‘बंद‘ला सोलापुरात संमिश्र प्रतिसाद

‘बंद‘ला सोलापुरात संमिश्र प्रतिसाद
‘बंद‘ला सोलापुरात संमिश्र प्रतिसाद

सोलापूर : इंधनदरवाढ आणि महागाईच्या विरोधात काँग्रेसने पुकारलेल्या बंदला विविध पक्षांसह संघटनांनी पाठिंबा दिला, पण सोलापुरात या बंदला संमिश्र प्रतिसाद मिळाला. काही प्रमुख बाजारपेठांतील बंद वगळता शहरातील सर्व व्यवहार सुरळीत सुरू होते. शिवाय शाळा, महाविद्यालये आणि बॅंकाही सुरू होत्या. या बंदमुळे सोलापूर बाजार समितीतील आवक काहीशी कमी झाली होती, तरीही सगळे व्यवहार सुरळीत सुरू होते. दरम्यान, मार्क्‍सवादी कम्युनिस्ट पक्षाने पेट्रोल पंपावर निदर्शने केली; तर जबरदस्तीने बाजारपेठा बंद करणाऱ्या काँग्रेस-राष्ट्रवादी काँग्रेसच्या कार्यकर्त्यांना पोलिसांनी रोखले.

शहरातील नवीपेठसह काही प्रमुख बाजारांतील व्यवहार बंद राहिले; पण दुपारनंतर पुन्हा हे सगळे व्यवहार सुरळीत झाले. सोमवारी दुपारी बाराच्या सुमारास मार्क्‍सवादी कम्युनिस्ट पक्षातर्फे सात रस्ता येथील कारागीर पेट्रोल पंपासमोर धरणे आंदोलन करण्यात आले. त्यात सहभागी झालेल्या माजी आमदार नरसय्या आडम मास्तर यांच्यासह ६५ कार्यकर्त्यांना पोलिसांनी अटक केली. रेल्वे स्टेशन परिसरात बंदच्या निषेधार्थ रस्त्यावर टायर जाळण्यात आले. नवी पेठ येथे काँग्रेस व राष्ट्रवादी काँग्रेसतर्फे बंदचे आवाहन करण्यात येत असताना राष्ट्रवादीचे शहराध्यक्ष भारत जाधव, माजी महापौर मनोहर सपाटे, कार्याध्यक्ष संतोष पवार, काँग्रेसचे नगरसेवक चेतन नरोटे आदी त्यांना पोलिस निरीक्षक संजय जगताप यांनी ताब्यात घेतले.

जिल्ह्यातही बंदचे काहीसे पडसाद उमटले. पंढरपुरातील विविध पक्ष व संघटनांनी सावरकर चौकात ठिय्या आंदोलन केले. या वेळी मार्गावरील वाहतकू खोळंबली होती. मंगळवेढ्यातही काँग्रेसच्या वतीने रास्ता-रोको करण्यात आला.

बाजार समितीचे व्यवहार सुरळीत सोलापूर बाजार समितीतील व्यवहारही सोमवारी नेहमीप्रमाणे सुरळीत सुरू होते. आवक काहीशी कमी असली, तरी व्यवहार झाले. विशेषतः भुसार बाजारावर त्याचा काहीसा परिणाम झाला, पण पालेभाज्या, फळभाज्या विभागात लिलाव रोजच्याप्रमाणे पार पडले. बाजार समितीची दिवसाची उलाढाल सुमारे ५० लाखांहून अधिक आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com