agriculture news in marathi, soyabean rate decreased, akola | Agrowon

दिवाळीच्या तोंडावर सोयाबीन दराने घात
गोपाल हागे
सोमवार, 16 ऑक्टोबर 2017

मी चार एकरात सोयाबीन व तूर अशी लागवड केली होती. यात ४ क्विंटल ७७ किलो सोयाबीन झाली. यातील दोन दिवसांपूर्वी खामगाव बाजारात दोन क्विंटल ७७ किलो सोयाबीन विकली. क्विंटलला दोन हजार रुपये भाव मिळाला.
-वासुदेव नामदेव मुके, नायगाव देशमुख, जि. बुलडाणा

अकोला : मूग, उडदापाठोपाठ आता सोयाबीनचे उत्पादन शेतकऱ्यांच्या घरात येणे सुरू झाले आहे. आवकेला नुकती सुरवात झाली असताना दरांमध्ये कमालीची घसरण सुरू झाली आहे. सोयाबीनची खरेदी अवघी दोन ते २२०० रुपयांपासून केली जात असल्याने ऐन दिवाळीच्या तोंडावर शेतकऱ्यांसमोरील संकटांमध्ये वाढ झाली. वऱ्हाडातील सर्वच बाजार समित्यांमध्ये सध्या याच दरांनी खरेदी-विक्रीचे व्यवहार होत आहेत.

वऱ्हाडात सोयाबीनचा हंगाम सुरू झाला आहे. ऐन काढणीच्या तोंडावर गेल्या आठवड्यात बऱ्याच भागात पाऊस झाल्याने सोयाबीनचा दर्जा काहीसा खालावला आहे. त्यामुळे अकोला, खामगाव, वाशीम अशा सर्वच महत्त्वाच्या बाजारात शनिवारी सोयाबीन अवघी २२०० ते २८०० रुपयांदरम्यान विकल्या गेली. सोयाबीनला सध्या सरासरी २४०० ते २५०० रुपये दर मिळत आहे.

काही ठिकाणी तर अवघी दोन हजार रुपयांपासून मागणी व्यापारी करीत आहेत. बुलडाणा जिल्ह्यातील सर्वांत मोठी बाजार असलेल्या खामगाव बाजारपेठेत सोयाबीनचा दर शनिवारी २२०० ते २७६० होता. तत्पूर्वी शुक्रवारी (ता. १३) केवळ १९०० रुपये दराने या सोयाबीनची खरेदी केल्या गेली.

सुरवातीला पावसाचा खंड पडल्याने फुलोरावस्थेत मोठा फटका बसला. शेतकऱ्यांना अगदी एकरी दोन ते चार क्विंटलपर्यंत उतारा येत आहे. या सोयाबीनला सरासरी २२०० रुपये दर गृहीत धरला तर एकरी साडेआठ ते नऊ हजार रुपयांपर्यंत उत्पादन होत आहे. वास्तविक सोयाबीनला एकरी सोंगणी खर्चाचे प्रमाण वाढले आहे.

याशिवाय मळणीचे १५० रुपये पोते प्रमाणे द्यावे लागतात. तसेच यापूर्वी लागवड खर्च, बियाणे, खते, दोन ते तीन फवारण्या यामुळे एकरी उत्पादन खर्च आताच्या मिळकती एवढाच झालेला आहे. या परिस्थितीमुळे सोयाबीन पिकापासून नफा तर सोडा उलट तोटाच पदरात पडत असल्याची भावना शेतकरी व्यक्त करीत आहेत.
 

अकोला बाजार समितीतील दर
तारीख किमान कमाल दर
१४ सप्टेंबर २७०० २८४५
२९ सप्टेंबर २५५० २८४५
१३ ऑक्‍टोबर २२०० २८००

 

इतर बातम्या
पुलवामातील हल्ल्यात बुलढाणा जिल्ह्याचे...बुलडाणा : पुलवामा येथे झालेल्या अतिरेकी ...
हल्ल्या मागे जे आहेत त्यांना शिक्षा...नवी दिल्ली : जम्मू-काश्‍मीरच्या पुलवामा...
आम्ही विसरणार नाही.. माफही करणार नाही...नवी दिल्ली- जम्मू-काश्‍मीरच्या पुलवामा जिल्ह्यात...
पाकच्या मुस्क्या आवळणार; विशेष राष्ट्र...नवी दिल्ली: पुलवामा हल्ल्याच्या निषेधार्थ...
काश्‍मीरमधील शेतकऱ्याला थकबाकीची रक्कम...पुणे : काश्‍मीरमधील शेतकऱ्याला सफरचंदाचे पैसे...
कृषी पथदर्शक राज्य साकारण्याची संधी :...पुणे : “शेतकऱ्यांपर्यंत आधुनिक शेती तंत्र...
बिबट्याच्या दहशतीखाली चोरट्यांकडून...आंबेठाण, जि. पुणे : शिंदे गाव (ता. खेड) येथे दोन...
‘डिंभे’चे पाणी जोड बोगद्याद्वारे ‘...मुंबई : डिंभे डाव्या तीर कालव्यातील गळती...
डिजिटल परवान्यासाठी लढा देणार : राजू...पुणे : कृषी आयुक्तालयाच्या गुणनियंत्रण विभागाकडून...
विदर्भात आज गारपीट, हलक्या पावसाचा अंदाजपुणे : पोषक हवामानामुळे आज (ता. १४) विदर्भात...
कापसासाठी ‘एमसीएक्‍स’कडून गोदामांची...मुंबई : कापूस उत्पादक शेतकऱ्यांना समृद्ध...
कर्ज देण्याच्या नावाखाली ७३ शेतकऱ्यांची...गोंदिया : कर्ज देण्याच्या नावाखाली ७३...
`महानंद'मधील गैरव्यवहाराची चौकशी सुरूमुंबई : महाराष्ट्र राज्य सहकारी दूध संघ अर्थात...
सांगली, कोल्हापूर जिल्ह्यांतील काही...कोल्हापूर : उर्वरित एफआरपीबाबत साखरेची मागणी...
इतिवृत्तात शेतकरी प्रतिनिधींच्या...नांदेड : ऊसदर निश्चित करण्याच्या बाबतीत...
उसाला प्रतिटन २०० ते २२५ अनुदान मिळणार...नवी दिल्ली : साखर कारखान्यांन्या साखरेच्या...
पंतप्रधान दौऱ्याच्या दिनी मनसे वाटणार...यवतमाळ : निवडणुकीपूर्वी अच्छे दिनचे स्वप्न...
जमीन गैरव्यवहार चौकशी 'सक्तवसुली'मार्फत... पुणे : सोलापूरच्या जुनी मिल नावाने ओळखल्या...
संत्रा, मोसंबी नुकसानीचा अहवाल द्या ः...नागपूर ः संत्रा, मोसंबी पिकांचा बहुवार्षिक पिकात...
शाश्वत विजेचा पर्याय : मुख्यमंत्री सौर...सौर कृषिपंपामध्ये मुख्यतः सोलर पॅनल, वॉटर पंप संच...