जळगावात सोयाबीन दरात क्विंटलमागे ७०० रुपयांनी वाढ

सोयाबीन
सोयाबीन

जळगाव ः येथील कृषी उत्पन्न बाजार समितीत मागील आठवड्यात सोयाबीनची आवक प्रतिदिन १२५ क्विंटल राहिली. पुरवठा कमी व मागणी अधिक दिसून आली. यातच आठवडाभरात दरात क्विंटलमागे ७०० रुपयांनी वाढ झाल्याची माहिती बाजार समितीमधील सूत्रांनी दिली.  सोयाबीनची स्थानिक भागातील आवक मागील पंधरवड्यातच रोडावली. यातच जागतिक पातळीवरील धोरणांमुळे सोयाबीनच्या दरात वाढ व्हायला सुरवात झाली. या महिन्याच्या सुरवातीला दर २४०० तचे २५०० रुपये प्रतिक्विंटलपर्यंत होते. त्यात वाढ झाल्याने दर आता ३१०० ते ३१५० रुपये प्रतिक्विंटलपर्यंत पोचले आहेत. आवक कमी असल्याने लिलावही सकाळीच उरकले जात आहेत. यातच तुटवडा असल्याने काही अडतदार किंवा एजंट मध्य प्रदेशातून सोयाबीन मागवून घेत आहेत.  उडीद, मूग दरांवर दबाव गत आठवड्यात मुगाची आवक जवळपास शून्यावर होती. तर उडदाची आवकही नगण्यच राहिली. मुगासह उडदाच्या दरांवर दबाव होता. मुगाचे दर किमान ३५०० ते ४१०० रुपये प्रतिक्विंटल एवढे होते. तर उडदाचे दरही कमाल ४२०० रुपयांपर्यंत होते. दरांवर महिनाभरापासून दबाव असून, फारशी दरवाढ होत नसल्याची माहिती मिळाली.   केळीच्या दरात वाढ केळीच्या दरात गत आठवड्यात क्विंटलमागे १२५ रुपयांनी वाढ झाली. कांदेबाग व जुनारी केळीमध्ये कापणी कमी झाली. बऱ्हाणपूर (मध्य प्रदेश) येथील बाजारात कांदेबाग केळीचे कमाल दर सरासरी १४०० रुपये प्रतिक्विंटल राहिले. दर्जेदार केळीला तर १५५० रुपयांपर्यंत दर मिळाला. वांगी, कोथिंबीर, मेथीची आवक अधिक बाजारात भरीताच्या वांग्यांची आवक प्रतिदिन ४२ क्विंटल एवढी होती. त्यांना दर ५०० ते ८०० रुपये प्रतिक्विंटलपर्यंत मिळाले. लहान, काटेरी वांग्यांची आवक प्रतिदिन १८ क्विंटलपर्यंत होती. त्यांना ८०० ते १२०० रुपये प्रतिक्विंटलचा दर होता. कोथिंबिरीची आवकही प्रतिदिन सात क्विंटल होती. तिला प्रतिक्विंटल १२०० रुपयांपर्यंत राहिला. मेथीची आवकही प्रतिदिन सात क्विंटल राहिली. तिला प्रतिक्विंटल ११०० रुपयांपर्यंत दर होता. कांद्याची आवक प्रतिदिन २५० क्विंटल होती. त्याला कमाल २८०० रुपये प्रतिक्विंटलचा दर होता. बटाट्याची आवकही प्रतिदिन २०० क्विंटल राहिली. त्याला प्रतिक्विंटल २५० ते ४०० रुपये दर होता. टोमॅटोची आवक प्रतिदिन २४ क्विंटल राहिली. त्याला प्रतिक्विंटल १५०० ते २२०० रुपये दर राहिला.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com