agriculture news in marathi, soyabean Procurement, MSP, Maharashtra | Agrowon

सोयाबीनची होणार हमीभावाने खरेदी
प्रशांत राॅय
शुक्रवार, 29 सप्टेंबर 2017

एेन सणासुदीच्या तोंडावर बाजारातले दर घसरू नये म्हणून सोयाबीनची १ लाख टन खरेदी केंद्र सरकार करणार आहे.
- पाशा पटेल, अध्यक्ष, राज्य कृषी मुल्य आयोग, महाराष्ट्र.

नवी दिल्ली : महाराष्ट्रातून १ लाख टन सोयाबीनची खरेदी करण्यास केंद्र सरकारने मंजुरी दिली आहे, अशी माहिती केंद्रीय कृषिमंत्री राधामोहनसिंह यांनी दिली आहे. विक्री हंगामाच्या प्रारंभीच केंद्र सरकारकडून हमीभावाने खरेदीची घोषणा करण्यात आल्याने राज्यातील सोयाबीन दर नियंत्रणात राहण्याची शक्यता व्यक्त केली जात आहे.

राज्यात यंदा सोयाबीनचा ३८ लाख १७ हजार ७५१ हेक्टर क्षेत्रावर पेरा आहे. सरासरीच्या ३२ लाख ३ हजार ३८० हेक्टर क्षेत्रापेक्षा तो सुमारे ६ लाख हेक्टरने जास्त आहे. यामुळे बाजार समित्यांत आवक वाढून दर किमान आधारभूत किमतीपेक्षा (एमएसपी) कमी होऊ नयेत, यासाठी एक लाख टनांची केंद्राद्वारे खरेदी केली जाणार आहे. चालू खरीप हंगामासाठी सोयाबीनला क्विंटलमागे २८५० रुपये हमीभाव, तर २०० रुपये बोनस असा एकूण ३०५० रुपये अंतिम हमीभाव होतो. सध्या राज्यात सोयाबीनला २५०० ते २९०० रुपये प्रतिक्विंटलपर्यंत दर मिळत आहेत.

महाराष्ट्राप्रमाणे राजस्थानच्या भुईमूग, उडीद, सोयाबीन आणि मुगाच्या खरेदीच्या प्रस्तावालाही मंजुरी देण्यात आल्याचे केंद्रीय कृषिमंत्र्यांनी ट्विटरद्वारे स्पष्ट केले आहे. ही खरेदी खरीप हंगाम २०१७ साठी असणार आहे.

केंद्र सरकारने तेलबियांचे दर हमीभावा पेक्षा कमी होऊ नये म्हणून मध्यंतरी आयात शुल्क वाढविले. एेन सणासुदीच्या तोंडावर बाजारातले दर घसरू नये म्हणून सोयाबीनची १ लाख टन खरेदी केंद्र सरकार करणार आहे. सरकारचे हे धोरण शेतकरी हिताचेच आहे, योग्यवेळी घेतलेल्या निर्णयाबद्दल स्वागत आहे, असे महाराष्ट्र कृषी मुल्य आयोगाचे अध्यक्ष पाशा पटेल यांनी म्हटले आहे.
 

बुधवार/गुरुवारचे सोयाबीन दर (रुपये/क्विंटल)
बाजार समिती आवक किमान कमाल सरासरी दर
अकोला ११९२ २६६० २८९५ २७८०
अमरावती १५०२ २४०० २९४० २९४०
लासलगाव २७३ २७०० २९११ २९११
नागपूर ७९ २५५० २८०२ २७३९
वाशीम १५०० २५०० २९३० २८००

(स्रोत ः एमएसएएमबी)
 

अशी होणार खरेदी
राज्य शेतमाल खरेदी
महाराष्ट्र सोयाबीन १ लाख टन
राजस्थान भुईमूग दीड लाख टन
  उडीद ३० हजार टन
  सोयाबीन दीड लाख टन
  मूग दीड लाख टन

 

इतर अॅग्रो विशेष
भारतीय लष्कराने घेतला बदला; पुलवामा...जम्मू : पुलवामात सीआरपीएफ जवानांवरील हल्ल्यानंतर...
आदिवासींचं श्रद्धास्थान असलेल्या कचारगड...कचारगड, जि. गोंदिया : मध्य भारतातील सर्व आदिवासी...
मराठवाड्यात दीड महिन्यात ७७...औरंगाबाद : मराठवाड्यातील शेतकरी आत्महत्यांचे सत्र...
चार वर्षांत संत्रा उत्पादकांची दखलच...नागपूर : कोट्यवधी रुपयांची उलाढाल असलेल्या आणि...
सांगली जिल्ह्यातील सहा कारखाने...सांगली  ः सहा कारखान्यांनी एकरकमी एफआरपी...
साखरेच्या टेंडरना प्रतिसाद नाही; दर...कोल्हापूर : साखरेच्या विक्री मूल्यात...
कांदा अनुदानाचे ११४ कोटी ‘पणन’ला वर्गसोलापूर : राज्यातील एक लाख ६० हजार शेतकऱ्यांसाठी...
देशातील हळद उत्पादनात वाढीची शक्यतासांगली ः यंदा देशातील महाराष्ट्र वगळता हळद...
किमान तापमानात चढ-उतार शक्य;...पुणे : उत्तरेकडून येणाऱ्या थंड वाऱ्यांचे...
शेतीच्या मूळ दुखण्यावर हवा इलाज येत्या लोकसभा निवडणुकांत...
पोकळ घोषणा, की भक्कम आधार  पंतप्रधान नरेंद्र मोदी नुकतेच...
दुष्काळ निधीच्या याद्यांच्या नावे महसूल...जळगाव ः खानदेशात दुष्काळ निधीसंबंधी जिल्हा...
मराठवाड्याच्या घशाला कोरडऔरंगाबाद : मराठवाड्यातील पाणीसाठ्यांची...
‘स्वराज्य स्वर्णिम' योजनेद्वारे गड-...पुणे ः ग्रामीण पर्यटनातून रोजगार निर्मितीला...
कार्यकर्त्यांवर दडपशाही करून लाँग मार्च...नगर ः सरकारच्या विश्वासघाताविरोधात २०...
विठ्ठल विठ्ठल गजरी, अवघी दुमदुमली पंढरीपंढरपूर, जि. सोलापूर: माघ वारीसाठी (जया...
महिला सक्षमीकरणाला गती : नरेंद्र मोदी यवतमाळ : यवतमाळसह राज्यात महिला बचत गटांचे...
द्राक्षाला निर्यातीची गोडीमुंबई  ः यंदा देशातील द्राक्ष हंगामावर...
राज्यात थंडी वाढली, निफाड पुन्हा ६...पुणे: वातावरणात झालेल्या बदलामुळे वाढलेले किमान...
देशी गाईंचा दूध व्यवसाय ठरला फायदेशीरगेल्या तीन वर्षांपासून शेतकऱ्यांकडून देशी गाईचे...