agriculture news in marathi, soybean seed scarcity in satara, maharashtra | Agrowon

सातारा जिल्ह्यात सोयाबीन बियाण्याचा तुटवडा
विकास जाधव
मंगळवार, 3 जुलै 2018

मी सोयाबीन पीक लागवडीसाठी दीड एकर क्षेत्र ठेवले आहे. मात्र, सध्या बाजारात मला बियाणे मिळत नाही. यामुळे शेत तयार असून पेरणीच्या कामांचा पूर्णपणे खोळंबा झाला आहे.
- विकास कदम, कोपर्डे, जि. सातारा.

सातारा ः खरीप हंगामात सर्वाधिक लागवड होणाऱ्या सोयाबीन पिकाच्या बियाण्याचा सध्या तुटवडा जाणवू लागला आहे. या हंगामासाठी मुबलक बियाणे उपलब्ध केले असल्याचा कृषी विभागाच्या दावा फोल ठरला आहे. सोयाबीन बियाण्यासाठी जिल्ह्यात शोधाशोध करावी लागत असल्याने याचा परिणाम सोयाबीन पेरणी क्षेत्रावर होण्याची शक्‍यता व्यक्त केली जात आहे.  

जिल्ह्यात खरीप हंगामातील पेरणीस वेग आला असून, मागील सप्ताहापर्यंत ३० टक्के पेरणीची कामे उरकली आहेत. सोयाबीन, खरीप ज्वारी, बाजरी, मका, भात आदी पिकांच्या पेरण्या झाल्या आहे. मागील सात ते आठ वर्षांपासून खरीप हंगामात सोयाबीनचे क्षेत्र टप्पाटप्याने वाढत आहे. आज मितीला खरिपात सर्वाधिक क्षेत्र सोयाबीनचे झाले आहे. याही हंगामात सोयाबीन पीक घेण्याचा शेतकऱ्यांचा कल जास्त आहे.

जिल्ह्यात खरिपाचे तीन लाख हेक्‍टर सर्वसाधारण क्षेत्र आहे. त्यापैकी सोयाबीनचे क्षेत्र सुमारे ५३ हजार हेक्‍टर आहे. या क्षेत्रासाठी कृषी विभागाकडून १७ हजार १९९ क्विंटल मागणी करण्यात आली होती. यापैकी १२ हजार ८४६ क्विंटल बियाण्याची उपलब्धतता झाली आहे. उपलब्ध बियाण्यातून १० हजार ७१० क्विंटल बियाण्याची विक्री करण्यात झाली असून, दोन हजार १५४ क्विंटल बियाणे शिल्लक आहे. मागील सप्ताहातपर्यंत २४ हजार हेक्‍टर क्षेत्रावर पेरणी झाली आहे. अजून जिल्ह्यात ५० टक्‍क्‍यांवर सोयाबीनचे क्षेत्र शिल्लक असतानाच बियाणाचा तुटवडा भासू लागला आहे.

मागील दोन ते तीन हंगामाचा अनुभव पाहता सर्वसाधरण क्षेत्रापेक्षाही अधिक क्षेत्रावर सोयाबीनची लागवड झाली आहे. यामुळे कृषी विभागाकडून बियाण्याची मागणी वाढविणे गरजेचे आहे. सध्या सोयाबीन बियाण्यासाठी कृषी सेवा केंद्रावर शेतकऱ्यांच्या हेलपाटे सुरू झाले असून, बियाणे मिळत नसल्याने शेतकऱ्यांमध्ये नाराजी आहे. दसरा, दिवाळी सणासाठी पैसे देणारे पीक तसेच बिवड फायदेशीर ठरत असल्याने शेतकऱ्यांच्या सोयाबीन घेण्याचा कल वाढत आहे.

मागील हंगामात सोयाबीनच्या दरातबाबत शेतकऱ्यांना अनेक अडचणींना सामोरे जावे लागले असले, तरी सध्यातरी सोयाबीनला पर्याय दिसत नसल्यामुळे शेतकऱ्यांकडून या पिकालाच प्राधान्य देत आहेत. यामुळे सोयाबीन बियाणे तातडीने उपलब्ध व्हावे, अशी मागणी शेतकरी करीत आहे.

