agriculture news in marathi, Soyabean rates declined to decade below level, akola, Maharashtra | Agrowon

सोयाबीनचे दर नीचांकी पातळीवर
टीम अॅग्रोवन
शुक्रवार, 27 ऑक्टोबर 2017

अकोला : या हंगामात सोयाबीनचे दर गेल्या दहा वर्षांत सर्वांत नीचांकी पातळीवर उतरले आहेत. बाजारपेठेत १४०० ते २५०० दरम्यान सोयाबीन विकत असून, बहुतांश शेतकऱ्यांना सरासरी दोन हजारांचाही दर मिळवताना त्रास होत आहे. त्यातच उत्पादकतासुद्धा अवघी एक ते चार क्विंटलपर्यंत असल्याने अनेकांना उत्पादन खर्चही निघेनासा झालेला आहे. 

अकोला : या हंगामात सोयाबीनचे दर गेल्या दहा वर्षांत सर्वांत नीचांकी पातळीवर उतरले आहेत. बाजारपेठेत १४०० ते २५०० दरम्यान सोयाबीन विकत असून, बहुतांश शेतकऱ्यांना सरासरी दोन हजारांचाही दर मिळवताना त्रास होत आहे. त्यातच उत्पादकतासुद्धा अवघी एक ते चार क्विंटलपर्यंत असल्याने अनेकांना उत्पादन खर्चही निघेनासा झालेला आहे. 

या हंगामात सोयाबीनची आवक सुरू झाल्यापासून बाजारातील सोयाबीनचे दर घसरले आहेत. दरवर्षी कृषी निविष्ठा, मजुरी, मशागतीचे दर वाढत असताना सोयाबीनच्या दरात मागील दोन ते तीन वर्षांपासून फारशी वाढ झाली नाही. या वर्षी ३०५० रुपयांचा हमीभाव जाहीर झालेला असताना सातत्याने सोयाबीन सरासरी २२०० ते २५०० दरम्यान विकत आहे. 

२५०० हा दर अत्यंत मोजक्‍या सोयाबीनला मिळत आहे. गेल्या वर्षीही दिवाळीपूर्वी सोयाबीनचे दर हमीभावापेक्षा कमी मिळत होते. त्यामुळे शेतकऱ्यांनी कुठे तहसीलदारांच्या दालनात टाकले होते तर कुठे जिल्हाधिकाऱ्यांना सोयाबीन भेट दिली होती. या वर्षी तर त्यापेक्षाही बिकट स्थिती आहे. 

पावसामुळे अनेकांचे सोयाबीन काळवंडले असून, शासनाचा हमीभाव मिळवायचा असेल तर एफएक्‍यू दर्जाचा माल लागतो. धान्य काळवंडल्याने यामध्ये बसत नाही. पर्यायाने खुल्या बाजारात व्यापारी मनमानी भावाने सोयाबीनची खरेदी करू लागले आहेत. यावर कुणाचेही नियंत्रण नाही. बाजार समित्यांमध्ये खुलेआम हमीभावापेक्षा कमी दराने खरेदी-विक्रीचे व्यवहार सुरू आहेत.

राज्यात सोयाबीनला २०१५-१६ मध्ये १६०० व त्याआधी २००८-०९ मध्ये १८०० रुपये क्विंटल हा कमीत कमी दर मिळाला होता. आता त्याहीपेक्षा नीच्चांकी दरांनी खरेदी सुरू झाली आहे. अवघे १४०० रुपयांपासून बोली लागत आहे. दरवर्षी उत्पादन खर्चात भरमसाठ वाढ झाली आहे, तर सोयाबीनची आवक वाढल्याने बाजार समित्यांचे यार्ड ओसंडून वाहत आहेत.

