agriculture news in marathi, Soyabean to get 3 quital 64 kilo average acreage | Agrowon

मराठवाड्यात सोयाबीन पिकले एकरी ३ क्‍विंटल ६४ किलो
संतोष मुंढे
गुरुवार, 23 नोव्हेंबर 2017

औरंगाबाद : मराठवाड्यातील लातूरसह उस्मानाबाद, नांदेड, परभणी व हिंगोली या पाच जिल्ह्यांत यंदा सोयाबीनचे एकरी सरासरी उत्पादन केवळ ३ क्‍विंटल ६४ किलो झाले आहे. उडदाची उत्पादकता १ क्‍विंटल १८ किलो, तर मुगाची उत्पादकताही एकरी १ क्‍विंटल १२ किलोपुढे सरकली नाही. त्यातच आधी प्रदीर्घ खंडानंतर परतीच्या पावसाने सोयाबीनचे केलेले नुकसान व मिळत नसलेला हमीभाव यामुळे शेतकऱ्यांचे कंबरडे मोडले आहे. 

औरंगाबाद : मराठवाड्यातील लातूरसह उस्मानाबाद, नांदेड, परभणी व हिंगोली या पाच जिल्ह्यांत यंदा सोयाबीनचे एकरी सरासरी उत्पादन केवळ ३ क्‍विंटल ६४ किलो झाले आहे. उडदाची उत्पादकता १ क्‍विंटल १८ किलो, तर मुगाची उत्पादकताही एकरी १ क्‍विंटल १२ किलोपुढे सरकली नाही. त्यातच आधी प्रदीर्घ खंडानंतर परतीच्या पावसाने सोयाबीनचे केलेले नुकसान व मिळत नसलेला हमीभाव यामुळे शेतकऱ्यांचे कंबरडे मोडले आहे. 

लातूर कृषी विभागाच्या पीक कापणी प्रयोगावरून लातूर, नांदेड, उस्मानाबाद, परभणी व हिंगोली या पाच जिल्ह्यांतील सोयाबीन, उडीद, मूग या पिकांची यंदाची उत्पादकता समोर आली आहे. पाचही जिल्ह्यांत यंदा मुगाच्या पिकाचे १५४० पीक कापणी प्रयोग घेण्याचे नियोजन होते. त्यापैकी १५२५ प्रयोग घेण्यात आले. या प्रयोगामध्ये लातूर कृषी विभागातील मुगाची हेक्‍टरी उत्पादकता २८१ किलोग्रॅम आली आहे. मुगापाठोपाठ पाचही जिल्ह्यांत यंदा उडदाच्या १५०४ पीक कापणी प्रयोगाचे नियोजन होते. त्यापैकी १४८६ प्रयोगाअंती उडदाची हेक्‍टरी उत्पादकता २९५ किलोग्रॅम इतकी आली आहे. 

संपूर्ण मराठवाड्यात लातूर कृषी विभागातील हिंगोली जिल्ह्यात सोयाबीन उत्पादकता सर्वाधिक आली आहे. हेक्‍टरी ११४५ किलो सोयाबीन हिंगोली जिल्ह्यात पिकल्याचे कापणी प्रयोगाचे आकडे सांगतात, तर त्यापाठोपाठ ११३२ किलो हेक्‍टरी सोयाबीन लातूर जिल्ह्यात पिकले आहे. संपूर्ण लातूर कृषी विभागातील पाच जिल्ह्यांत हेक्‍टरी सरासरी ९१२ किलो सोयाबीन पिकल्याचे कृषी विभागाच्या पीक कापणी प्रयोग अहवालावरून पुढे आले आहे. संपूर्ण मराठवाड्यात यंदा सोयाबीन, उडीद, मुगाची उत्पादकता काढण्यासाठी जवळपास पाच हजारांवर पीक कापणी प्रयोगाचे नियोजन करण्यात आले होते. 

