‘सॉर्टेड सिमेन’चा प्रयोग यशस्वी

‘सॉर्टेड सिमेन’चा प्रयोग यशस्वी
‘सॉर्टेड सिमेन’चा प्रयोग यशस्वी

नगर : गोदावरी खोरे नामदेवराव परजणे पाटील तालुका सहकारी दूधउत्पादक संघ व बायफ मित्र (बीआयएसएलडी) यांच्यातर्फे ऑक्‍टोबर-२०१६पासून सॉर्टेड सिमेन प्रकल्प राबविण्यात येतो. संघाच्या कार्यक्षेत्रातील उंदीरवाडी येथील १८ महिन्यांच्या कालवडीवर सॉर्टेड सिमेनचे रेतन करण्यात आले. त्या कालवडीनेही पुन्हा सुदृढ कालवडीस जन्म दिला. त्यामुळे सॉर्टेड सिमेनचा हा प्रयोग यशस्वी झाल्याची माहिती संघाचे अध्यक्ष राजेश परजणे यांनी दिली. अमेरिका व युरोपियन देशात व्यावसायिक डेअरी फार्ममध्ये वापर होणाऱ्या आणि सुमारे ३० ते ३२ लिटर दूध देणाऱ्या गायींची पैदास करणाऱ्या सुधारित रेताचे (सॉर्टेड सिमेन) वितरण गोदावरी दूधउत्पादक संघ व बायफ यांच्या सहकार्यातून संघाच्या कार्यक्षेत्रात २० जानेवारी २०१६ पासून करण्यात येते. आडगाव चोथवा (येवला) येथील संकरित गो-पैदास केंद्रामार्फत उंदीरवाडी येथील शेतकरी भाऊसाहेब चव्हाण यांना एचएफ जातीच्या रेताचे वितरण केले होते. कृत्रिम रेतन केलेल्या त्यांच्या दीड वर्षाच्या कालवडीने १४ मार्च रोजी पुन्हा कालवडीस जन्म दिला. १८ महिन्यांची ही कालवड रोज २१ लिटर दूध देते. अनेक शेतकरी या प्रकल्पाकडे वळत असून, दूध उत्पादनवाढीसाठी याचा चांगला लाभ होणार आहे.  संघाच्या कार्यक्षेत्रात आजपर्यंत ४०३ कालवडी जन्मास आल्या असून, २२ कालवडींना कृत्रिम रेतन करण्यात आले आहे. त्यापैकी १५ कालवडी गाभण आहेत, अशी माहिती बायफचे विभागीय अधिकारी डॉ. बाळासाहेब जिगळेकर यांनी दिली. संघाचे अध्यक्ष परजणे, बायफचे मुख्य कार्यक्रम समन्वयक व्ही. बी. दयासा, कार्यकारी संचालक चंद्रकांत गाढवे, राष्ट्रीय डेअरी विकास बोर्डचे प्रकल्प अधिकारी डॉ. चंद्रकांत धंदर, बायफचे अधिकारी डॉ. शब्बीर शेख यांनी कालवडीची पाहणी केली.   संपर्क : डॉ. जिग्लेकर ८७८८८६०९८१

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com