agriculture news in marathi, silk fiber production status, nanded, maharashtra | Agrowon

नांदेड, परभणी, हिंगोलीत २७७ टन रेशीम कोष उत्पादन
टीम अॅग्रोवन
मंगळवार, 10 एप्रिल 2018

परभणी : जिल्ह्यात २०१७-१८ या वर्षात नांदेड, परभणी, हिंगोली या तीन जिल्ह्यांत २७७.७६ टन (२७७७.६ क्विंटल) रेशीम कोष उत्पादन घेण्यात आले. २०१६-१७ मध्ये १२७.५ टन उत्पादन झाले होते. यंदा कोष उत्पादनात दुपटीहून अधिक वाढ झाली आहे.

शाश्वत उत्पन्न मिळू लागल्यामुळे या तीन जिल्ह्यांतील शेतकऱ्यांचा कल रेशीम शेतीकडे वाढत आहे, परंतु पुरेशा मनुष्यबळाअभावी शेतकऱ्यांना तांत्रिक मार्गदर्शन मिळण्यास अडचणी येत आहेत. परिमाणी, अनेक तालुक्यांतील शेतकरी रेशीम शेतीपासून अजूनही दूर आहेत.

परभणी : जिल्ह्यात २०१७-१८ या वर्षात नांदेड, परभणी, हिंगोली या तीन जिल्ह्यांत २७७.७६ टन (२७७७.६ क्विंटल) रेशीम कोष उत्पादन घेण्यात आले. २०१६-१७ मध्ये १२७.५ टन उत्पादन झाले होते. यंदा कोष उत्पादनात दुपटीहून अधिक वाढ झाली आहे.

शाश्वत उत्पन्न मिळू लागल्यामुळे या तीन जिल्ह्यांतील शेतकऱ्यांचा कल रेशीम शेतीकडे वाढत आहे, परंतु पुरेशा मनुष्यबळाअभावी शेतकऱ्यांना तांत्रिक मार्गदर्शन मिळण्यास अडचणी येत आहेत. परिमाणी, अनेक तालुक्यांतील शेतकरी रेशीम शेतीपासून अजूनही दूर आहेत.

नांदेड जिल्ह्यात २०१७-१८ या वर्षी २९६ शेतकऱ्यांकडे ३४१ एकरांवर तुती लागवड होती. या शेतकऱ्यांना मार्चअखेर एकूण १ लाख ६१ हजार ९०० अंडीपुंजाचे वाटप करण्यात आले होते. त्यापासून ८५.१५० टन रेशीम कोष उत्पादन मिळाले. २०१६-१७ मध्ये २५७ शेतकऱ्यांकडे ३३० एकरांवर तुती लागवड होती. त्यांना ८६ हजार ८५० अंडीपुंजाचे वाटप करण्यात आले असताना ४२ मेट्रिक टन रेशीम कोष उत्पादन मिळाले होते.

जिल्ह्यातील ७२ गावांतील शेतकरी रेशीम शेती करत आहेत. २०१८ -१९ वर्षामध्ये तुती लागवड करण्याकरिता ३५ गावांतील ६१२ शेतकऱ्यांनी महारेशीम अभियानाअंतर्गत नोंदणी केली आहे.

परभणी जिल्ह्यात २०१७-१८ मध्ये ४७० शेतकऱ्यांकडे ४९४ एकरांवर तुती लागवड होती. त्यांना २ लाख ५४ हजार ५० अंडीपुंजांचे वाटप करण्यात आले. मार्चअखेरपर्यंत १२२ टन रेशीम कोष उत्पादन मिळाले. २०१६-१७ मध्ये ३५५ शेतकयांकडे ३८६ एकरांवर तुती लागवड होती. तेव्हा ९४ हजार ऱ्१५० अंडिपुंजाचे वाटप केले असताना ५४ टन रेशीम कोष उत्पादन मिळाले होते.

महारेशीम अभियानाअंतर्गंत जिल्ह्यातील ३० गावांतील ७६८ शेतकऱ्यांनी ७६८ एकरांवर तुती लागवडीसाठी नोंदणी केलेली आहे.

हिंगोली जिल्ह्यात २०१७-१८ मध्ये १२ गावांतील ३१२ शेतकऱ्यांकडे ३२३ एकरांवर तुती लागवड होती. त्यांना १ लाख १८ हजार ३०० अंडीपुंजाचे वाटप करण्यात आले होते. त्यापासून ७०.६३० टन रेशीम कोष उत्पादन मिळाले. २०१६-१७ मध्ये ५१ हजार अंडीपुंजाचे वाटप केले असताना ३१.५ मेट्रिक टन रेशीम कोष उत्पादन मिळाले होते.

महारेशीम अभियानाअंतर्गत हिंगोली जिल्ह्यातील ३० गावांमधील ८०२ शेतकऱ्यांनी तुती लागवडीसाठी नोंदणी केली आहे. २०१८-१९ मध्ये तुती लागवड करण्यासाठी हिंगोली जिल्ह्यात ४५ लाख तुती रोपांची रोपवाटिका (नर्सरी) तयार करण्यात आली असल्याचे सूत्रांनी सांगितले.

