agriculture news in marathi, In Solapur the volunteers of 'Swabhimani' are overwhelmed | Agrowon

सोलापुरात ‘स्वाभिमानी'चे उपोषणकर्ते अत्यवस्थ
टीम अॅग्रोवन
रविवार, 18 नोव्हेंबर 2018

सोलापूर : गतवर्षीच्या हंगामातील थकीत एफआरपी द्यावी आणि चालू हंगामात एफआरपी अधिक दोनशे रुपये द्यावेत, या मागणीसाठी सहकारमंत्री सुभाष देशमुख यांच्याशी संबंधित भंडारकवठे (ता. दक्षिण सोलापूर) येथील लोकमंगल साखर कारखान्यासमोर स्वाभिमानी शेतकरी संघटनेच्या कार्यकर्त्यांनी आमरण उपोषण सुरू केले आहे. शनिवारी (ता. १७) तिसऱ्यादिवशी उपोषणकर्त्यांची तब्येत खालावली असून, उपोषणातील सहभागी सहाही कार्यकर्ते अत्यवस्थ झाले आहेत.

सोलापूर : गतवर्षीच्या हंगामातील थकीत एफआरपी द्यावी आणि चालू हंगामात एफआरपी अधिक दोनशे रुपये द्यावेत, या मागणीसाठी सहकारमंत्री सुभाष देशमुख यांच्याशी संबंधित भंडारकवठे (ता. दक्षिण सोलापूर) येथील लोकमंगल साखर कारखान्यासमोर स्वाभिमानी शेतकरी संघटनेच्या कार्यकर्त्यांनी आमरण उपोषण सुरू केले आहे. शनिवारी (ता. १७) तिसऱ्यादिवशी उपोषणकर्त्यांची तब्येत खालावली असून, उपोषणातील सहभागी सहाही कार्यकर्ते अत्यवस्थ झाले आहेत.

स्वाभिमानी शेतकरी संघटनेचे जिल्हाध्यक्ष समाधान फाटे, बापू गायकवाड, नवनाथ माने, श्रीनिवास भोसले, मदनसिंह जाधव आणि बापू कोडक यांची प्रकृती खालावत चालली आहे. या वर्षीच्या उसाला एफआरपी अधिक दोनशे रुपये व मागील वर्षीच्या हंगामातील सिद्धेश्वर, मातोश्री आणि गोकुळ या साखर कारखान्यांनी खोटी माहिती देऊन थकवली, त्यांच्यावर कारवाई व्हावी, तसेच एफआरपी चौदा दिवसांच्या आत देणे बंधनकारक असताना, यंदाचा गळीत हंगाम सुरू होऊनही पहिला हप्ता जाहीर होत नाही तो त्वरित व्हावा, या विषयावर सहकारमंत्र्यांचे लक्ष वेधण्यासाठी हे उपोषण सुरू आहे.

शनिवारी या उपोषणस्थळी राष्ट्रवादी काॅँग्रेसचे जिल्हा परिषद सदस्य अप्पाराव कोरे व जिल्हा उपाध्यक्ष अख्तरताज पाटील यांनी राष्ट्रवादी काॅँग्रेसच्या कार्यकर्त्यांसह भेट दिली. मागण्यांबाबत राष्ट्रवादी काॅँग्रेसचे विरोधी पक्षनेते धनंजय मुंडे यांना सांगून हिवाळी अधिवेशनामध्ये याकडे लक्ष वेधण्याबाबत सांगू, असे आश्‍वासन दिले. उपोषणस्थळी पाठिंबा देण्यासाठी पंढरपूरचे उपसभापती विष्णू बागल त्यांच्यासह सहकारी उपस्थित राहिले. भाजपचे जिल्हा सरचिटणीस हणमंत कुलकर्णी उपोषणस्थळी भेट दिली त्यांनीही लवकरच तोडगा निघेल, उपोषण मागे घ्या, असे आवाहन केले. पण, आंदोलक मागण्यावर ठाम आहेत. दरम्यान, दोन दिवसांत तोडगा काढा अन्यथा रस्त्यावर उतरू, कार्तिकी वारीला महसूलमंत्री चंद्रकांत पाटील येणार आहेत. त्यांना घेराव घालू, असे जिल्हाध्यक्ष महामूद पटेल, संघटक विजय रणदिवे यांनी इशारा दिला.

इतर बातम्या
...आवाज कुणाचा? लोकसभा २०१९चा आज निकालनवी दिल्ली : संपूर्ण जगाचे लक्ष लागून असलेल्या...
कृषी विद्यापीठांना नकोय शिक्षण परिषदेचे...नागपूर : भारतीय कृषी संशोधन परिषदेने तयार...
कोकण, मध्य महाराष्ट्र, मराठवाड्यात...पुणे : उन्हाचा चटका वाढल्याने राज्यातील...
राज्यात कृत्रिम पावसाची तयारी सुरूमुंबई : राज्यातील यंदाच्या भीषण दुष्काळाची...
फळबाग लागवड योजनेवर ग्रामसेवकांचा...चिपळूण, जि. रत्नागिरी ः महाराष्ट्र ग्रामसेवक...
‘रिसॅट-२ बी'चे उपग्रहाचे यशस्वी...श्रीहरीकोट : भारतीय अंतराळ संशोधन संस्थेने (इस्रो...
‘कृष्णामाई’चा कर्नाटकातील काठ तहानला;...कोल्हापूर : कृष्णा नदीवर अवलंबून असणाऱ्या कर्नाटक...
देशभरात ७२४ महिला उमेदवारांचे भवितव्य...नवी दिल्ली : देशात नुकत्याच झालेल्या लोकसभा...
हृदयासाठी आरोग्यवर्धक पदार्थांतून सोया...अमेरिकी अन्न आणि औषध प्रशासनाने हृदयासाठी...
अमरावती : नाफेडने अचानक केली तूरखरेदी...अमरावती : ऑनलाइन नोंदणी केलेल्या दहा टक्‍के...
बुलडाणा जिल्ह्यात भीषण पाणीटंचाईबुलडाणा ः गेल्या काही वर्षांत पहिल्यांदाच...
दुष्काळात संत्रा बागेला टँकरच्या...अकोला ः दुष्काळी परिस्थितीने शेतकऱ्याला चौफेर...
खानदेशात सौर कृषिपंप योजनेतून लवकरच पंप...जळगाव ः सौर कृषिपंपासाठी खानदेशातून ८ हजार ९५०...
मिरज, तासगावसह सिंधुदुर्गात पाऊससिंधुदुर्ग, सांगली : विजांच्या कडकडाटांसह...
लातूर :थकित पैशांसाठी अडत्यांचे उपोषणलातूर : लातूर उच्चत्तम कृषी उत्पन्न बाजर...
मराठवाड्यात नवीन खासदारांबाबत उत्कंठानांदेड : मराठवाड्यातील आठ लोकसभा मतदारसंघांतील...
कोल्हापूर, सांगलीत निकालाची उत्सुकता...सांगली : लोकसभा निवडणुकीची मतमोजणी गुरुवारी (ता....
सोलापूर, माढ्याच्या निकालाकडे देशाचे...सोलापूर : अत्यंत प्रतिष्ठेच्या ठरलेल्या...
परभणी जिल्ह्यातील ग्रामीण भागात ७५...परभणी : जिल्ह्याच्या ग्रामीण भागात पाणीटंचाईचे...
सोलापूर : ओसाड रानं अन्‌ जनावरांची पोटं...सोलापूर ः टॅंकरच्या पाण्यासाठी गावोगावी...