जिल्हानिहाय पिकांची उत्पादकता
(उत्पादकता हेक्‍टरी किलोग्रॅममध्ये)

जिल्हा मूग उडीद सोयाबीन 
औरंगाबाद ३१७ ६१८ ८३४
जालना १८५ ३३४ ७४५
बीड २६७ ४०८ ७५१
लातूर ३३० ३४४ ११३२
उस्मानाबाद १९९ २११ ६३१
नांदेड २९२ २६१ ७९५
परभणी २१५ २९१ ८५६
हिंगोली ३६९ ३७० ११४५

कापणी प्रयोग निष्कर्ष
औरंगाबाद जिल्ह्यात मूग पीक कापणीचे १९६ प्रयोग घेण्यात आले. त्यानुसार मुगाची हेक्‍टरी उत्पादकता हेक्‍टरी ३१७ किलोग्रॅम आली. त्यापाठोपाठ उडदाच्या ७६ नियोजित प्रयोगांपैकी ६६ प्रयोगांतून हेक्‍टरी उत्पादकता ६१८ किलोग्रॅम, तर सोयाबीनच्या १२७ प्रयोगांतून हेक्‍टरी उत्पादकता ८३४ किलोग्रॅम आली. जालना जिल्ह्यात सोयाबीन हेक्‍टरी ७४५ किलो, बीड जिल्ह्यात हेक्‍टरी ७५१ किलो पिकले. 

कपाशीची उत्पादकता अजून बाकी
लातूर, उस्मानाबाद, नांदेड, हिंगोली व परभणी या पाच जिल्ह्यांत यंदा कपाशीची उत्पादकता काढण्यासाठी १३५४ प्रात्यक्षिकांचे नियोजन करण्यात आले आहे. परंतु या नियोजनानुसार अजून एकाही जिल्ह्याकडून कपाशीच्या उत्पादकतेविषयीचा अहवाल विभागीय कृषी सहसंचालक कार्यालय लातूरकडे प्राप्त झाला नसल्याची माहिती सूत्रांनी दिली. 

इतर अॅग्रो विशेष
वीज पडून जाणारे जीव वाचवामागील जूनपासून सुरू झालेला नैसर्गिक आपत्तींचा कहर...
जल व्यवस्थापनाच्या रम्य आठवणीजलव्यवस्थापनाचे धडे घेण्यासाठी कुठलेही पुस्तक...
कापूस उत्पादकतेत भारताची पीछेहाटजळगाव ः जगात कापूस लागवडीत पहिल्या क्रमांकावर...
अडीच कोटींचे अनुदान ‘हरवले’पुणे : राज्यातील शेतकऱ्यांना वाटण्यासाठी केंद्र...
उन्हाचा चटका काहीसा कमी पुणे ः गेल्या दोन दिवसांपासून उन्हाच्या चटक्यात...
ऊस पट्ट्यात द्राक्ष शेतीतून साधली...लातूर जिल्ह्यातील आनंदवाडी (ता. चाकूर) हे गाव ऊस...
खारपाणपट्ट्यात कृषी विद्यापीठाने दिला...खारपाणपट्ट्यात विविध हंगामात पिके घेण्यावर...
शेतीमाल दरवाढीचे लाभार्थी सधन शेतकरीचमिलिंद मुरुगकर यांनी अटलबिहारी वाजपेयी यांच्या...
व्यवस्था परिवर्तन कधी?सतराव्या लोकसभेची निवडणूक सध्या सुरू आहे. एक...
राज्यातील दहा मतदारसंघांत आज मतदानपुणे ः लोकसभा निवडणुकीच्या दुसऱ्या टप्प्यात...
मराठवाड्यात सव्वाचार लाख जनावरे चारा...औरंगाबाद : गत आठवड्याच्या तुलनेत औरंगाबाद, बीड व...
नुकसानीचे पंचनामे होणार केव्हा?जळगाव  ः खानदेशात सलग तिसऱ्या दिवशी म्हणजेच...
जीपीएसद्वारे टँकर्सचे नियंत्रण करा ः...मुंबई : राज्यातील धरण व तलावांमध्ये उपलब्ध...
राज्यात कोरड्या हवामानाचा अंदाजपुणे : पूर्वमोसमी पावसाच्या सर्वच भागात हजेरी...
चीनची दारे भारतीय केळीसाठी बंदच जळगाव ः अतिथंडी व फी जारियम विल्ट या रोगामुळे...
वादळी पावसाने दाणादाणपुणे  : सोसाट्याचा वारा, मेघगर्जना, विजा,...
उत्पादन वाढले; पण उठाव ठप्पशेतकऱ्यांच्या दृष्टीने चालू ऊस हंगाम फारसा ठीक...
शुभवार्तांकनावर शिक्कामोर्तबअर्धा देश दुष्काळाने आपल्या कवेत घेतला आहे....
'कोरडवाहू'साठी एक तरी शाश्‍वत पीक...माझ्याकडे उत्तम बागायतीची सुविधा असून, गेल्या २०-...
खानदेशात चाराटंचाईचे संकटजळगाव : खानदेशातील पशुधनाच्या रोजच्या गरजेपेक्षा...