गेल्या काही वर्षांपासून सततची दुष्काळी परिस्थिती, नैसर्गिक आपत्ती, कीड, रोग आदी कारणांमुळे पारंपरिक पीकपद्धतीतून चांगले उत्पादन मिळत नसल्यामुळे या तीन जिल्ह्यांतील शेतकरी काही प्रमाणात तांत्रिक स्वरूपाच्या, परंतु दर महिन्याला पगाराप्रमाणे खात्रीशीर उत्पन्न देणाऱ्या रेशीम शेतीकडे वळले आहेत.

महारेशीम अभियानाअंतर्गत या तीन जिल्ह्यांतील २१८२ शेतकऱ्यांनी तुती लागवडीसाठी नोंदणी केली आहे. एकीकडे तुती लागवडीचे क्षेत्र वाढत आहे. दुसरीकडे जिल्हा रेशीम विकास कार्यालयाकडे शेतकऱ्यांना तांत्रिक मार्गदर्शन करण्यासाठी पुरेसे मनुष्यबळ उपलब्ध नाही. सद्यःस्थितीत या तीन जिल्ह्यांत जेमतेम १४ अधिकारी-कर्मचाऱ्यांवर रेशीम शेती विस्ताराची मदार आहे.

अपुऱ्या कर्मचारी संख्येमुळे अनेक तालुक्यांतील शेतकऱ्यांची इच्छा असूनही तांत्रिक मार्गदर्शनाअभावी त्यांना रेशीम शेती करता येत नाही. त्यामुळे या तीन जिल्ह्यांतील जिल्हा रेशीम कार्यालयामध्ये पुरेसे मनुष्यबळ उपलब्ध करून देणे आवश्यक आहे.

इतर ताज्या घडामोडी
जळगाव जिल्ह्यात नवती केळीचे दर स्थिरजळगाव ः जिल्ह्यात नवती केळीचे दर मागील आठवड्यात...
कोल्हापुरात फळांची आवक मंदावली,...कोल्हापूर : येथील कृषी उत्पन्न बाजार समितीत या...
कळमणा बाजारात सोयाबीनच्या दरात वाढनागपूर ः सोयाबीनच्या दरात अल्पशी वाढ वगळता कळमणा...
नाशिकला टोमॅटोची आवक वाढली; कांदा,...नाशिक : नाशिक बाजार समितीत गतसप्ताहात टोमॅटोची...
कपाशीतील किडींचे एकात्मिक नियंत्रणसध्या कपाशीचे पीक पाते, फुले व बोंड लागण्याच्या...
सांगली जिल्ह्यात सेंद्रिय शेतमालाला हवी...सांगली जिल्ह्यामध्ये सेंद्रिय शेतीमाल विक्री...
नाशिक जिल्ह्यात सेंद्रिय शेतीची वाटचाल...नाशिक जिल्ह्यात सेंद्रिय शेतीचे तीन वर्षांपूर्वी...
नाशिक, निफाड कारखाना भाड्याने देण्याचा...नाशिक : कर्जबाजारी व आर्थिक डबघाईमुळे गेल्या काही...
अकोला, बुलडाण्यात पीक कर्जवाटप ३०...अकोला  ः शेतकऱ्यांना खरीप हंगामासाठी पीक...
गोंदियातील कृषी सेवा केंद्रे लावणार...गोंदिया   ः जमिनीची गरज ओळखूनच खताची मात्रा...
साताऱ्यात पावसाअभावी पिके करपू लागलीसातारा  : जिल्ह्यात सुमारे एक महिन्यापासून...
नगर जिल्ह्यात पावसाअभावी कांदा लागवड...नगर  ः जिल्हाभरात पावसाअभावी कांदालागवड...
वाशीममध्ये रब्बीत हरभऱ्याचे क्षेत्र...वाशीम  ः या हंगामात जिल्ह्यात चांगला पाऊस...
खरेदी केंद्र सुरू करण्याच्या मागणीसाठी...सातारा  : शेतीमाल खरेदी केंद्रे त्वरित सुरू...
संघर्ष गोकुळ ‘मल्टिस्टेट’चाकोल्हापूर जिल्हा दूध संघ (गोकुळ) मल्टिस्टेट...
'दारुमुळे दरवर्षी अडीच लाखापेक्षा जास्त...नवी दिल्ली- दारूमुळे दरवर्षी जवळपास अडीच...
जालन्यात पाण्यात बुडून तिघांचा मृत्यूजालना : गणपती बाप्पांचे विसर्जन करताना जालना...
शिखर, रोहितने पाकला धुतले; भारत अंतिम...दुबई : पाकिस्तानने उभारलेल्या 237 धावांचा सहजी...
खानदेशात मध्यम पाऊस; नंदुरबारला हुलकावणीजळगाव : खानदेशात शुक्रवारी (ता.२१) मध्यरात्री व...
पुणे जिल्ह्यात ढगाळ हवामानपुणे  : जिल्ह्यात आठवड्याच्या सुरवातीला...