agriculture news in marathi, silk carrier become a trouble, Maharashtra | Agrowon

रेशीम कोष वाहतुकीचे तीनतेरा
टीम अॅग्रोवन
सोमवार, 3 सप्टेंबर 2018

रिझर्व्हेशन केलं व मालही परळीच्या रेल्वे स्थानकावर आणला; परंतु जागा न मिळाल्याने आम्ही जवळपास १३ लोक पुढे आलो व आता मागून दुसऱ्या दिवशी माल येणार आहे. त्यामुळं नुकसान होणार हे नक्‍कीच.
- व्यंकट मुंडे, रेशीम उत्पादक, पांगरी, जि. बीड.

बीड : रेशीम कोषाची आवक सुरू झाली अन्‌ रेल्वेने बंगळूरला जाणाऱ्या रेल्वेगाडीच्या मालवाहू बोगींची संख्या चारवरून एकवर आणली. त्यामुळे मराठवाड्यातून रामनगरमला रेशीम कोष घेऊन जाणाऱ्या शेतकऱ्यांच्या अडचणीत भर पडली आहे. गाडीत जागाच मिळत नसल्याने एकतर शेतकऱ्यांचा माल परळीच्या रेल्वे स्थानकावरच अडकून पडतो, किंवा जादा पैसे खर्चून खासगी वाहनाने माल नेण्याशिवाय पर्याय नाही. 

दुष्काळग्रस्त मराठवाड्यात रेशीम शेती झपाट्याने विस्तारते आहे. त्यामुळे कोषांच्या उत्पादनात वाढ होत आहे. मात्र रेशीम कोष विक्रीसाठी शेतकऱ्यांना बेंगलोर जवळ रामनगरम येथे रेल्वेने जावे लागते. नांदेड-बंगळूर या गाडीने बरेच शेतकरी रेशीम कोष घेऊन रामनगरला जातात. मराठवाड्यातील बीड, लातूर, उस्मानाबाद, जालना औरंगाबाद जिल्ह्यातील रेशीम कोष उत्पादक या रेल्वे स्थानकावरून आपले कोष रामनगरमला घेऊन जातात. 

आधी नांदेड-बंगळूर रेल्वेगाडीला चार मालवाहतूक बोग्या असायच्या. त्यामुळे रेशीम कोष उत्पादक शेतकऱ्यांना आपला माल सुरक्षित व कमी पैशात स्वत:सोबत रामनगरमला नेता येत होता. मात्र अलीकडील काही महिन्यांत रेल्वे प्रशासनाने केवळ एकच मालवाहतूक बोगी ठेवली आहे. 

या एका बोगीतील जागा नांदेड येथेच भरत असून, परभणी तसेच परळी वै. रेल्वे स्थानकावरील शेतकऱ्यांना माल टाकण्यास जागाच मिळत नाही. त्यामुळे वेळेवर रेशीम कोष बाजारात घेऊन जाणे शक्‍य होत नाही. 
एक दिवस माल रेल्वे स्थानकावर पडून राहिल्यास वजनात घट, दर्जात खराबी झाल्यास मालाला अपेक्षित दरही मिळत नाहीत. जादा दर मिळण्याच्या आशेने शेतकरी रामनगरमच्या रेशीम बाजारपेठेकडे जातात. त्यामुळे राज्य रेशीम विभागाने रेल्वे प्रशासनाशी संपर्क साधून रेशीम उत्पादक शेतकऱ्यांची गैरसोय टाळण्याची मागणी रेशीम उत्पादक शेतकऱ्यांमधून होत आहे. 

शेतकऱ्यांना फटका 
बंगळूरजवळील रामनगरम रेशीम कोष बाजारपेठ मराठवाड्यातून जवळपास एक हजार किलोमीटर आहे. रेल्वेत जागा मिळत नसल्याने नाइलाजाने शेतकऱ्यांना टेंपो किंवा पिकअप वाहनाने जीव धोक्‍यात घालून रेशीम बाजारपेठेपर्यंतचा प्रवास करावा लागत असल्याची माहिती शेतकऱ्यांनी दिली. वाहनात माल न्यावा लागत असल्याने शेतकऱ्यांना भुर्दंडही बसत असून, वेळही जात असल्याचे रेशीम उत्पादकांचे म्हणणे आहे.  

