नागपुरात सोयाबीनचे दर स्थिरावले

सोयाबीन
सोयाबीन

नागपूर ः गेल्या वर्षी तीन हजार रुपये प्रतिक्‍विंटलचा आकडा पार केलेल्या सोयाबीनचे व्यवहार यावर्षीच्या हंगामात २३५० ते २६३१ रुपये प्रतिक्‍विंटलने होत आहेत. यावर्षी सोयाबीनची उत्पादकता कमी असली तरी प्रक्रिया उद्योजकांची गरज शिल्लक साठ्याच्या भरवशावर पूर्ण होत असल्याने सोयाबीनला उठाव नाही. त्यामुळेच दरात घसरण झाल्याचे व्यापारी सांगतात. यापुढील काळातदेखील सोयाबीनच्या दरात किरकोळ वाढीचा अपवाद वगळता मोठ्या वाढीची शक्‍यता व्यापाऱ्यांनी फेटाळली.  कळमणा बाजारात सोयाबीनची दररोजची आवक सहा हजार क्‍विंटलपेक्षा अधिकची आहे. २३०० ते २६७० रुपये प्रतिक्‍विंटलने सोयाबीनचे व्यवहार होत आहेत. त्यात टप्प्याटप्प्याने वाढ होत हे दर २७६० रुपये प्रतिक्‍विंटलवर पोचले. यापुढील काळात दरात किरकोळ वाढीची शक्‍यता व्यापाऱ्यांनी वर्तविली. गेल्यावर्षी सोयाबीनचे दर ३ हजारांवर होते. यावर्षी हा पल्ला सोयाबीन गाठेल किंवा नाही याविषयी व्यापारीच साशंक आहेत. प्रक्रिया उद्योजकांकडून उठाव नसल्याचे कारण यामागे ते देत आहेत. ईमूग शेंगाची आवक ९० ते १०० क्‍विंटलच्या घरात आहे. आठवडाभरापासून शेंगाची आवक स्थिर असून, दरदेखील ३००० ते ३५०० रुपये प्रतिक्‍विंटलचे आहेत. शेंगाच्या दरातदेखील वाढ होण्याची शक्‍यता व्यापाऱ्यांनी फेटाळली.  आंबीया बहरातील संत्र्याला मागणी अधिक आणि आवक कमी अशी स्थिती आहे. नैसर्गिक कारणांमुळे फळगळ झाल्याने बाजारात संत्रा आवक मंदावली आहे. परिणामी बाजारात संत्र्याला अच्छे दिन आले आहेत. मोठ्या आकाराची संत्रा फळांची आवक १००० ते १४०० क्‍विंटल अशी आहे, तर दर २५०० ते ३१०० रुपये प्रतिक्‍विंटलचे आहेत. मोसंबीची आवक २ हजार क्‍विंटलची असून, दर २६०० ते ३२०० रुपये प्रतिक्‍विंटल असे स्थिर आहेत. नाशिक, लासलगाव परिसरांतून कांदा आवक बाजारात होत आहे. लाल कांद्याची २५०० क्‍विंटलची आवक दररोजची आहे. १५०० ते २००० रुपये प्रतिक्‍विंटलने व्यवहार होत आहे. पांढरा कांदा दर ९०० ते १५०० रुपये प्रतिक्‍विंटल असून, आवक १३०० क्‍विंटलची आहे. यात वाढ होईल, असा अंदाज व्यापारी सूत्रांनी वर्तविला. बाजार समितीतील शेतमालाचे दर (रुपये)

शेतमाल     किमान     कमाल
भुईमूग शेंग ३०००     ३५००
सोयाबीन     २३००     २७६०
लाल कांदा  १५००     २०००

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com