agriculture news in marathi, soybean from inter-crop stuck in rules, Maharashtra | Agrowon

आंतरपीकातील सोयाबीन नियमाच्या कचाट्यात
अभिजित डाके
शुक्रवार, 27 ऑक्टोबर 2017

हमीभावाने सोयाबीन खरेदी करण्यासाठी सातबारावर पिकाची नोंद आवश्‍यक असा नियम घातला आहे. हा नियम शेतकऱ्यांना मारक ठरणारा आहे. यामुळे हा नियम रद्द केला पाहिजे.
- विलास पाटील, खटाव, जि. सांगली

सांगली ः शासनाने खरेदी केंद्रांवर सोयाबीन विक्रिसाठी पिकाची नोंद असलेल्या सातबाराची अट घातली आहे; मात्र मुख्य पिकात आंतरपीक घेतले असल्यास त्याची नोंद सातबारावर होत नाही. केवळ मुख्य पिकाचीच नोंद होते. त्यामुळे ऊस पिकात आंतरपीक म्हणून घेतलेल्या सोयाबीनची सातबारावर नोंद नसल्याने नियमाच्या कचाट्यात सापडून हमीभावाने विकणे कठीण झाले आहे.   

शासनाने सोयाबीन हमीभावाने खरेदी करण्यासाठी केंद्रे सुरू केली; मात्र पिकाची नोंद असलेला सातबारा असणे आवश्‍यक असा जाचक नियम लागू केला. यामुळे शेतकरी अडचणीत सापडले आहेत. जून, जुलै महिन्यात आडसाली ऊसाची लागवड केली जाते. त्यानंतर सोयाबीनची पेरणी केली जाते आणि सातबारावर पिकाची नोंद करण्यास ऑगस्टच्या पहिल्या आठवड्यापासून सुरवात होते.

शेतकरी तलाठी कार्यालयात ऊस व सोयाबीन पिकाची नोंद करण्यासाठी जातात त्या वेळी सोयाबीन आंतरपीक असेल तर त्याची नोंद होणार नाही, असे सांगितले जाते. त्यामुळे सातबारावर केवळ ऊस पिकाची नोंद होते, असा नियम असल्याचे तलाठी सांगतात. आता सोयाबीनची विक्री कशी करणार? असा प्रश्‍न शेतकऱ्यांसमोर आहे. 

दोन जिल्ह्यांत दोन नियम
याबाबत तलाठी यांच्याशी संपर्क केला असता, अहिरेवाडी (ता. वाळवा) येथील तलाठी म्हणाले, शेतकऱ्यांनी उसात सोयाबीन हे आंतरपीक घेतले असले तरी सातबारावर केवळ ऊस पिकाची नोंद केली जाते. सातारा जिल्ह्यातील तलाठी म्हणाले, शेतकऱ्यांनी ऊस पिकात सोयाबीनचे आंतरपीक घेतले असेल तर त्याची नोंद केली जाते. एका जिल्ह्यात नोंद होते, तर दुसऱ्या जिल्ह्यात सातबारावर नोंद होत नाही; मात्र तलाठ्यांच्या चुकीचा फटाक शेतकऱ्यांना सहन करावा लागतो.

पीकपाहणी नोंद कार्यालयातच बसून
ऑगस्ट महिन्यापासून पिकाची नोंद करण्यास सुरवात होते. तलाठ्यांनी शेतात जाऊन प्रत्यक्ष पाहणी करून नोंद करावी, असा नियम आहे; मात्र तलाठी शेतातच जात नाही. शेतकऱ्यांनी कोणती पिके घेतली आहेत, याची माहिती अंदाजे घेऊन कार्यालयातच पिकाची नोंद केली जाते. यामुळे सातबारात किती टक्के पिकांची नोंद खरी असते, असाही प्रश्‍न शेतकऱ्यांनी उपस्थित केला आहे.

प्रतिक्रिया
आडसाली ऊस पिकात सोयाबीन आंतरपीक घेतले होते; मात्र सातबारावर या पिकाची नोंद केली नसल्याने शासनाने घातलेल्या जाचक अटीमुळे खरेदी केंद्रावर हमीभावाने विक्रीसाठी घेऊन जाता आले नाही.
- विलास पाटील, काले, जि. सातारा.

टॅग्स

इतर अॅग्रो विशेष
कर्जमाफीची कूर्मगतीराज्यात दोन आठवड्याने उशिरा मॉन्सून दाखल झाला...
सोयीनुसार निवडणूक घेण्याचे ढोंग कशाला?देशापुढील वास्तव संकटे, समस्या अग्रक्रमाने...
मराठवाड्यातील ५८ तालुक्यांत पाऊसऔरंगाबाद, नांदेड : मराठवाड्यामध्ये रविवारी (...
पीकविम्यातील हलगर्जीपणा; कृषी...पुणे : प्रधानमंत्री पीकविमा योजनेची कामे करताना...
मॉन्सूनने निम्मा महाराष्ट्र व्यापलापुणे : नैर्ऋत्य मोसमी वाऱ्यांनी (मॉन्सून)...
तुरळक ठिकाणी मुसळधारेची शक्यतापुणे : राज्याच्या दक्षिण भागात मॉन्सूनने आगमन...
औरंगाबाद, कोपरगाव, येवल्यात धोधो पाऊसपुणे : कोकणानंतर गेल्या दोन दिवसांपासून राज्यातील...
`गुणनियंत्रण`चा चेंडू आता ‘एसीबी’च्या...पुणे : राज्याच्या कृषी विभागातील गुणनियंत्रण...
आटपाडीत पावसाने पाणीपातळीत वाढसांगली : आटपाडी तालुक्याच्या पश्चिम भागात दोन...
मराठवाड्यात सर्वदूर पावसाच्या सरीऔरंगाबाद : मराठवाड्यातील औरंगाबाद, जालना, बीड,...
नाशिक येथे बुधवारी पाणी व्यवस्थापन परिषदनाशिक ः सातत्याने उद्भवणाऱ्या दुष्काळी स्थितीमुळे...
राज्यात चार वर्षांत १२ हजार...मुंबई  : शेतकऱ्यांना सुखी करण्याचे...
योग्य ओलाव्यावर करा पेरणी बाजरी बाजरी पिकाकरिता पाण्याचा उत्तम निचरा...
प्रक्रिया उद्योगातून बनविली ओळखअमरावती येथील जयश्री रवींद्र गुंबळे यांनी गेल्या...
ग्रामविकास, आरोग्य अन् शिक्षणासाठी ‘खोज...मेळघाट परिसरातील आदिवासी लोकांच्या विकासासाठी...
मॉन्सून मंगळवारपर्यंत संपूर्ण राज्य...पुणे  : राज्यात दाखल होताच नैर्ऋत्य मोसमी...
मराठवाडा, विदर्भातील दक्षिण भागात...पुणे : नैर्ऋत्य मोसमी वाऱ्यांनी (मॉन्सून) वेगाने...
पाणीवापर संस्थांनी वाढवावी कार्यक्षमता सहकारी उपसा जलसिंचन योजनेच्या इतिहासाची माहिती...
पत्रास कारण की ...पंतप्रधान नरेंद्र मोदी यांनी देशातील सर्व...
दुग्धव्यवसाय, प्रक्रियेने दिला शेताीला...बुलडाणा शहरापासून सुमारे दहा किलोमीटरवरील अजिसपूर...