agriculture news in marathi, Spontaneous response to the bandh 'Maratha Morcha' | Agrowon

पुणे जिल्ह्यात `बंद`ला उत्स्फूर्त प्रतिसाद
टीम अॅग्रोवन
शुक्रवार, 10 ऑगस्ट 2018

पुणे ः क्रांतिदिनाचे औचित्य साधून मराठा क्रांती मोर्चाच्या वतीने गुरुवारी (ता. ९) राज्यासह पुणे जिल्ह्यात बंदची हाक देण्यात आली होती. त्याला पुणे जिल्ह्यातील सर्व तालुक्यांतील मराठा आंदोलकांनी उत्स्फूर्त प्रतिसाद देत कडकडीत बंद पाळला.
पुणे शहरातही मराठा कार्यकर्त्यांनी सकाळी नऊ वाजता मोर्चा काढून आरक्षणप्रश्नी सरकारच्या विरोधात घोषणात देत जिल्हाधिकारी कार्यालयाजवळ एकत्र अाले होते.

पुणे ः क्रांतिदिनाचे औचित्य साधून मराठा क्रांती मोर्चाच्या वतीने गुरुवारी (ता. ९) राज्यासह पुणे जिल्ह्यात बंदची हाक देण्यात आली होती. त्याला पुणे जिल्ह्यातील सर्व तालुक्यांतील मराठा आंदोलकांनी उत्स्फूर्त प्रतिसाद देत कडकडीत बंद पाळला.
पुणे शहरातही मराठा कार्यकर्त्यांनी सकाळी नऊ वाजता मोर्चा काढून आरक्षणप्रश्नी सरकारच्या विरोधात घोषणात देत जिल्हाधिकारी कार्यालयाजवळ एकत्र अाले होते.

त्यानंतर जिल्हाधिकारी नवलकिशोर राम यांना मराठा कार्यकर्त्यांनी विविध मागण्यांसंदर्भात निवेदन दिले. या मोर्चात मोठ्या प्रमाणात मराठा कार्यकर्ते सहभागी झाले होते. मराठा समाजाला आरक्षण द्यावे, आरक्षण जाहीर होईपर्यत मेगा भरती स्थगित करावी, अशा विविध मागण्या या आंदोलकांच्या होत्या.

बंदच्या काळात खबरदारी म्हणून जिल्ह्यातील सात तालुक्यांमध्ये इंटरनेट बंद सेवा खंडित करण्यात आली होती. पुण्यातील शिरूर, खेड, बारामती, जुन्नर, मावळ, दौंड, भोर या तालुक्यांमध्ये बंदच्या पार्श्वभूमीवर इंटरनेट बंद केले होते. सोशल मीडियाद्वारे अफवा पसरू नयेत, यासाठी इंटरनेट सेवा बंद करण्याचा निर्णय घेतला होता.

जिल्ह्यात सुरक्षेसाठी सुमारे दोन हजारांहून अधिक पोलिस तर ९०० हून अधिक होमगार्ड, राज्य राखीव दलाच्या तीन तुकड्या, वीस ट्रायकिंग फोर्स, दंगल नियंत्रण पथकांचा बंदोबस्त रस्त्यावर उतरवण्यात आला होता. पुणे शहरातील लक्ष्मी रोड व चांदणी चौक येथे आंदोलकांनी दगडफेक केली. त्यामुळे पीएमपीएमएल बसच्या काचा फुटून बंदला हिंसक वळण लागले.  

पिंपरी चिंचवडमध्ये कडकडीत बंद पाळण्यात आला होता. त्याजवळील पिंपरी, चाकण, भोसरी, हिंजवडी, तळवडे, कुंदळवाडी एमआयडीसी भागातही कडकडीत बंद पाळण्यात आला होता. त्यामुळे या भागातील जवळपास सर्वच कंपन्या बंद होत्या. पुणे मार्केट यार्डमध्ये कार्यकर्त्यांनी मोर्चा काढला होता. त्या वेळी पुणे बाजार समिती बंद ठेवण्यात आली होती.

बारामतीत मराठा मोर्चेकरांनी राष्ट्रवादी काँग्रेसचे अध्यक्ष शरद पवार यांच्या गोविंदबाग या निवासस्थानासमोर सकाळी नऊ वाजता जमा होऊन ठिय्या आंदोलन केले. या आंदोलनात माजी उपमुख्यमंत्री अजित पवार हेदेखील सहभागी झाले होते. अजित पवारांनी आंदोलकांसमवेत सरकार विरोधात घोषणाही दिल्या. तसेच शिरूर, जुन्नर, खेड, आंबेगाव, इंदापूर, पुरंदर, भोर, वेल्हा, मावळ, मुळशी या तालुक्यांतही मराठा आंदोलकांनी कडकडीत बंद केला होता.

