मुक्ताईनगर वगळता जिल्ह्यात मृगबहार केळी लागवड रखडली

``रावेर, मुक्ताईनगरात मृगबाग लागवड बऱ्यापैकी दिसत आहे; परंतु कमी दरांचा फटका सर्वांना बसत आहे. बऱ्हाणपुरातही दर यंदा कमी झाले आहेत. केळीची आवक अधिक आहे. यावल, चोपडा भागात मृग बाग फारसे नाहीत.`` - ऋषीकेश महाजन, शेतकरी, नायगाव (ता. मुक्ताईनगर, जि. जळगाव)
मुक्ताईनगर वगळता जिल्ह्यात मृगबहार केळी लागवड रखडली
मुक्ताईनगर वगळता जिल्ह्यात मृगबहार केळी लागवड रखडली

जळगाव : जिल्ह्यात मृग नक्षत्रातील म्हणजेच मृगबहार बाग केळीची लागवड रखडतच सुरू आहे. रावेर, मुक्ताईनगरात लागवड बऱ्यापैकी आहे. परंतु जामनेर, चोपडा, पाचोरा, जळगावात आदी भागातील क्षेत्र कमी आहे. या महिन्याच्या मध्यात लागवडीला गती मिळाली. मृग नक्षत्रात ढगाळ वातावरण असते. तापमानही कमी होते. पाणी कमी लागते. पाऊस झाला तर सिंचनाची गरज नसते. त्यामुळे शेतकरी या काळात केळी लागवडीस पसंती देतात. रावेर, यावलमधील काही शेतकरी कंद लागवडीला पसंती देत आहेत. उतिसंवर्धित रोपांनाही मागणी असून, त्याच्या प्रतिरोपास १३ ते १४ दर आहे.

कमी दरांमुळे नाराजी :

केळीचे दर मे महिन्यातच कमी झाले. दर्जेदार केळी वादळात जमीनदोस्त झाली. रावेर, मुक्ताईनगर, यावल, चोपडा येथे नुकसान झाले. निपाह विषाणूसंबंधीच्या अफवांनी बाजार कोसळल्याचाही फटका बसला. जादा (ऑन) दर मिळणे बंद झाले. दर्जेदार, निर्यातक्षम केळीला एप्रिलमध्ये २०० रुपये प्रतिक्विंटल जादा दर मिळाले.

सध्या जाहीर दरांपेक्षा १०० रुपये कमी दराने खरेदी सुरू आहे. बऱ्हाणपूर (मध्य प्रदेश) येथील बाजार समितीत सध्या प्रतिदिन ४०० वाहने (प्रतिमोटार १५ मेट्रिक टन क्षमता) केळीची आवक होत आहे. यावल, रावेरात मिळून ३५० ते ४०० ट्रक केळीची आवक सुरू आहे. कमी दर्जाच्या केळीला ५०० रुपये प्रतिक्विंटलचा दर आहे.

केळीसंबंधीचे चित्र मागील दोन महिने सकारात्मक नसल्याने चोपडा, जळगाव, पाचोरा, जामनेर भागात मृग बहार केळी लागवड अतिशय कमी असून, तिचे क्षेत्र अंदाजित दीड ते दोन हजार हेक्‍टर असण्याचा अंदाज आहे.

मुक्ताईनगर, रावेरात केळीला चांगले पर्यायी पीक नसल्याने केळीची लागवड कायम असून, १७  हजार हेक्‍टरवर मृगबागांची लागवड होईल, असा शेतकऱ्यांचा अंदाज आहे. केळी लागवडीसाठी राखीव क्षेत्रात काहींनी सध्या धैंचाची पेरणी केली आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com