प्रतिक्रिया
जागा न मिळाल्यानं दवनापूर व डाभी येथील पाच ते सहा शेतकऱ्यांचा माल टेंपोनं घेऊन जातोय. एवढा लांबचा प्रवास सोपा नाहीच. पण काय करावं इलाज नाही.  
- अरविंद आघाव, रेशीम उत्पादक, दवणापूर, जि. बीड.

इतर अॅग्रो विशेष
अकोला कृषी विद्यापीठात ड्रोनद्वारे...नागपूर ः ड्रोनद्वारे फवारणीचा राज्यातील पहिला...
विदर्भात आज अतिवृष्टीचा इशारा पुणे ः बंगालच्या उपसागरात तयार झालेल्या कमी दाब...
राज्यातील १७ जिल्हे दुष्काळाच्या छायेतमुंबई ः राज्यात मॉन्सूनचे आगमन झाल्यानंतर अनेक...
प्रयत्नवादातून उभारलेला बेकर्स वेव्ह...वडगाव मावळ तालुक्यातील (जि. पुणे) दिवड येथील...
चीनसह बांगलादेशची कापूस आयात वाढणारजळगाव ः देशात आॅगस्टअखेर ११२ लाख हेक्‍टरवर...
भाजीपाला शेतीसह कापूस बीजोत्पादनातील...भाजीपाला पिके तसेच कापूस बीजोत्पादन या पद्धतीतून...
मिर्झापूर ः साखळी शेततळ्यांचे गाव‘मागेल त्याला शेततळे` योजनेअंतर्गत मिर्झापूर (ता...
इजा झाल्यानंतर वनस्पती पाठवतात धोक्याचा...जेव्हा वनस्पतींना इजा होते, त्या वेळी वनस्पतीच्या...
ठिबक नोंदणीवरील विक्रेत्यांच्या...नागपूर  ः ठिबक नोंदणीवरील विक्रेत्यांच्या...
कमी दाब क्षेत्राचे निर्माण; पावसाच्या...पुणे   : बंगालच्या उपसागरात कमी दाबाचे...
पावसाने ताण दिल्यामुळे खरीप धोक्यातपुणे ः राज्यात काही ठिकाणी परतीच्या पावसाने हजेरी...
चांदक-गुळूंब अोढा जोडप्रकल्पाने साधली...सातारा जिल्ह्यातील चांदक-गुळुंब (ता. वाई) हा ओढा...
सोयाबीनवरील पाने खाणाऱ्या अळ्या व...सध्या सोयाबीन पीक काही ठिकाणी शेंगा लागण्याच्या व...
साखरेच्या गोळ्याही करतील वेदना कमीवाढत्या स्थौल्यत्वासारख्या व त्या अनुषंगाने...
राज्यातील विकास सोसायट्यांना रिक्त...सांगली ः राज्यातील विकास सोसायट्यांची संख्या २१...
पावसाच्या तुरळक हजेरीने हलका दिलासापुणे: पावसाच्या दीर्घ खंडानंतर राज्यात दोन...
पुण्यात एक ऑक्टोबरला ‘कृषी कल्चर’ ज्ञान...पुणे ः शेतीमधील बदलत्या तंत्रावर प्रकाश टाकणारा...
पोटॅशचा मोठा तुटवडाजळगाव  ः रेल्वेकडून खत पुरवठादार किंवा खत...
नोकरी गमावली पण रेशीम शेतीतून पत कमावलीसातपुड्याच्या पायथ्याशी वसलेल्या संग्रामपूर...
राज्यात उद्यापासून पावसाचे संकेतपुणे: बंगालच्या उपसागरात तयार होत असलेल्या कमी...