agriculture news in Marathi, Special feature on farmers diwali, Maharashtra | Agrowon

उधार-उसणवारी, पदरमोड करून दिवाळी साजरी
माणिक रासवे
मंगळवार, 24 ऑक्टोबर 2017

यंदा कमी पावसामुळे पिकाचा उतारा कमी आला. कापूस निघाला आहे. कमी भाव असल्यामुळे अजून विकला नाही. दिवाळीसाठी पदरमोड करावी लागली.
- शिवानंद लांडगे, बनवस, ता. पालम, जि .परभणी.

दिवाळी शेतकऱ्यांची...

परभणी ः खरिप हंगामात दुबार तिबार पेरणी करूनही हाती काही लागले नाही. रब्बी हंगामातही दुबार पेरणी करण्याची वेळ आली आहे. निसर्गाने हाती आलेल्या पिकासोबतच दिवाळीचा आनंद हिरावून घेतला. परतीच्या पावसामुळे लाबंलेली रब्बीची पेरणी आणि सोयाबीनची सुगी सुरू असल्यामुळे यंदा शेतकऱ्यांना शेतकामातून दिवाळी साजरी करण्यासाठी उसंत मिळाली नाही. खरीप हंगाम वाया गेलेल्या मंडळातील शेतकऱ्यांना उधार-उसणवारी, पदरमोड करून दिवाळी साजरी करावी लागली तर दिवाळीसाठी उधार -उसणवारी करण्यापेक्षा अनेक शेतकऱ्यांनी सोयाबीन, कापूस आदी शेतमालाची हमीभावापेक्षा कमी दराने विक्री केली.

कर्जमाफीच्या लाभार्थीना प्रमाणपत्र देऊन सत्कार केलेल्या शेतकऱ्यांची दिवाळी गोड झाली; परंतु अनेक शेतकऱ्यांना लाभार्थीच्या यादीतील शोधून सापडले नाही. आता दिवाळसण संपला आहे. माॅन्सून परतला तरी ईशान्य माॅन्सून पाठीमागे लागलाय त्यापासून हाती आलेली पिके वाचविण्यासाठी एकीकडे शेतकऱ्यांची धडपड सुरू आहे.

दुसरीकडे रब्बीची पेरणीदेखील वाया गेल्यामुळे दुबार पेरणी करावी लागणार आहे. यंदा निसर्गाने शेतकऱ्यांच्या दिवाळाची आनंद हिरावून घेतला आहे, असे सातत्याने अस्मानी सुल्तानी संकटाचे आघात सोसत असलेल्या शेतकऱ्यांना वाटत आहे.

यंदा परभणी, नांदेड, हिंगोली जिल्ह्यातील शेतकऱ्यांना आधी अवर्षणाचा आणि नंतर अतिवृष्टीचा मोठा फटका बसला आहे. मूग, उढीद,सोयाबीन, कापूस आदी खरिप पिकांच्या उतारा घसरला आहेत. त्यात ही पिके काढणीच्या काळात आलेल्या पावसामुळे हाती आलेल्या पिकांचे मोठे नुकसान झाले.

उत्पादनातील घट, मजुरीचे वाढलेले दर, डागील मालामुळे शेतमालाला मिळणारे हमीभावापेक्षा कमी दर यामुळे शेतकऱ्यांना यंदा मोठा आर्थिक फटका बसला. मागचेच वर्षे बरे होते असे म्हणायची वेळ शेतकऱ्यांवर आली आहे. यंदा गतवर्षीपेक्षा यंदा दिवाळी काही दिवस लवकर आली. ती तब्बल आठवडाभर दिवाळी होती; परंतु दिवाळीच्या काळातच रब्बी पेरणी, सोयाबीनची काढणी, कापूस वेचणी ही सारी कामे सुरू होती.

त्यात पाऊस येण्याचा अंदाज वर्तविण्यात आल्यामुळे शेतकामे उरकण्यासाठी सकाळ ते संध्याकाळपर्यंत शेतामध्येच रहावे लागले. त्यामुळे शेतकरी तसेच शेतमजूर वर्गाला दिवाळी सण साजरे करण्यासाठी जरादेखील उसंत मिळाली नाही.

