agriculture news in marathi, six mla enter in lok sabha, mumbai, maharashtra | Agrowon

अकरापैकी सहा आमदारांचा लोकसभेत प्रवेश
टीम अॅग्रोवन
शनिवार, 25 मे 2019

मुंबई ः सतराव्या लोकसभा निवडणुकीच्या रिंगणात उतरलेल्या विद्यमान ११ पैकी सहा आमदारांना जनतेने लोकसभेत पाठविले आहे तर पाच आमदारांना मतदारांनी दिल्लीत जाण्यापासून रोखले आहे. खासदार म्हणून निवडून गेलेल्या विधानसभा सदस्यांमध्ये अन्न आणि नागरी पुरवठामंत्री गिरीश बापट यांचा समावेश आहे. निवडून आलेल्या आमदारांना १५ दिवसांत आमदारकीचा राजीनामा द्यावा लागणार आहे.

मुंबई ः सतराव्या लोकसभा निवडणुकीच्या रिंगणात उतरलेल्या विद्यमान ११ पैकी सहा आमदारांना जनतेने लोकसभेत पाठविले आहे तर पाच आमदारांना मतदारांनी दिल्लीत जाण्यापासून रोखले आहे. खासदार म्हणून निवडून गेलेल्या विधानसभा सदस्यांमध्ये अन्न आणि नागरी पुरवठामंत्री गिरीश बापट यांचा समावेश आहे. निवडून आलेल्या आमदारांना १५ दिवसांत आमदारकीचा राजीनामा द्यावा लागणार आहे.

लोकसभा निवडणुकीतील आव्हान लक्षात घेऊन भाजप, काँग्रेस तसेच शिवसेनेने आपल्या काही विद्यमान आमदारांना लोकसभेचे तिकीट दिले होते. खासदारकीसाठी शिवसेनेचे विदर्भातील आमदार सुरेश धानोरकर यांनी राजीनामा देऊन काँग्रेसमध्ये प्रवेश केला होता आणि अखेरच्या क्षणी तिकीट मिळविले होते. संसदेत प्रतिनिधित्व करण्यासाठी लोकसभेच्या रिंगणात उतरलेल्या के. सी. पाडवी, कुणाल पाटील, संग्राम जगताप, भाऊसाहेब कांबळे, सुभाष झांबड या विधिमंडळ सदस्यांना पराभवाचा दणका बसला आहे.

जळगाव लोकसभा मतदारसंघातून भाजपने सुरवातीला विधान परिषद सदस्या स्मिता वाघ यांना उमेदवारी दिली होती. मात्र, शेवटच्या क्षणी चाळीसगावचे आमदार उन्मेष पाटील यांना तिकीट देण्यात आले. पाटील यांनी अपेक्षेप्रमाणे राष्ट्रवादी काँग्रेसचे उमेदवार गुलाबराव देवकर यांच्यावर मात केली. चंद्रपूरमध्ये काँग्रेसने सुरवातीला विनायक बांगडे यांना उमेदवारी दिली होती. परंतु, बांगडेंच्या उमेदवारीवरून काँग्रेसमध्ये नाराजी व्यक्त होऊ लागल्यानंतर पक्षाने उमेदवारी अर्ज दाखल करण्याच्या शेवटच्या दिवशी सुरेश धानोरकर यांना तिकीट दिले. धानोरकर यांनी त्यासाठी आमदारकीवर पाणी सोडले. चंद्रपूरमधील निकराच्या लढाईत धानोरकर यांनी केंद्रीयमंत्री हंसराज अहिर यांचा पराभव केला. शिवसेनेने हिंगोलीत नांदेड शहरातील आमदार हेमंत पाटील यांना उमेदवारी दिली होती. पाटील यांनी पक्ष नेतृत्वाचा विश्वास सार्थ ठरवत काँग्रेसच्या सुभाष वानखेडे यांचा पराभव केला.

नांदेडमध्ये काँग्रेस उमदेवार अशोक चव्हाण यांना अस्मान दाखविणारे प्रतापराव पाटील-चिखलीकर हे २०१४ च्या विधानसभा निवडणुकीत शिवसेनेच्या चिन्हावर निवडून आले होते. मात्र, नांदेड महापालिका निवडणुकीवेळी चिखलीकर यांनी टोपी फिरवली आणि ते भाजपमध्ये दाखल झाले. भाजपने त्यांना नांदेडमधून उमेदवारी दिली आणि ते काँग्रेसचे ‘हेवीवेट’ नेते अशोक चव्हाण यांचा पराभव करून निवडून आले.

