सोलापूर : छत्रपती शिवाजी महाराज शेतकरी सन्मान योजनेंतर्गत जिल्ह्यातील जिल्हा मध्यवर्ती सहकारी बॅंकेच्या पात्र ४४ हजार ७६६ शेतकऱ्यांना २२७ कोटी ६१ लाख १४, ५५३ रुपयांच्या कर्जमाफीचा लाभ मिळाला आहे.
शेतकरी कर्जमाफी अंतर्गत २१,७५८ शेतकऱ्यांना वन टाईम सेटलमेंट योजनेचा लाभ मिळणार आहे. तसेच १२,८८२ शेतकऱ्यांना प्रोत्साहनपर अनुदानाचा लाभ मंजूर करण्यात आला आहे. त्यापोटी २३ कोटी ७० लाख २५,२१३ रुपये वितरित करण्यात आले आहेत, सहकारी संस्थांचे जिल्हा उपनिबंधक अविनाश देशमुख यांनी ही माहिती दिली. श्री. देशमुख म्हणाले, "या योजनेतून १ एप्रिल २००९ ते ३१ मार्च २०१६ या कालावधीत कर्ज घेतलेल्या शेतकऱ्यांना त्यांचे कर्ज ३० जून २०१६ अखेर थकीत व ३१ जुलै २०१७ पर्यंत परतफेड न केलेल्या थकीत कर्जावर रुपये दीड लाखापर्यंत माफ होणार आहे. ज्या शेतकऱ्यांचे दीड लाखापेक्षा जास्त कर्ज थकीत आहे, अशा शेतकऱ्यांसाठी एक रकमी परतफेड योजना लागू केली आहे. ज्या शेतकऱ्यांनी दीड लाखावरील रक्कम भरणा केल्यास त्यांचे कर्ज खात्यावर शासनाकडून दीड लाखपर्यंत रक्कम भरणा केली जाणार आहे. तसेच नियमित परतफेड करणाऱ्या शेतकऱ्यांसाठी प्रोत्साहनपर योजना लागू आहे. तर २०१५-१६ मध्ये कर्ज घेऊन त्याची परतफेड ३० जून २०१७ पर्यंत केली आणि २०१६-१७ मध्ये कर्ज घेतले असल्यास त्याची परतफेड ३१ जुलै २०१७ पर्यंत केली असल्यास अशा शेतकऱ्यांना प्रोत्साहनपर योजनेमध्ये त्यांनी परतफेड केलेल्या कर्जाच्या २५ टक्के पण किमान १५ हजार व जास्तीत जास्त रुपये २५ हजार एवढी रक्कम या शेतकऱ्यांच्या बचत खात्यावर शासनातर्फे जमा केली जाणार आहे.'''' "जिल्ह्यातील १४ हजार ५७२ शेतकरी प्रोत्साहनपर अनुदानास पात्र ठरले आहेत. त्यापैकी १२ हजार ८८२ शेतकऱ्यांच्या खात्यावर २३ कोटी ७० लाख २५२१३ रुपये जमा करण्यात आले आहेत. २१ हजार ७५८ शेतकऱ्यांना वन टाईम सेटलमेंट योजनेचा लाभ मिळणार आहे. त्या शेतकऱ्यांनी संबंधित बॅंकेस संपर्क साधावा, या वन टाइम सेटलमेंटची मुदत ३१ मार्च २०१८ पर्यंत आहे. अशा शेतकऱ्यांनी दीड लाख रुपयांवरील कर्जाची रक्कम भरल्यास त्यांना कर्जमाफी मिळणार आहे, असे जिल्हा निबंधक अविनाश देशमुख यांनी सांगितले.
एक दृष्टिक्षेप
- जिल्ह्यात ४४ हजार ७६६ शेतकऱ्यांना फायदा - २२७ कोटी ६१ लाख १४,५५३ रुपयांची माफी - जिल्ह्यातील १२ हजार ८८२ शेतकऱ्यांना प्रोत्साहनपर अनुदान - त्यापोटी २३ कोटी ७० लाख २५२१३ रुपये वितरीत - २१७५८ शेतकऱ्यांना वन टाइम सेटलमेंट योजनेचा लाभ मिळणार
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.