नागपुरात सोयाबीनची आवक वाढली, दर घटले

सोयाबीन
सोयाबीन

नागपूर ः बाजारात गेल्या आठवड्यापासून सोयाबीनची आवक वाढत आहे, तर दरात घसरण होत असल्याची स्थिती निर्माण झाली आहे. सुरवातीला सोयाबीनचे दर प्रतिक्‍विंटल २७५१ रुपये होते, तर आवक ३६०० ते ३८०० क्‍विंटल होती. आवक ४००० क्‍विंटलपेक्षा अधिक झाल्यानंतर हेच दर २३०० ते २६०० रुपये क्‍विंटलवर पोचले.  नागपूरच्या कळमणा बाजारात नव्या हंगामातील सोयाबीन दाखल होत आहे. परिणामी सुरवातीला कमी असलेली आवक आता दिवसागणिक वाढत आहे. त्याचा दरावर थेट परिणाम होत असल्याचे व्यापाऱ्यांनी सांगितले. सद्यःस्थितीत सोयाबीनचे दर २३०० ते २६०० रुपये प्रतिक्‍विंटलवर आहेत. यात सुधारणा होण्याची शक्‍यता व्यापाऱ्यांनी नाकारली. देशांतर्गंत सोयाबीनला व्यवसायिक मागणी नसल्याचे कारण त्यामागे दिले जात आहे. बाजारात ज्वारीची आवक तीन ते चार क्‍विंटल होत आहे. ज्वारीचे व्यवहार १६०० ते २००० रुपये प्रतिक्‍विंटलने होत आहेत. ज्वारीची आवक गेल्या महिनाभरापासून अशीच असून, त्यात वाढीची शक्‍यता नाही. सरबती गव्हाची ३५० ते ४०० क्‍विंटलची आवक होत आहे. २१०० ते२५०० रुपये प्रतिक्‍विंटल या दराने गव्हाचे व्यवहार होत आहे. लुचई तांदळाची आवक १५० ते २०० क्‍विंटल आहे. प्रतिक्‍विंटल १९०० ते २००० रुपये असा दर तांदळाचा आहे. हरभरा आवक ३६७ ते ५०० क्‍विंटल होत असून, गेल्या आठवड्यात ५००० रुपये प्रतिक्‍विंटलपर्यंत गेलेले हरभऱ्याचे दर ४३०० ते ४८७५ रुपयांपर्यंत खाली आले आहेत. तुरीची ३०० क्‍विंटलची सरासरी आवक असून, ३६०० ते ३९६८ रुपये प्रतिक्‍विंटलचे दर आहेत. मुगाचे व्यवहार ३४०० ते ३८०० रुपये प्रतिक्‍विंटलने होत असून, आवक १६ ते १८ क्‍विंटलची जेमतेम आहे. मोठ्या आकाराच्या संत्रा फळांची आवक २००० क्‍विंटलच्या आसपास आहे. संत्र्याला २५०० ते ३००० रुपये प्रतिक्‍विंटलचा दर आहे. संत्रादरदेखील गेल्या आठवड्यापासून स्थिरावले आहेत.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com