सोयाबीनचे वर्षनिहाय हमीभाव व प्रत्यक्ष दर
२००८-०९ ला हमीभाव १३९० रुपये क्विंटल होता. तेव्हा सोयाबीन १८०० ते २६०० रुपये क्विंटल विकले. यानंतर दुसऱ्या वर्षी हमीभाव १३१० केल्या गेला. तरी सोयाबीन दोन हजार ते २७०० रुपये विकले. यानंतर २०१३-१४ मध्ये हमीभाव २५०० वर पोचला. या वर्षी सोयाबीन ३७०० पर्यंत पोचले. या वर्षासाठी आजवरचा सर्वाधिक ३०५० रुपये हमीभाव जाहीर झालेला आहे. मात्र प्रत्यक्ष बाजारात केवळ १४०० ते २५०० पर्यंतच भाव मिळत आहे.

टॅग्स

इतर अॅग्रो विशेष
कर्जमाफीची कूर्मगतीराज्यात दोन आठवड्याने उशिरा मॉन्सून दाखल झाला...
सोयीनुसार निवडणूक घेण्याचे ढोंग कशाला?देशापुढील वास्तव संकटे, समस्या अग्रक्रमाने...
मराठवाड्यातील ५८ तालुक्यांत पाऊसऔरंगाबाद, नांदेड : मराठवाड्यामध्ये रविवारी (...
पीकविम्यातील हलगर्जीपणा; कृषी...पुणे : प्रधानमंत्री पीकविमा योजनेची कामे करताना...
मॉन्सूनने निम्मा महाराष्ट्र व्यापलापुणे : नैर्ऋत्य मोसमी वाऱ्यांनी (मॉन्सून)...
तुरळक ठिकाणी मुसळधारेची शक्यतापुणे : राज्याच्या दक्षिण भागात मॉन्सूनने आगमन...
औरंगाबाद, कोपरगाव, येवल्यात धोधो पाऊसपुणे : कोकणानंतर गेल्या दोन दिवसांपासून राज्यातील...
`गुणनियंत्रण`चा चेंडू आता ‘एसीबी’च्या...पुणे : राज्याच्या कृषी विभागातील गुणनियंत्रण...
आटपाडीत पावसाने पाणीपातळीत वाढसांगली : आटपाडी तालुक्याच्या पश्चिम भागात दोन...
मराठवाड्यात सर्वदूर पावसाच्या सरीऔरंगाबाद : मराठवाड्यातील औरंगाबाद, जालना, बीड,...
नाशिक येथे बुधवारी पाणी व्यवस्थापन परिषदनाशिक ः सातत्याने उद्भवणाऱ्या दुष्काळी स्थितीमुळे...
राज्यात चार वर्षांत १२ हजार...मुंबई  : शेतकऱ्यांना सुखी करण्याचे...
योग्य ओलाव्यावर करा पेरणी बाजरी बाजरी पिकाकरिता पाण्याचा उत्तम निचरा...
प्रक्रिया उद्योगातून बनविली ओळखअमरावती येथील जयश्री रवींद्र गुंबळे यांनी गेल्या...
ग्रामविकास, आरोग्य अन् शिक्षणासाठी ‘खोज...मेळघाट परिसरातील आदिवासी लोकांच्या विकासासाठी...
मॉन्सून मंगळवारपर्यंत संपूर्ण राज्य...पुणे  : राज्यात दाखल होताच नैर्ऋत्य मोसमी...
मराठवाडा, विदर्भातील दक्षिण भागात...पुणे : नैर्ऋत्य मोसमी वाऱ्यांनी (मॉन्सून) वेगाने...
पाणीवापर संस्थांनी वाढवावी कार्यक्षमता सहकारी उपसा जलसिंचन योजनेच्या इतिहासाची माहिती...
पत्रास कारण की ...पंतप्रधान नरेंद्र मोदी यांनी देशातील सर्व...
दुग्धव्यवसाय, प्रक्रियेने दिला शेताीला...बुलडाणा शहरापासून सुमारे दहा किलोमीटरवरील अजिसपूर...