agriculture news in marathi, Soyabean import will be increased says traders | Agrowon

सोयाबीनची विक्रमी आयात होण्याची चिन्हे
टीम अॅग्रोवन
बुधवार, 28 मार्च 2018

पुणे : आंतरराष्ट्रीय बाजारात सोयाबीन स्वस्तात उपलब्ध असल्यामुळे यंदा देशात मोठा साठा असूनही सोयाबीनची विक्रमी आयात होण्याची शक्यता आहे. यंदा सुमारे १ लाख टन सोयाबीन आयात करण्याचे करार झाले आहेत, असे सूत्रांनी सांगितले. देशातील एकूण उत्पादनाच्या तुलनेत (८३ ते ८५ लाख टन) आयातीचा आकडा नगण्य असल्यामुळे देशांतर्गत बाजारपेठेत सोयाबीनच्या दरात मोठी पडझड होण्याची शक्यता नाही. परंतु आगामी काळात सोयाबीनचे दर वाढणार नाहीत, यावर या आयातीमुळे शिक्कामोर्तब झाल्याचे सूत्रांनी सांगितले.

पुणे : आंतरराष्ट्रीय बाजारात सोयाबीन स्वस्तात उपलब्ध असल्यामुळे यंदा देशात मोठा साठा असूनही सोयाबीनची विक्रमी आयात होण्याची शक्यता आहे. यंदा सुमारे १ लाख टन सोयाबीन आयात करण्याचे करार झाले आहेत, असे सूत्रांनी सांगितले. देशातील एकूण उत्पादनाच्या तुलनेत (८३ ते ८५ लाख टन) आयातीचा आकडा नगण्य असल्यामुळे देशांतर्गत बाजारपेठेत सोयाबीनच्या दरात मोठी पडझड होण्याची शक्यता नाही. परंतु आगामी काळात सोयाबीनचे दर वाढणार नाहीत, यावर या आयातीमुळे शिक्कामोर्तब झाल्याचे सूत्रांनी सांगितले.

यंदा आफ्रिकी देशांतून सुमारे एक लाख टन सोयाबीन आयात करण्याचे करार भारतीय आयातदारांनी केले आहेत. गेल्या वर्षीही सोयाबीनची आयात झाली होती; परंतु त्याचे प्रमाण अगदीच कमी होते. यंदा मात्र डिसेंबरपासूनच आयातीचा वेग वाढला आहे. देशात यंदा पहिल्यांदाच एक लाख टन सोयाबीन आयातीचा टप्पा गाठला जाण्याची चिन्हे आहेत. सूत्रांनी दिलेल्या माहितीनुसार, यंदा प्रति टन ४१० ते ५३० अमेरिकी डॉलर या दराने सोयाबीन आयातीचे व्यवहार झाले आहेत. देशात मात्र सोयाबीनला प्रति टन ५६१ ते ५६५ अमेरिकी डॉलर इतका दर आहे. देशात सोयाबीनचा मोठा साठा उपलब्ध आहे; परंतु आंतरराष्ट्रीय बाजारात स्वस्तात सोयाबीन उपलब्ध झाले असल्यामुळे आयातीकडे कल वाढला आहे. भारतात केवळ नॉन जीएम सोयाबीन आयातीला परवानगी आहे.

देशात यंदा ८३ ते ८५ लाख टन सोयाबीन उत्पादन होण्याचा अंदाज आहे. गेल्या वर्षी सुमारे ११० लाख टन उत्पादन झाले होते. देशातील एकूण उत्पादनाच्या तुलनेत सोयाबीन आयातीचे प्रमाण एक टक्क्याच्या आसपास राहणार आहे. त्यामुळे या आयातीमुळे देशातील सोयाबीनच्या दरात मोठी घसरण होण्याची शक्यता नाही. परंतु या घडामोडीमुळे बाजाराचा कल स्पष्ट झाला असून सोयाबीनच्या दर आगामी काळात वाढण्याची शक्यता नाही, याचे हे स्पष्ट संकेत आहेत असे सूत्रांनी सांगितले.

`परदेशात स्वस्तात सोयाबीन उपलब्ध असल्यामुळे यंदा मोठी आयात झाली आहे. ही आयात आणखी वाढण्याची शक्यता आहे. सोयाबीन आयातीवरही याचा परिणाम दिसण्याची शक्यता आहे,` असे शेतमाल बाजार विश्लेषक सुरेश मंत्री यांनी सांगितले.

