मध्य प्रदेशात नवीन सोयाबीनची अावक सुरू

नवी दिल्ली  ः सोयाबीन उत्पादनात अाघाडीवर असलेल्या मध्य प्रदेशात नवीन पिकाची अावक सुरू झाली अाहे. सध्या राज्यातील प्रमुख बाजार समित्यांमध्ये अावक कमी होत अाहे. मात्र पुढील १५-२० दिवसांत सोयाबीनची अावक पूर्ण क्षमतेने सुरू होईल. यामुळे रोजची अावक १० हजार ते १५ हजार पिशव्यांपर्यंत पोचू शकते, असा अंदाज येथील व्यापाऱ्यांनी व्यक्त केला अाहे.

इंदोर येथील बाजार समितीमध्ये सोयाबीन अावक सुरू झाली अाहे. नवीन सोयाबीनचा दर्जा समाधानकारक अाहे. मात्र नवीन सोयाबीन लहान अाकाराचा अाहे, अशी माहिती इंदोर व्यापारी संघटनेचे अध्यक्ष एन. के. अगरवाल यांनी दिली.

इंदोर येथील बाजारात बुधवारी (ता. ६) २५-३० पिशव्या (एक पिशवी- १०० किलो) सोयाबीनचा लिलाव करण्यात अाला. त्याला प्रतिक्विंटल ३,६००-३,८०० रुपये दर मिळाल्याचे त्यांनी सांगितले. जुन्या सोयाबीनला प्रतिक्विंटल सरासरी ३,०००-३,५०० रुपये दर मिळाला होता. नवीन सोयाबीनमधील अार्द्रतेचे प्रमाण २०.२५ टक्के अाहे. सर्वसाधारणपणे अार्द्रतेचे प्रमाण १०-१२ टक्के एवढे असते, असेही ते म्हणाले.

मध्य प्रदेशातील सोयाबीन क्षेत्रात सात टक्क्यांनी घट पाऊस कमी झाल्यामुळे यंदा मध्य प्रदेशातील सोयाबीन उत्पादन घटण्याची चिन्हे दिसत अाहेत. त्यात शेतकरी सोयाबीन पिकांकडून कापूस पिकाकडे वळले अाहेत. त्यामुळे सोयाबीन पीक क्षेत्र कमी झाले अाहे. कृषी मंत्रालयाकडील अाकडेवारीनुसार, यंदा राज्यात ५.०१ दशलक्ष हेक्टरवर सोयाबीन लागवड झाली अाहे. गेल्या वर्षी ५.३६ दशलक्ष हेक्टरवर सोयाबीन पीक क्षेत्र होते. गेल्या वर्षीच्या तुलनेत यंदा लागवड क्षेत्रात ७ टक्क्यांनी घट झाली अाहे.

देशातील सोयाबीन उत्पादन घटणार भारतातील सोयाबीन उत्पादनात यंदा (२०१७-१८) ५ टक्क्यांनी घट होण्याचा अंदाज अाहे. यंदा ९.६ दशलक्ष टन उत्पादन होण्याची शक्यता वर्तविण्यात अाली अाहे. मध्य प्रदेशातील सोयाबीन पीक क्षेत्र (दशलक्ष हेक्टरमध्ये) २०१७-१८...५.०१ २०१६-१७...५.३६ स्राेत ः कृषी मंत्रालय