नागपूर ः कळमणा बाजार समितीत सोयाबीनची आवक वाढती आहे. मंगळवारी (ता. २३) सुमारे ४९७१ क्‍विंटलची आवक नोंदविण्यात आली. सोयाबीनचे व्यवहार २७०० ते ३०१२ रुपये क्‍विंटलने झाले.
मंगळवारी बाजार समितीत शेतमालासह भाजीपाल्याचीदेखील आवक झाली. त्यामध्ये बटाटा १२०० ते १७०० रुपये क्‍विंटल होता. बटाट्याची २६६० क्‍विंटलची आवक नोंदविण्यात आली. बाजारात लाल कांद्याचीदेखील नियमित आवक आहे. मंगळवारी ५०० ते १२०० रुपये क्‍विंटलने कांद्याचे व्यवहार झाले. १५०० क्‍विंटल लाल कांद्याची आवक झाली. पांढऱ्या कांद्याची आवक ७५६ क्‍विंटलची झाल्याचे व्यापारी सूत्रांनी सांगितले. ८०० ते १३०० रुपये क्‍विंटलने पांढऱ्या कांद्याचे व्यवहार झाले. १००० ते ३००० रुपये क्‍विंटलने लसणाचे व्यवहार झाले. लसणाची आवक ८६० क्‍विंटल झाल्याचे सांगण्यात आले.
बाजारात टोमॅटोची १६० क्‍विंटलची आवक झाली. ९०० ते १२०० रुपये क्‍विंटलने टोमॅटोचे व्यवहार झाले. १६० क्‍विंटल आवक झालेल्या चवळी शेंगांना ८०० ते १२०० रुपये क्‍विंटलचा दर मिळाला. भेंडीची १२० क्‍विंटल आवक झाल्याचे व्यापारी सूत्रांनी सांगितले. १२०० ते १८०० रुपये क्‍विंटलने भेंडीचे व्यवहार झाले. गवार शेंगाचा दर २५०० ते ३२०० रुपये क्‍विंटल होता. १३० क्‍विंटल गवार शेंगाची आवक झाली. १००० ते १२०० रुपये क्‍विंटलने कच्च्या पपईचे व्यवहार झाले. पपईची ५० क्‍विंटल आवक झाल्याचे सूत्रांकडून सांगण्यात आले.
हिरवी मिरची १५०० ते १८०० रुपये क्‍विंटल होती. २९० क्‍विंटल हिरव्या मिरचीची आवक नोंदविण्यात आली. कारली २००० ते २५०० रुपये क्‍विंटल होती. १३० क्‍विंटल कारलीची आवक झाल्याचे सूत्रांनी सांगितले. काकडी १२०० ते १५०० रुपये क्‍विंटल होती. तर आवक १२० क्‍विंटलची झाली. बाजारात मेथीची देखील आवक होत असून, ११० क्‍विंटलची आवक मंगळवारी झाली. २५०० ते ३५०० रुपये क्‍विंटलचा दर मेथीचा होता. १०० क्‍विंटलची मुळा आवक असून, १२०० ते १५०० रुपये क्‍विंटलचा दर आहे. सीताफळाचे दर १२०० ते २००० रुपये क्‍विंटलने होते. तर आवक २६० क्‍विंटलची झाली.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.