टेंभू सिंचन योजना सौरऊर्जेवर करण्याच्या कार्यवाहीला सुरवात

संग्रहित छायाचित्र
संग्रहित छायाचित्र

सांगली : टेंभू सिंचन योजना सौरऊर्जेवर सुरू करण्याचा निर्णय शासनाने घेतला आहे. त्यासंदर्भात महाजनकोने कार्यवाही सुरू केली आहे. यासाठीच्या ६० मेगावॅटचा प्रस्ताव शासनाकडे सादर केला आहे. त्याचे लवकरच काम सुरू होणार आहे. सौरऊर्जेवरील प्रकल्पामुळे शेतकऱ्यांवरील वाढीव वीजबिलाचा बोजा दूर होण्यास मदत होणार आहे.

टेंभू सिंचन योजनेच्या प्रकल्पावर जिल्ह्यातील शेतकऱ्यांनी ठिबस सिंचन सुरू केले आहे. त्याची पाहणी जागतिक बॅंकेच्या प्रतिनिधींनी केली आहे. या प्रकल्पासाठी १२० मेगावॅट विजेची आवश्‍यकता असून त्यातील ६० मेगावॅटचा पहिला टप्पा वर्षभरात मार्गी लागेल, अशी माहिती संबंधित विभागाच्या सूत्रांनी दिली.

सांगली व सोलापूर जिल्ह्यांत ८० हजार ४५६ हेक्‍टरवर क्षेत्र आहे. साधारणपणे सांगली जिल्ह्यातील कडेगाव, आटपाडी, खानापूर, विटा, तासगाव, जत व कवठेमहांकाळ या दुष्काळी तालुक्‍यातील १८२ गावांचा व सोलापूर जिल्ह्यातील सांगोला तालुक्‍यातील ३२ गावांचा यामध्ये समावेश आहे. सद्यस्थितीत योजनेच्या पाच टप्प्यांपैकी तीन टप्पे पूर्ण होऊन दोन टप्प्यांची कामे लवकरच पूर्ण होतील. सौरऊर्जेमुळे पाणीपट्टीतील वाढीव वीजबिलातून शेतकऱ्यांची सुटका होण्याबरोबर योजनेवरील आर्थिक ताणही कमी करण्यासाठी टेंभूसाठी अपारंपरिक ऊर्जास्त्रोताचा वापर करण्याचा निर्णय घेण्यात आला आहे.

टेंभू योजना सौर ऊर्जेवर चालविण्यासाठी १२० मेगावॅटची मागणी आहे. पुढील वर्षभरात ६० मेगावॅटचा टप्पा मार्गी लागेल असा अधिकाऱ्यांचा अंदाज आहे. उर्वरित ६० मेगावॅटचा प्रकल्पाचा प्रस्ताव तयार केला जाणार आहे. तसेच शासनाच्या नवीन धोरणानुसार बंदिस्त पाइपलाइनद्वारे शेतकऱ्यांना शेतापर्यंत पाणी उपलब्ध करून देण्यासाठी लाभक्षेत्रातील सर्व्हेक्षण प्रगतीपथावर आहे. दोन वर्षांत हे काम मार्गी लागेल असा अंदाज व्यक्त होत आहे.

जागतिक बॅंकेच्या प्रतिनिधींनी नुकतीच त्याची पहाणी केली आहे. सूक्ष्मसिंचनाव्दारे शेतीला कसे पाणी देता येईल याचा अहवाल ही समिती शासनाला सादर करणार आहे.

टेंभू सिंचन योजना सौरऊर्जेवर सुरू करण्याची कार्यवाही सुरू झाली आहे. या सिंचन योजनेवर गरजेनुसार सौरऊर्जेचे प्रकल्प उभे केले जाणार आहेत. - हणमंत गुणाले, अधीक्षक अभियंता, टेंभू सिंचन योजना, सांगली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com