नोंदणीकृत तुती लागवडीच्या क्षेत्राचा अंदाज घेऊन मे मध्ये राज्याकडून केंद्राकडे जवळपास पाच लाखावर अंडीपुंजाचा पुरवठा करावा लागेल याविषयी मागणी केली होती. त्यानंतर अलीकडे ऑक्‍टोबरच्या मध्यान्हात पुन्हा जवळपास सव्वाचार लाख अंडीपूंजाची मागणी करण्यात आली. त्याचवेळी आधीची मागणी केलेले अंडीपूंज मिळाले नसल्याची आठवणही केंद्रीय स्तरावर करून देण्यात आली होती. त्यानंतर झालेल्या बैठकीत याविषयी चिंतन होऊन लवकरच अंडीपूंज पुरवठा करण्याविषयी पावले उचलले जातील असे कळविण्यात आले होते. परंतु अद्यापही अंडीपूंज मिळण्याचा मार्ग सुकर न झाल्याने कोष उत्पादनासाठी अंडीपूंजाच्या अनुप्लब्धतेने अडथळा निर्माण केल्याची माहिती सूत्रांनी दिली. अर्थात त्याचा थेट परिणाम राज्यातील रेशीम कोष उत्पादनावर परिणाम होण्याची शक्‍यता आहे. असे व्हायला हवेत प्रयत्न

प्रतिक्रिया चॉकी सेंटरच्या माध्यमातून सप्टेंबर व ऑक्‍टोबरमध्ये जवळपास साडेसात हजार अंडीपूंजाची मागणी नोंदविण्यात आली होती, परंतु अजून पुरवठा झाला नाही. त्यासंदर्भात आमच्या स्तरावरून रेशीम विभागाकडे मागणीनुसार उपलब्धतेसाठी प्रयत्न सुरू आहे. - मंगल संतोष वाघमारे, चॉकी केंद्रचालक, केकतजळगाव.

अंडीपूंजाची उपलब्धता वाढविण्यासाठी प्रयत्न सुरू आहेत. तांत्रिक अडचणीमुळे अंडीपूजाची कमतरता आली. त्यासाठी केंद्राशी सतत संपर्कात आहोत. याशिवाय खासगी अंडीपूंज निर्मितीला प्रोत्साहन, कर्नाटकातून दर्जेदार अंडीपूंज लवकरात लवकर उपलब्ध कसे होतील, यासाठी प्रयत्न सुरू आहेत. - दिलीप हाके, सहायक संचालक, रेशीम, मराठवाडा, औरंगाबाद.