‘सिद्धेश्‍वर’, ‘भीमा’च्या कारवाईला सहकारमंत्र्यांकडून स्थगिती

‘सिद्धेश्‍वर’, ‘भीमा’च्या कारवाईला सहकारमंत्र्यांकडून स्थगिती
‘सिद्धेश्‍वर’, ‘भीमा’च्या कारवाईला सहकारमंत्र्यांकडून स्थगिती
सोलापूर : शेतकऱ्यांच्या उसाला एफआरपीप्रमाणे दर न दिल्याने सिद्धेश्‍वर सहकारी साखर कारखाना व भीमा सहकारी साखर कारखान्याची मालमत्ता विक्री करून शेतकऱ्यांचे पैसे देण्याचा आदेश साखर आयुक्त व त्यानंतर जिल्हाधिकाऱ्यांनी काढला होता. या आदेशाला सहकारमंत्री सुभाष देशमुख यांनी स्थगिती दिली आहे. एफआरपी देण्याएवढी दोन्ही कारखान्यांची आर्थिक क्षमता असल्याने त्यांच्यावरील कारवाईला स्थगिती देण्यात आली आहे. या स्थगितीवरील सुनावणी ५ सप्टेंबरला होणार आहे.
साखर कारखान्यांनी गाळप केलेल्या उसाला एफआरपीप्रमाणे दर न दिल्याने जिल्ह्यातील शेतकरी संघटना, शिवसेना आक्रमक झाली आहे. साखर आयुक्तांनी दिलेल्या आदेशाला सहकारमंत्री देशमुख यांनी स्थगिती दिल्याने शेतकऱ्यांना त्यांच्या घामाचा मोबदला वेळेत मिळणार का? याबद्दल आता प्रश्‍न उपस्थित होत आहेत.
कारखान्याने एफआरपीपेक्षा १३० रुपये दर अधिक जाहीर केला आहे. कारखान्याकडे साडेसात लाख मेट्रिक टन साखर शिल्लक आहे असून त्याची बाजारमूल्यानुसार किंमत २४० कोटी आहे. कारखान्याने महावितरणला विकलेल्या विजेचे १९ कोटी रुपये येणेबाकी आहे. अन्य उत्पादनांचाही साठा उपलब्ध आहे. कारखान्याने पूर्व हंगामी कर्जासाठी बॅंकेकडे ४५ कोटी रुपयांच्या कर्जाची मागणी केली आहे. आजपर्यंत कधीही ऊस बिले थकविली नाहीत. शेतकऱ्यांची बिले देण्याची क्षमता कारखान्याकडे आहे. त्यावरील कारवाईचा आदेश रद्द करावा, अशी मागणी अपिलाद्वारे कारखान्याच्या वतीने देशमुख यांच्याकडे करण्यात आली होती.
भीमा कारखान्याने गाळप क्षमता वाढविली परंतु तांत्रिक कारणास्तव पूर्ण क्षमतेने गाळप होऊ शकले नाही. मार्च २०१८ पासून कारखाना उत्पादित साखर विकू शकला नाही. साखरेच्या किमतीत घसरण झाल्याने निधी उभा करण्यास अडचणी येत आहेत. १५ फेब्रुवारी २०१८ पर्यंत गाळप झालेल्या उसाची एफआरपी दिली आहे. त्यानंतर गाळप केलेल्या म्हणजे फक्त एक महिन्याची एफआरपी देणे बाकी आहे. कारखान्याच्या मालमत्ता लिलावाचा आदेश रद्द न केल्यास कारखान्याचे न भरून येणारे नुकसान होईल, अशी बाजू कारखान्याने मांडली आहे.
आणखी कारखान्यांची भर एफआरपी न दिल्याप्रकरणी सोलापूर जिल्ह्यातील तीन साखर कारखान्यांवर आरआरसीची कारवाई करण्यात आली आहे. त्यामध्ये अक्कलकोट तालुक्‍यातील मातोश्री लक्ष्मी शुगर, करमाळा तालुक्‍यातील मकाई सहकारी साखर कारखाना व माढा तालुक्‍यातील विठ्ठल रिफाइंड शुगर यांचा समावेश आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com