agriculture news in marathi, Sixty percent of loan waive applications scrutinized | Agrowon

कर्जमाफी अर्जांची साठ टक्के छाननी झाली पूर्ण
मारुती कंदले
मंगळवार, 26 सप्टेंबर 2017

राज्यातील ८९ लाख कर्जदार शेतकऱ्यांचा दावा खोटा ठरला असून, राज्य सरकारने जाहीर केलेला ३४ हजार कोटींच्या कर्जमाफीचा आकडाही घटण्याची शक्यता आहे.

मुंबई ः शेतकरी कर्जमाफी योजनेसाठी ऑनलाइन अर्जप्रक्रियेच्या छाननीचे साठ टक्के काम आतापर्यंत पूर्ण झाले असून, येत्या आठवड्यात छाननी पूर्ण होईल असा अंदाज आहे. त्यामुळे ऑक्टोबरच्या पहिल्या- दुसऱ्या आठवड्यापासून शेतकऱ्यांच्या बँक खात्यांवर कर्ज वर्ग करण्याची प्रक्रिया सुरू होईल, अशी माहिती सहकार खात्यातील उच्चपदस्थ सूत्रांनी दिली.

कर्जमाफीसाठी २२ सप्टेंबरपर्यंत ऑनलाइन अर्ज स्वीकारण्यात आले. याकाळात सुमारे ५६ लाख ५८ हजार ३९३ शेतकरी कुटुंबीयांनी अर्ज केले आहेत. त्यापैकी २ लाख ४१ हजार ६२८ शेतकऱ्यांचे अर्ज आधारलिंक नाहीत. कर्जमाफीसाठी सरकारने अर्जदार शेतकऱ्यासह त्याची पत्नी आणि अठरा वर्षांखालील मुले अशी कुटुंबाची व्याख्या केली, त्यामुळे शेतकऱ्यांसोबत त्यांच्या पत्नींचेही अर्ज भरून घेण्यात आले.

पती आणि पत्नी अशी शेतकरी नोंदणी झाली असल्याने ऑनलाइन शेतकरी कुटुंबांच्या अर्जांचा आकडा ५६ लाख ५८ हजारांवर गेला. यांत कर्जदार शेतकरी महिला खातेदारांची संख्या लक्षणीय असून, असे सुमारे दहा लाख खातेधारक वाढून एकूण कर्जदारांची संख्या ६६ लाखांवर जाईल असा अंदाज आहे.

या सर्व अर्जदारांच्या छाननीचे काम सध्या युद्धपातळीवर सुरू असून, सोमवारअखेर त्यापैकी साठ टक्के काम पूर्ण झाले आहे. येत्या आठवड्याभरात छाननीचे काम पूर्ण होईल, असे सांगितले जात आहे. सध्या राज्याच्या माहिती आणि तंत्रज्ञान विभागाने तयार केलेले सॉफ्टवेअर आणि सहकार विभागाच्या लेखापरीक्षकांकडून अशा द्विस्तरावर छाननीचे हे काम केले जात आहे.

तसेच, सहकार विभागाने बँकांकडूनही शेतकरी कर्जाबद्दलची माहिती मागवली होती. ६६ रकान्यांचा अर्ज बँकांकडून भरून घेतला जात आहे. ही माहितीसुद्धा येत्या आठवड्याभरात सहकार खात्याला प्राप्त होईल, असे सांगण्यात आले. या दोन्ही माहितींची खातरजमा करून ऑक्टोबरच्या पहिल्या- दुसऱ्या आठवड्यात कर्ज वर्ग करण्याची प्रक्रिया सुरू होईल, असा अंदाज आहे.

... तर बँकांवर कारवाईचे अस्त्र
कर्जमाफीमध्ये सुमारे १५ ते १७ लाख खातेदारांचा कोणताही ठावठिकाणा लागत नसल्याचे चित्र आहे. या संदर्भात सहकार खात्याने आक्रमक भूमिका घेतली असून, त्यावरून बँकांवर कारवाईचे अस्त्र उगारले जाण्याची शक्यता आहे. ‘अॅग्रोवन’ने गेल्याच आठवड्यात अशा बनावट खातेधारकांच्या अनुषंगाने सविस्तर वृत्त प्रकाशित केले होते. त्यामुळे राज्यातील ८९ लाख कर्जदार शेतकऱ्यांचा दावा खोटा ठरला असून, त्यामुळे राज्य सरकारने जाहीर केलेला ३४ हजार कोटींच्या कर्जमाफीचा आकडाही घटण्याची शक्यता आहे.