अर्जेन्टिनामध्ये प्रतिकूल हवामानामुळे सोयाबीनचे उत्पादन कमी होणार असल्याचा अंदाज आहे. त्यामुळे सोयाबीनचे दर वाढण्याला पाठबळ मिळेल, असे आडाखे बांधले जात होते. परंतु ब्राझिल या प्रमुख सोयाबीन उत्पादक देशामध्ये पीक चांगले असल्यामुळे आंतरराष्ट्रीय बाजारपेठेत सोयाबीनचा पुरवठा चांगला राहील. परिणामी सोयाबीनचे दर वाढण्याची शक्यता मावळली आहे, असे मंत्री यांनी स्पष्ट केले. भारतात आगामी मॉन्सूनचे चित्र कसे राहते, यावरही सोयाबीनच्या दरात सुधारणा होणार किंवा नाही, हे बऱ्याच अंशी अवलंबून आहे. परंतु आगामी मॉन्सूनविषयी भारतीय हवामानशास्त्र विभाग आणि खासगी हवामानविषयक संस्था यांचे परस्परविरोधी अंदाज आल्यामुळे त्या मुद्याचाही बाजारावर फारसा परिणाम होण्याची शक्यता नाही, असे मंत्री म्हणाले.

सध्या बाजारात सोयाबीनचे दर ३६५० ते ३८०० रुपये क्विंटल असून सोयाबीनच्या दरात मोठी तेजी येण्याची शक्यता नाही; त्यामुळे या दरपातळीला सोयाबीन विकून टाकणे फायदेशीर ठरेल, असे मंत्री म्हणाले. लातूर येथील व्यापाऱ्यांनीही या निरीक्षणाला दुजोरा दिला.

इतर अॅग्रो विशेष
जलदगती मार्गाने निर्जलपर्वाकडे...‘‘पाण्याची उपलब्धता कमी होत जाणे हे हवामान बदलाचे...
पुढचं पाऊलप्र बोधन आणि संघर्षाच्या माध्यमातून गेली चौदा...
नोकरशहांच्या दुर्लक्षामुळे जल...राज्यात दुष्काळग्रस्त गावे वाढत असून, जलाशयांची...
ठिबक सिंचनातील आधुनिक तंत्रज्ञान : अरुण...राज्यात लागवडीखालील २२५ लाख हेक्टर क्षेत्रांपैकी...
परंपरागत जल व्यवस्थांचा संपन्न वारसा :...परंपरागत जल व्यवस्थांमधून घेण्याजोग्या आणि आजही...
कोरडवाहूचे जल व्यवस्थापन : चिपळूणकर,...पाण्याचे व्यवस्थापन हे केवळ बागायती पिकांसाठी...
फड पद्धतीमुळे झाला कायापालट : दत्ता...फड या जल व्यवस्थापन पद्धतीचे तंत्र अगदी सोपे आहे...
समन्यायी जल व्यवस्थापनाला पर्याय नाही...लोकशाहीकरण वा पुनर्संजीवक विकास ही फुकाफुकी...
डोळ्यांत अंजन घालणारी नागलीची कहाणी :...योग्य पीकपद्धती विकसित केली नाही तर जल व्यवस्थापन...
जल व्यवस्थापनाची सप्तपदी : नागेश टेकाळेनिसर्गदेवतेने दिलेला जलरूपी प्रसाद आज आपण तिने...
जल व्यवस्थापन हाच कळीचा मुद्दा... :...पर्यावरणातील बदल, दुष्काळ, मातीचे बिघडणारे आरोग्य...
जल व्यवस्थापनासाठी हवी लोकचळवळलक्षावधी हेक्टर जमीन, हजारो टीएमसी पाणी आणि...
चैत्र यात्रेनिमित्त भाविकांनी दुमदुमला...ज्योतिबा डोंगर, जि. कोल्हापूर  : ‘...
विदर्भात वादळी पावसाची शक्यतापुणे : पूर्वमोसमी पावसाच्या सरींमुळे...
‘ॲग्रोवन'चा आज १४वा वर्धापन दिन; जल...पुणे : लाखो शेतकऱ्यांच्या कुटुंबातील घटक बनलेल्या...
यंदा बीटी कापूस बियाणे मुबलक : कृषी...पुणे : राज्याच्या कापूस उत्पादक भागातील...
फलोत्पादन अनुदान अर्जासाठी शेवटचे चार...पुणे : एकात्मिक फलोत्पादन अभियानातून (एमआयडीएच)...
वीज पडून जाणारे जीव वाचवामागील जूनपासून सुरू झालेला नैसर्गिक आपत्तींचा कहर...
जल व्यवस्थापनाच्या रम्य आठवणीजलव्यवस्थापनाचे धडे घेण्यासाठी कुठलेही पुस्तक...
कापूस उत्पादकतेत भारताची पीछेहाटजळगाव ः जगात कापूस लागवडीत पहिल्या क्रमांकावर...