‘जानेफळ येथे सोयाबीन पेंड प्रक्रिया उद्योग सुरू करा’

सोयाबीन प्रक्रिया उद्योग
सोयाबीन प्रक्रिया उद्योग

अकोला ः सोयाबीन पेंड प्रक्रिया उद्योग सुरू करून शेतकऱ्यांना दिलासा द्यावा, अशी मागणी सोयाबीन उत्पादक शेतकऱ्यांनी केंद्रीय लघुउद्योगमंत्री नितीन गडकरी यांच्याकडे केली आहे.  जानेफळ (जि. बुलडाणा) येथील सोयाबीन उत्पादक शेतकऱ्यांच्यावतीने मनिष मांडवगडे यांनी गडकरी यांना सविस्तर निवेदन पाठवले.  या निवेदनात म्हटले की,  केंद्र सरकार २०२२ पर्यंत शेतकऱ्यांचे उत्पन्न दुप्पट करण्यासाठी प्रयत्न करीत आहे. सोयाबीनचे बाजारमूल्य कमी झाले की सर्वसामान्य शेतकरी सरकारच्या धोरणांना जबाबदार धरतात. प्रत्यक्षात सोयाबीनचे दर त्याच्या ढेपीवर (डीओसी) अवलंबून आहेत. डीओसी भारतामधून चीन किंवा अमेरीका देशात पाठविली जाते. वर्षभरापूर्वी अमेरिकेत डीओसी पाठविली जात होती. तेथे प्रक्रिया करून त्यामधून सोयाप्रोटीनसह इतर सुक्ष्म अन्न घटक वेगळे केले जातात. हेच प्रोटीन भारतासह इत देशात फूड सप्लीमेंट आणि औषधी निर्माण कंपन्या खरेदी करतात. डीओसीमधून प्रोटीन व अन्न घटक वेगळे केल्यानंतर शिल्लक राहलेल्या मटेरीअलवर प्रक्रिया करून त्याचा वापर केला जातो. या प्रक्रियेनुसार अमेरिका सोयाबीनचे दर निश्चित करते. भारतीय सोयाबीनमध्ये ५१ टक्के प्रोटीन आहे. यातील ९ ते १० टक्के तेलामध्ये विरघळते. इतर डीओसीमध्ये कायम राहते. त्यामुळे हा उद्योग आपल्या भागात सुरू करावा. यामुळे सोया प्रोटीनसह इतर अन्न घटक भारतीय कंपन्यांना स्थानिक पातळीवरच मिळेल. डीओसीचे बाजारमूल्य येथे ठरू लागल्यास त्याचा फायदा शेतकऱ्यांना मिळू शकेल. सध्या आपल्याकडे सोयाबीनमधून केवळ तेल वेगळे केले जाते. त्यामुळे हा उद्योग सुरू केल्यास शेतकऱ्यांना त्यापासून फायदा होईल, अशी मागणी या निवेदनात करण्यात आली आहे.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com