जिल्ह्यात ५३ हजार हेक्‍टरवर सोयाबीन पेरणी होते. या हंगामात तुलनेत क्षेत्र वाढण्यासाठी शक्‍यता आहे. १७ हजार १९९ क्विंटलपैकी १२ हजार ८६४ क्विंटल सोयाबीन बियाणे बाजारपेठेत उपलब्ध आहे. मागणीच्या तुलनेत चार हजार २५५ क्विंटल कमी बियाणे आवक झाली आहे. परिणामी, तुटवडा भासू लागला आहे. ग्रामीण भागात सोयाबीन बियाणे मिळत नसल्याने शेतकरी शहरातील कृषी सेवा केंद्रांवर येत आहेत. मात्र, तिथे परिस्थिती तशीच असल्याने आर्थिक नुकसान होण्याबरोबच वेळ वाया जात असल्याचे शेतकरी सांगत आहेत.

इतर ताज्या घडामोडी
संघर्ष गोकुळ ‘मल्टिस्टेट’चाकोल्हापूर जिल्हा दूध संघ (गोकुळ) मल्टिस्टेट...
'दारुमुळे दरवर्षी अडीच लाखापेक्षा जास्त...नवी दिल्ली- दारूमुळे दरवर्षी जवळपास अडीच...
जालन्यात पाण्यात बुडून तिघांचा मृत्यूजालना : गणपती बाप्पांचे विसर्जन करताना जालना...
शिखर, रोहितने पाकला धुतले; भारत अंतिम...दुबई : पाकिस्तानने उभारलेल्या 237 धावांचा सहजी...
खानदेशात मध्यम पाऊस; नंदुरबारला हुलकावणीजळगाव : खानदेशात शुक्रवारी (ता.२१) मध्यरात्री व...
पुणे जिल्ह्यात ढगाळ हवामानपुणे  : जिल्ह्यात आठवड्याच्या सुरवातीला...
खानापूर घाटमाथ्यावर तीव्र पाणीटंचाई सांगली  : घाटमाथ्यावर पावसाने ओढ दिली आहे....
नगर जिल्ह्यात साडेसहा लाख हेक्‍टरवर...नगर  ः जिल्ह्यात रब्बी हंगामात सहा लाख ५२...
कौशल्यावर आधारित उपक्रम ‘रयत’मध्ये सुरू...सातारा  ः केवळ पुस्तकी नव्हे तर कौशल्यावर...
नियमित कर्ज भरणाऱ्या शेतकऱ्यांचा अकोला...अकोला  ः नियमित कर्जाची परतफेड करणाऱ्या...
सांगली जिल्ह्यात पाणीप्रश्‍न पेटण्याची...सांगली  : पावसाने दिलेली उघडीप आणि पावसाळा...
अकोला, बुलडाण्यात सर्वदूर पाऊसअकोला   ः वऱ्हाडातील अकोला, बुलडाणा या...
सावधान... अल्झायमर आला उंबरठ्यावर ! कोल्हापूर : मंगळवार पेठेतल्या विठ्ठल मंदिरात रोज...
परभणीत हिरवी मिरची प्रतिक्विंटल ६०० ते...परभणी ः येथील जुना मोंढा भागातील फळे-भाजीपाला...
भातावरील तुडतुडे प्रादुर्भावाकडे...सध्या खरीप हंगामातील भात पीक बहुतेक ठिकाणी...
कमी तीव्रतेच्या वणव्यांचाही मातीच्या...कमी तीव्रतेचे वणवे किंवा मर्यादित प्रमाणात...
ढगाळ वातावरणाने खानदेशात सोयाबीन मळणीला...जळगाव : खानदेशातील धुळे, नंदुरबार व जळगाव...
माळेगावकरांचा औद्योगिक वसाहतीच्या...नाशिक : माळेगाव औद्योगिक वसाहतीच्या टप्पा क्रमांक...
परभणीत व्यापाऱ्यांचे असहकार आंदोलन सुरूचपरभणी ः परभणी कृषी उत्पन्न बाजार समितीअंतर्गत...
सांगली जिल्ह्यात द्राक्ष क्षेत्रात वाढसांगली  ः दर्जेदार द्राक्ष उत्पादनासाठी...