agriculture news in marathi, soyaben production may decrease due to lack of rain, varhad, maharashtra | Agrowon

पावसाअभावी वऱ्हाडात सोयाबीनचे उत्पादन घटण्याची चिन्हे
टीम अॅग्रोवन
मंगळवार, 18 सप्टेंबर 2018

अकोला   ः या हंगामात वऱ्हाडात सर्वाधिक लागवड असलेल्या सोयाबीन पिकाचे उत्पादन सध्या असलेल्या परिस्थितीमुळे किमान २० टक्‍क्‍यांनी घटण्याची चिन्हे आहेत. पावसाचा खंड असाच वाढत गेल्यास नुकसानीची टक्केवारी आणखी वाढण्याची शक्‍यता व्यक्त होऊ लागली आहे. यावर्षी अकोला, बुलडाणा, वाशीम या तीन जिल्ह्यांमध्ये सुमारे आठ लाख ८७ हजार हेक्‍टरपेक्षा अधिक क्षेत्रावर सोयाबीनची लागवड झालेली आहे.

अकोला   ः या हंगामात वऱ्हाडात सर्वाधिक लागवड असलेल्या सोयाबीन पिकाचे उत्पादन सध्या असलेल्या परिस्थितीमुळे किमान २० टक्‍क्‍यांनी घटण्याची चिन्हे आहेत. पावसाचा खंड असाच वाढत गेल्यास नुकसानीची टक्केवारी आणखी वाढण्याची शक्‍यता व्यक्त होऊ लागली आहे. यावर्षी अकोला, बुलडाणा, वाशीम या तीन जिल्ह्यांमध्ये सुमारे आठ लाख ८७ हजार हेक्‍टरपेक्षा अधिक क्षेत्रावर सोयाबीनची लागवड झालेली आहे.

गेल्या महिन्यात १५ ते २२ ऑगस्ट या काळात जोरदार पाऊस झाल्यानंतर मोठा खंड तयार झाला आहे. काही ठिकाणी नंतरच्या काळात अत्यंत तुरळक स्वरूपाचा पाऊस झाला. या पावसाचा फारसा फायदाही झालेला नाही. ज्यावेळी पावसाने दडी मारली हा काळ सोयाबीनसाठी अत्यंत महत्त्वाचा होता. सर्वत्र शेंगा धरणे, शेंगा परिपक्व होण्याची अवस्था सुरू झाली होती. या काळात आर्द्रता कमी होऊन जमिनीला भेगा पडल्या. सोबतच दिवसाच्या तापमानातील वाढीमुळे दररोज पिकाची अवस्था बिकट होत गेली आहे.

यासर्वांचा फटका पीक उत्पादनावर बसू शकतो. मागील दोन हंगामात पावसाअभावी सोयाबीनच्या उत्पादनात घट झाली होती. गेल्या वर्षी सरासरी तीन ते सहा क्विंटलपर्यंत एकरी उत्पादन झाले. एवढ्या उत्पादनात अनेकांना लागवड व मशागतीवर केलेला खर्चसुद्धा मिळू शकलेला नव्हता. या वर्षाच्या हंगामाची सुरवात चांगली झाली होती. पाऊस वेळेवर झाल्याने पेरण्या जूनमध्येच बऱ्यापैकी पूर्ण झाल्या. नंतर काहींनी जुलैत सुद्धा पेरणी केली. सध्या सोयाबीनचे पीक कुठे तीन महिन्यांचे तर कुठे दोन-अडीच महिने कालावधीचे झालेले आहे.

सध्याची अवस्था ही उत्पादनाच्या दृष्टीने सर्वाधिक महत्त्वाची आहे. याही हंगामात चक्रीभुंग्याचा प्रादुर्भाव दिसून आला. याबाबत कृषी विभागाच्या अधिकाऱ्यांनी भेटी देऊन पाहणीसुद्धा केली. ज्या शेतकऱ्यांनी गेल्या १५ दिवसांत संरक्षित सिंचन केले अशांचे सोयाबीन पीक तरले असून शेंगासुद्धा चांगल्या परिपक्व झालेल्या आहे. मात्र सर्वसाधारण विचार केल्यास हाही हंगाम सोयाबीन उत्पादकांसाठी परीक्षा घेणाराच ठरला आहे.
 