दावा खोटा, कर्जमाफीचा आकडाही घटणार
राज्यस्तरीय बँकर्स कमिटीने राज्यात ८९ लाख कर्जदार असल्याची माहिती दिली होती. प्रत्यक्षात, कर्जमाफीसाठी पुरुष आणि महिला शेतकऱ्यांचे ६६ लाख खातेदारांचे अर्ज आले आहेत. नोकरदार शेतकरी असलेल्या सुमारे सहा लाख कर्जदारांनी कर्जमाफीसाठी अर्ज केलेले नाहीत. अशी एकंदर ७२ लाख खातेदारांची माहिती पुढे आली आहे.

मात्र, उर्वरित सुमारे १५ ते १७ लाख खातेदारांचा कोणताही ठावठिकाणा लागत नसल्याचे समजते. त्यामुळे राज्यातील ८९ लाख कर्जदार शेतकऱ्यांचा दावा खोटा ठरला असून, राज्य सरकारने जाहीर केलेला ३४ हजार कोटींच्या कर्जमाफीचा आकडाही घटण्याची शक्यता आहे.

हे शेतकरी नेमके कोण?
कर्जमाफीसाठी अर्ज केलेल्यांमध्ये मुंबई आणि मुंबई उपनगरातील कर्जदारांची संख्या पुन्हा एकदा चर्चेचा विषय बनली आहे. मुंबईतील २३ हजार ४९४ आणि मुंबई उपनगर जिल्ह्यातील १ हजार ५०३ इतक्या कर्जदारांनी कर्जमाफीचे ऑनलाइन अर्ज सादर केले आहेत. त्यामुळे हे शेतकरी नेमके कोण, अशी चर्चा रंगली आहे.

इतर अॅग्रो विशेष
बीड, उस्मानाबाद जिल्ह्यांत चारा...औरंगाबाद : मराठवाड्यातील बीड व...
वर्षावनातील विविधतेसाठी किडी,...संशोधकांना उष्ण कटिबंधीय वर्षावनातील विविधतेने...
पशुधन सहायकांच्या पदोन्नतीप्रकरणात...नागपूर : निकष डावलून राज्यातील पशुधन सहायकांना...
तमिळनाडूतील १११ शेतकऱ्यांचे मोदींना...तिरुचिरापल्ली, तमिळनाडू : विविध मागण्यांकडे...
शेतीला मिळाली बीजोत्पादनाची साथबोरी (ता. जिंतूर, जि. परभणी) गावशिवारात चंद्रशेखर...
भर दुष्काळात राज्यातील शेळ्या-मेंढ्या...नगर ः दुष्काळी भागातील जनावरे जगवण्यासाठी छावण्या...
पपईच्या बनावट बियाणेप्रकरणी चौघांना अटककोल्हापूर : नामवंत कंपनीच्या पपई बियाण्यांच्या...
उन्हाचा चटका वाढणार; नांदेडला तुरळक...पुणे : विदर्भ, मराठवाड्यात वादळी पावसाने...
वऱ्हाडात फळबागांवर चालू लागल्या कुऱ्हाडीअकोला : दुष्काळी परिस्थितीने शेतकऱ्यांचे जगणे...
'जलवर्धिनी' करतेय लोकशिक्षणातून जल...जलवर्धिनी प्रतिष्ठानतर्फे पाण्याचे संधारण आणि...
आज शिवजयंती : शिवनेरीवर पारंपारिक...पुणे : फाल्गुन वद्य तृतीया या तिथीनुसार आज (ता....
अतितीव्र हवामानस्थितीला कर्बाचे वाढते...पुणे : वातावरणातील कार्बनडाय ऑक्साईडचे (कर्ब)...
कमतरतेनुसार सूक्ष्म अन्नद्रव्यांचा वापर...अलीकडे सूक्ष्म अन्नद्रव्यांची कमतरता अधिक...
पिंप्री गावाने कमावले लसूणघास शेतीत नाव पिंप्री (वळण) (ता. राहुरी, जि. नगर) हे गाव मुळा...
दुष्काळातही सुरती हुरड्याची  चवच काही...औरंगाबाद जिल्ह्यातील सारंगपूर येथील अरुण कडूबाळ...
। तुका म्हणे कान्हा । भूक लागली नयनां ।।देहू : तुकाराम तुकाराम...असा नामघोष आणि...
नांदेड जिल्ह्यात कापूस उत्पादकता...नांदेड ः नांदेड जिल्ह्यात २०१८-१९ च्या खरीप...
नगरची लढत राहणार लक्षवेधीनगर : राज्याच्या सर्वाधिक लक्ष असलेल्या नगर (...
रब्बी पीकविम्याला बोगस प्रकरणांचे ग्रहणमुंबई ः २०१८-१९ च्या रब्बी हंगामात पंतप्रधान...
सहा कारखान्यांची धुराडी थंडावलीऔरंगाबाद  : मराठवाडा व खानदेशातील पाच...