बंदच्या पार्श्वभूमीवर पुणे जिल्ह्यातील शाळा, महाविद्यालयांना जिल्हाधिकारी नवलकिशोर राम यांनी परिपत्रक काढून सुटी जाहीर केली होती. यानुसार जिल्ह्यातील सर्वच मुख्याध्यापकांनी हा निर्णय घेत सुटी दिली होती. मात्र, बंदमधून अत्यावश्यक सेवांना वगळण्यात आले होते. त्यामुळे दूध आणि वैद्यकीय सेवा नेहमीप्रमाणे सुरू होत्या. पुणे शहरातही बहुतांशी दुकाने, हाॅटेल्स बंद होती. जिल्हाधिकारी नवलकिशोर राम यांनी खाली येऊन निवेदन स्वीकारावे, अशी मागणी आंदोलकांनी केली होती. परंतु यास नकार दिल्याने तोडफोड केल्याचा दावा आंदोलकांनी केला आहे.

 

इतर बातम्या
गहू पिकाचे जनुकीय विश्लेषण, सुसंगत...आंतरराष्ट्रीय संशोधकांच्या गटाने गहू पिकाचे...
पुणे जिल्ह्यातील नद्या दुथडी, धरणांतून...पुणे : जिल्ह्यात सोमवारपासून सुरू झालेल्या...
वऱ्हाडात पावसाचे जोरदार पुनरागमनअकोला  : दोन दिवस उसंत घेतल्यानंतर वऱ्हाडात...
पुणे विभागात पावसामुळे खरीप पिकांना...पुणे ः गेल्या आठवड्यात झालेल्या पावसामुळे तूर,...
मराठवाड्यात ८५ मंडळांत पावसाचे धूमशानऔरंगाबाद : मराठवाड्यातील ८५ मंडळांत पावसाने...
नांदेड, परभणी, हिंगोली जिल्ह्यांत...नांदेड : नांदेड, परभणी, हिंगोली जिल्ह्यात पावसाने...
नगर जिल्ह्यामध्ये बहुतांश भागात पावसाची...नगर ः नगर जिल्ह्याच्या बहुतांश भागात सोमवार...
पॉस मशिनवर स्टॉक; प्रत्यक्षात टंचाईकोल्हापूर : युरिया मुबलक असल्याचे कृषी विभागाचा...
वाशीम जिल्ह्यात अतिवृष्टीने १४ हजार... वाशीम : जिल्ह्यात १५ ऑगस्टपासून पाऊस पुन्हा...
खान्‍देशात जोरदार पाऊसजळगाव : खानदेशात मागील २४ तासांत अनेक ठिकाणी...
वरखेडे-लोंढे बॅरेजला `नाबार्ड`चा...चाळीसगाव, जि. जळगाव : चाळीसगाव व भडगाव तालुक्‍...
नाशिक जिल्ह्यातील ४० वाळू घाट होणार बंदनाशिक  : वाळू घाटावरील प्रदूषण रोखण्यासाठी...
‘सिद्धेश्‍वर’, ‘भीमा’च्या कारवाईला...सोलापूर : शेतकऱ्यांच्या उसाला एफआरपीप्रमाणे दर न...
बियाणे उत्पादक शेतकऱ्यांना फरकाची रक्कम...मुंबई: राज्याला बियाणे उत्पादनात स्वयंपूर्ण...
सोलापूर जिल्ह्यात पावसाची संततधारसोलापूर : सोलापूर जिल्ह्यात सलग दुसऱ्या दिवशी...
शासनाच्या नव्या निर्णयाचा महाबीज,...अकोला ः महाबीज आणि राष्ट्रीय बीज निगम यांच्या...
बाळासाहेब ठाकरे ग्रामपंचायत बांधणी...मुंबई: राज्यातील ग्रामपंचायतींना स्वत:च्या...
राज्यातील धरणांमध्ये ५९ टक्के पाणीसाठापुणे : सह्याद्रीच्या घाटमाथ्यासह, मध्य...
गुणवत्तेच्या नावाखाली दूधदर कपातीचा...मुंबई : राज्यातील दूध उत्पादक शेतकऱ्यांनी...
...तर दूध उत्पादकांना २५ रुपये दर देणे...पुणे: राज्यातील दूध उत्पादक शेतकऱ्यांना प्रतिलिटर...