औरंगाबादमधून वंचित बहुजन आघाडीचे उमेदवार आणि आमदार इम्तियाज जलील निवडून आले आहेत. जलील हे एमआयएमचे आमदार आहेत. त्यांनी शिवसेनेचे उमेदवार चंद्रकांत खैरे यांचा पराभव केला. येथून काँग्रेसचे विधान परिषद सदस्य सुभाष झांबड हेही निवडणूक रिंगणात होते. नगरमध्ये राष्ट्रवादी काँग्रेसचे आमदार संग्राम जगताप यांनी भाजपच्या डॉ. सुजय विखे-पाटील यांना झुंज दिली. मात्र, यात जगताप यांना अपयश आले. शिर्डीतून काँग्रेस आमदार भाऊसाहेब कांबळे यांनाही पराभव स्वीकारावा लागला आहे.
 
हे विधिमंडळातून संसदेत दाखल 

  • उन्मेष पाटील (भाजप)
  • सुरेश धानोरकर (काँग्रेस)
  • हेमंत पाटील (शिवसेना)
  • प्रतापराव पाटील-चिखलीकर (भाजप)
  • इम्तियाज जलील (एमआयएम)
  • गिरीश बापट (भाजप)

इतर ताज्या घडामोडी
कृषी विभाग म्हणते, पॉलिहाउस, शेडनेट...जळगाव ः खानदेशात १ ते ११ जून यादरम्यान झालेल्या...
केळी पीकविमाधारकांना परताव्यांची...जळगाव  ः हवामानावर आधारित फळ पीकविमा योजनेत...
कांदा निर्यात, प्रक्रियेवर भर गरजेचा ः...राजगुरुनगर, जि. पुणे : कांदा बाजारभावातील अनिश्‍...
सात महिन्यांपूर्वी विकलेल्या मुगाचे...अकोला ः नाफेडने खरेदी केलेल्या मुगाचे पैसे सात...
महावितरण’द्वारे देखभाल, दुरुस्तीची ९०३३...‘सातारा : थेट गावात जाऊन वीजयंत्रणेच्या देखभाल व...
रत्नागिरीत खतनिर्मिती कारखान्यावर छापारत्नागिरी : येथील एमआयडीसी परिसरात मच्छीच्या...
आषाढी पालखी सोहळ्यासाठी आरोग्य विभाग...पुणे : आषाढी वारीसाठी संतश्रेष्ठ ज्ञानेश्वर...
गोंदिया जिल्ह्यात २ लाख हेक्‍टरवर...गोंदिया ः राइससिटी असा लौकिक असलेल्या गोंदिया...
औरंगाबाद जिल्ह्यात पाण्यासाठी भटकंती औरंगाबाद : जिल्ह्यातील ७७८ गाव व २७२...
नांदेड, परभणी, हिंगोली जिल्ह्यांत कापूस...नांदेड : नांदेड, परभणी, हिंगोली जिल्ह्यांत २०१८-...
जतला कर्नाटकातून पाणी मिळणे धूसरसांगली : कर्नाटकातून कृष्णेचे पाणी जत तालुक्याला...
आषाढी वारीत ३५ हजार विद्यार्थी करणार...सोलापूर : आषाढी वारीत पाच विद्यापीठांतील ३५ हजार...
कात्रजकडून गायीच्या दूध खरेदीदरात वाढपुणे  : दुष्काळी स्थितीत दूध उत्पादक...
विधीमंडळ अधिवेशन ः सलग तिसऱ्या दिवशीही...मुंबई : पावसाळी अधिवेशनाच्या तिसऱ्या दिवशीही...
हायब्रीड बियाणे किमतीवर सरकारी नियंत्रण...पुणे  : महाराष्ट्रात दुष्काळी परिस्थिती...
सरकारला शेतकऱ्यांचे काहीच पडलेले नाही ः...मुंबई  : ''किडनी घ्या; पण बियाणे द्या...
‘सर्जा-राजा’ला माउलींच्या रथाचा मानमाळीनगर, जि. सोलापूर  : संत ज्ञानेश्‍वर...
पूर्णवेळ संचालकानेच लावले  `केम`...अमरावती  ः कृषी समृद्धी समन्वयित प्रकल्पातील...
तत्कालीन प्रकल्प अधिकारी ‘केम’...मुंबई : विदर्भातील सहा जिल्ह्यांतील कृषी...
कृषी सल्ला : पानवेल, गुलाब, ऊस, मका,...हवामान ः पुढील पाचही दिवस आकाश अंशतः ढगाळ राहील...