यंदा अजिबात पाऊस नसल्यामुळे खरीप हंगामात काहीच हाती लागले नाही. रब्बीची पेरणी केली, परंतु जास्त पावसामुळे ज्वारी उगवली नाही. हरभऱ्यास मर लागली आहे.त्यामुळे शेतकऱ्यांना कशाची दिवाळी आली साहेब.
- बालासाहेब हरकळ, शेतकरी, गौंडगाव, ता. पाथरी, जि. परभणी 

 

इतर बातम्या
मराठवाड्यातील लघू प्रकल्प आले २७ टक्‍क्...औरंगाबाद : मराठवाड्यातील ८६४ लघू, मध्यम, मोठ्या...
पुणे जिल्ह्यात रब्बीत अवघे २५ टक्के...पुणे : शेतकऱ्यांना रब्बी हंगामात पुणे जिल्हा...
नांदेड, परभणी, हिंगोली जिल्ह्यांत १५...नांदेड : केंद्र शासनाच्या किंमत समर्थन...
सरपंचांनी कारकीर्दचे स्मरण होईल असे काम...कोल्हापूर : सरपंचांनी नैतिकता जपत निरपेक्ष व...
जळगाव जिल्हा परिषदेच्या अर्थसंकल्पात...जळगाव  : जिल्हा परिषदेचा अर्थसंकल्प यंदा सहा...
बियाणे कंपन्यांत पाकिटावरील...नागपूर : बोंड अळीचा प्रादुर्भाव रोखण्यासाठी या...
टॉवरग्रस्त शेतकऱ्यांच्या समस्या सोडविणारयवतमाळ : पॉवरग्रीड कंपनीच्या वतीने महागाव, पुसद...
‘महामेष’ योजना ३४ जिल्ह्यांत राबविणार...औरंगाबाद : राजे यशवंतराव होळकर महामेष योजना...
शेतीतील यांत्रिकीकरणासाठी हवे शासनाचे...अकोला ः अाजच्या बदलत्या काळात शेती पद्धतीत...
मध्य प्रदेशात गारपीटग्रस्तांना हेक्टरी...नवी दिल्ली ः मध्य प्रदेश राज्यात नुकत्याच...
गारपीटग्रस्तांना भरीव मदतीचा प्रस्ताव...नागपूर ः गारपीटग्रस्तांना सरकारकडून जाहीर करण्यात...
शेतकरी कंपन्यांच्या धान्य खरेदीबाबत...पुणे : हमीभावाने धान्य खरेदीत शेतकरी उत्पादक...
महसूल मंडळातील सरासरी उत्पादकतेनुसार...परभणी : केंद्र शासनाच्या किंमत समर्थन...
गारपीटग्रस्त क्षेत्र तीन लाख हेक्टरमुंबई : राज्यात गेल्या आठवड्यात झालेल्या...
राजधानी दिल्लीत शेती क्षेत्रावर आज...नवी दिल्ली : देशाला नवे कृषी धोरण देण्यासाठी...
‘कापूस ते कापड’पासून आता ‘पिकणे ते...नाशिक : राज्यातील कापसावर प्रक्रिया होऊन...
उन्हाचा चटका जाणवू लागलापुणे : उत्तरेकडील थंड वाऱ्यांचा प्रवाह कमी होऊ...
'मॅग्नेटिक महाराष्ट्र'चे आज उद्‌घाटनमुंबई : राज्याच्या औद्योगिक वाढीसाठी उपयुक्त ठरणा...
मोहरीवर्गीय पिकातील ग्लुकोसिनोलेट वेगळे...अमेरिकेतील दक्षिण डाकोटा राज्य विद्यापीठातील...
जमिनीतील जिवाणूंच्या गुणसूत्रीय रचनांचा...जमीन ही पिकाचे उत्पादन घेण्यासाठी एकमेव परिपूर्ण...