agriculture news in marathi, soyabean procurement centers | Agrowon

सोयाबीन खरेदी केंद्रे नावालाच
हरी तुगावकर
गुरुवार, 16 नोव्हेंबर 2017

लातूर जिल्ह्यात एका महिन्यात या दहा खरेदी केंद्रांवर २२४ शेतकऱ्यांची ४४५ क्विंटल मूग, ४२४ शेतकऱ्यांची एक हजार ५१० क्विंटल उडीद व पाच शेतकऱ्यांची ८० क्विंटल सोयाबीन खरेदी केली आहे. जिल्ह्यातील पाच हजार शेतकऱ्यांनी आॅनलाइन नोंदणी केली आहे. त्यांना एसएमएसही पाठवले आहेत; परंतु ओलावा जास्त असल्याने शेतकरी मालच आणत नाहीत.
-वाय. ई. सुमठाणे, जिल्हा मार्केटिंग अधिकारी.

लातूर : राज्य शासनाने गाजावाजा करत सोयाबीन खरेदी केंद्रे सुरू केली. त्याच्या मोठ मोठ्या जाहिरातीही केल्या जात आहेत; परंतु शासनाच्या जाचक अटींमुळे शेतकऱ्यांचा या खरेदी केंद्रांवर भरोसाच राहिलेला दिसत नाही. यामुळे शेतकरी हमीभावापेक्षा कमी भावाने बाजारात सोयाबीनची विक्री करत आहेत. लातूर जिल्ह्यात तर ही केंद्रे नावालाच सुरू केली आहेत. जिल्ह्यातील दहा खरेदी केंद्रांवर एक महिन्यात पाच शेतकऱ्यांची केवळ ८० क्विंटल सोयाबीनची खरेदी झाली आहे, तर एकट्या लातूर बाजार समितीच्या अडत बाजारात एका महिन्यात सव्वाचार लाख क्विंटलचे खरेदी विक्रीचे व्यवहार झाले आहेत. शासनाने ओलाव्याची अट शिथिल केली, तर ही खरेदी वाढून शेतकऱ्यांच्या खिशात चार पैसे पडणार आहेत.

जिल्ह्यात खरिपात चार लाख हेक्टरपेक्षा जास्त क्षेत्रावर सोयाबीनची पेरणी झाली होती. त्यात या वर्षी पाऊस चांगला झाला आहे. त्यामुळे सोयाबीनचे उत्पादन मोठ्या प्रमाणावर झाले; पण अडत बाजारात मात्र भाव पडलेले आहेत. राज्य शासनाच्या वतीने हमीभावाने खरेदी करण्यासाठी मूग, उडीद, सोयाबीन खरेदी केंद्रे सुरू करण्यात आली आहेत. जिल्ह्यात १२ आक्टोबरपासून लातूर व उदगीर येथे खरेदी केंद्रे सुरू झाली.

त्यानंतर प्रत्येक तालुक्याच्या ठिकाणी असे एकूण दहा खरेदी केंद्रे सुरू करण्यात आली. याकरिता पहिल्यांदा शेतकऱ्यांना आॅनलाइन नोंदणी करावी लागत आहे. त्यात तलाठी पीकपेरा प्रमाणपत्र देत नसल्याने शेतकऱ्यांना अडचणी येत आहेत. १२ टक्के ओलावा असेल, तरच या खरेदी केंद्रांवर सोयाबीनची खरेदी केली जात आहे; पण परतीच्या पावसामुळे सोयाबीनमध्ये थोडा जास्त ओलावा आहे. त्यामुळे असे सोयाबीन परत पाठवले जात आहे. त्याचा परिणाम शेतकरी या खरेदी केंद्राकडे येतच नसल्याचे चित्र आहे.

जिल्ह्यात १२ आक्टोबर ते १२ नोव्हेंबर या एका महिन्यात जिल्ह्यात उदगीर येथील खरेदी केंद्रांवर पाच क्विंटल, अहमदपूरमध्ये ४१ क्विंटल व औसा येथे ३४ क्विंटल सोयाबीनची खरेदी करण्यात आली आहे. एकट्या लातूर बाजार समितीच्या अडत बाजारात या एका महिन्यात सव्वाचार लाख क्विंटल सोयाबीनची खरेदी विक्री झाली आहे. यावरून सोयाबीन खरेदी केंद्रे नावालाच असून, यावर शेतकऱ्यांचा भरोसाच नाय असे चित्र सध्या लातूर जिल्ह्यात आहे.

इतर अॅग्रो विशेष
जिरायती शेती विकासातून थांबेल स्थलांतरमराठवाडा आणि विदर्भ विभागातील जिरायती शेतकरी...
संभ्रम दूर करामागील खरीप हंगामात चांगल्या पाऊसमानाच्या...
मुद्रा योजनेच्या १० लाखांपर्यंतच्या...कोल्हापूर : तरुणांना स्वावलंबी आणि आत्मनिर्भर...
रब्बीचा ६१.८ दशलक्ष हेक्टरवर पेरानवी दिल्ली ः भारतातील रब्बी क्षेत्रात यंदा गेल्या...
प्रशिक्षणांना दांड्या मारणाऱ्या...अकोला : अधिकारी, कर्मचाऱ्यांची कार्यक्षमता...
ठिबक अनुदानासाठी ७६४ कोटींचा निधीपुणे: राज्यात ठिबक संच बसविलेल्या शेतकऱ्यांना...
मराठवाड्यात ४३ टक्‍के जमीन चुनखडऔरंगाबाद : मराठवाड्यातील जमिनीचा पोत दिवसेंदिवस...
दशकातील सर्वांत मोठ्या कापूस आयातीचे...जळगाव ः महाराष्ट्रासह काही प्रमुख कापूस उत्पादक...
कांदा निर्यात मूल्यात १५० डॉलरने कपातनवी दिल्ली : केंद्र सरकारने कांद्यावरील...
जमीन आरोग्यपत्रिकांसाठी एप्रिलपासून '...पुणे ः महाराष्ट्रात सुरू असलेल्या जमीन...
फक्त फळ तुमचे, बाकी सारे मातीचे..! नैसर्गिक शेतीचे प्रणेते म्हणून संपूर्ण...
असा घ्यावा मातीचा नमुना मातीचा नमुना तीन ते चार वर्षांनंतर एकदा घेतला...
हिरवळीच्या खतांवर भर द्या : सुभाष शर्मायवतमाळ येथील सुभाष शर्मा यांच्याकडे वीस एकर शेती...
कापूस आयात शुल्कवाढीचा विचारमुंबई ः केंद्र सरकारने देशांतर्गत शेतमालाचे दर...
कृषी संजीवनी प्रकल्पाचे एक पाऊल पुढेमुंबई : विदर्भ, मराठवाडा आणि खारपाण पट्ट्यातील ५,...
कृषी, घरगुती पाणी वापर दरात १७ टक्के...मुंबई: महाराष्ट्र जलसंपत्ती नियमन प्राधिकरणाने...
फळबागेचे फुलले स्वप्न‘माळरानात मळा फुलला पाहिजे` हे वडिलांचे वाक्‍य...
नांदूरमध्यमेश्वरच्या पक्षी महोत्सवास...नाशिक : महाराष्ट्रातील भरतपूर म्हणून ओळखले जाणारे...
रसायन विरहित फायद्याची शेती शक्य भारतात आज नेमकी सेंद्रिय व नैसर्गिक शेती...
राज्यातील जमिनीत जस्त, लोह, गंधक,...डॉ. पंजाबराव देशमुख कृषी विद्यापीठाच्या मृद...