या हंगामात लागवड झालेले सोयाबीनचे जिल्हानिहाय क्षेत्र
जिल्हा लागवड क्षेत्र (हेक्‍टर)
अकोला  २,०२,५२०
बुलडाणा   ३,९७,४१६
वाशीम २,८७,२६२
एकूण   ८,८७,१९८

 

इतर ताज्या घडामोडी
केळी सल्लाकेळी पिकाची उत्तम वाढ व उत्पादनासाठी सरासरी किमान...
करडईवरील मावा किडीचे नियंत्रणकरडई हे रब्बी हंगामातील प्रमुख तेलबियापैकी...
रताळे उत्पादनवाढीसाठी ओडिशाचा...पेरू येथील आंतरराष्ट्रीय बटाटा केंद्राच्या...
सिंधुदुर्ग जिल्ह्यात गीर, साहिवाल...पुणे : सिंधुदुर्ग जिल्ह्यात दुग्ध आणि कुक्कुट...
औरंगाबाद जिल्ह्यात ४६९७ क्‍विंटल...औरंगाबाद : हमीभावाअंतर्गत औरंगाबाद जिल्ह्यात मका...
मराठवाड्यातील ५६९ गाव-वाड्यांना टॅंकरऔरंगाबाद : मराठवाड्यातील पाणीटंचाईचा सामना...
तुरीला ५००० पर्यंत दर, देशी वाणांना...जळगाव : खानदेशात तुरीची मळणी अनेक भागात सुरू झाली...
टँकरऐवजी पाइपलाइनने पाणीपुरवठा करा :...नागपूर : अपुऱ्या व अनियमित पावसामुळे जिल्ह्यातील...
दिल्लीतील व्यावसायिकांनी फळबागा...नगर : नगर जिल्ह्यामधील पाथर्डी तालुक्‍यातील तीव्र...
सातारा जिल्ह्यातील धरणांत अल्प साठासातारा : जिल्ह्यातील प्रमुख धरणांत गतवर्षीच्या...
नाशिक जिल्हा बँकेत खडखडाट तरी सचिवांना...नाशिक : एकीकडे सभासदांना पुरेशी रक्कम देण्यास...
कर्जमाफीची प्रक्रिया थंडावल्याने...सोलापूर : शेतमालाचे कोसळलेले दर, कर्जमाफी होऊनही...
योग्य पद्धतीने करा दालचिनी काढणीनोव्हेंबर ते मार्च या कालावधीत दालचिनी काढणीचा...
परभणीत फ्लॅावर प्रतिक्विंटल ४०० ते ७००...परभणी ः येथील जुना मोंढा भागातील फळे भाजीपाला...
भाजपची राष्ट्रीय परिषद ११ जानेवारीपासूननवी दिल्ली ः भारतीय जनता पक्षाच्या राष्ट्रीय...
यंत्रमाग १ तर प्रोसेस, सायझिंगला २...मुंबई  ः महाराष्ट्र राज्याचे वस्त्रोद्योग...
अटी, शर्ती काढल्या तरच कर्जमाफीचा फायदा नगर : सरकारच्या चुकीच्या धोरणामुळे कर्ज झाले आहे...
कर्जासाठी शेतकऱ्याचा बॅंकेसमोर मृत्यू...मुंबई : कर्जाच्या मागणीसाठी शेतकऱ्यांना स्टेट...
ग्रामपंचायतीच्या ८०० सदस्यांचे सदस्यत्व...सोलापूर : निवडणूक निकालानंतर सहा महिन्यांच्या आत...
प्रतापगडावर शिवप्रताप दिन उत्साहातसातारा : ढोल-ताशांचा रोमांचकारी गजर, छत्रपती...