वऱ्हाडात हळद काढणीला सुरवात

वऱ्हाडात हळद काढणीला सुरवात
वऱ्हाडात हळद काढणीला सुरवात

अकोला : वऱ्हाडात दुष्काळी परिस्थिती, तसेच पाणी कमी पडल्याने हळदीच्या उत्पादनावर परिणाम दिसू लागला आहे. हळद काढणीला सुरवात झाली असून, यंदा ८० ते १२० क्विंटलपर्यंत अोल्या हळदीचे एकरी उत्पादन होत असल्याचे शेतकरी सांगत आहेत. वाळलेली हळद १५ ते २० क्विंटलदरम्यान निघते आहे. 

गेल्या काही वर्षांत हळदीचे पीक हमखास उत्पादन देणारे पीक म्हणून या भागातील शेतकरी याकडे वळाले आहेत. परिणामी या भागात लागवडीच्या क्षेत्रात वाढ होत आहे. वाशीम, बुलडाणा तसेच अकोला जिल्ह्यांत हळदीचे पीक घेणारे शेतकरी तयार झाले. तिनही जिल्ह्यांत हळदीचे लागवड क्षेत्र किमान पाच हजार एकरांपेक्षा अधिक आहे. 

या हंगामात लागवड झालेल्या हळदीची काढणी सुरू झाली. कुठे मजुरांच्या साह्याने तर काही ठिकाणी यंत्रांद्वारे काढणी केली जात आहे. या वर्षी अनेक शेतकऱ्यांना पाणी समस्येला तोंड द्यावे लागले. शेवटच्या टप्प्यात द्यायला पाणी कमी मिळाले. त्याचा फटका उत्पादनावर दिसून येत आहे. 

बहुतांश शेतकऱ्यांना एकरात ८० ते १२० क्विंटलदरम्यान अोल्या हळदीचे उत्पादन आहे. गेल्या काही हंगामांच्या तुलनेत यंदा हे उत्पादन कमी निघत आहे. अनेक शेतकरी दरवर्षी १२० क्विंटलपेक्षा अधिक उत्पादन काढत. चांगल्या नियोजनातून काहींनी १५० क्विंटलचाही टप्पा गाठला होता. यंदा सर्वच शेतकऱ्यांना कमी पाण्याचा व वातावरणाचा फटका सहन करावा लागत आहे. 

काढणी झालेली हळद उकडण्यासाठी बहुतांश शेतकरी यंत्राचा वापर करीत आहेत. त्यामुळे या बॉयलरची मागणी हळूहळू वाढत चालली. बाजारातील हळदीचे दर हंगाम सुरू होताच ६००० पर्यंत खाली आलेले आहेत. येत्या काळात दर वधारतील अशी आशा हळद उत्पादक शेतकरी व्यक्त करीत आहेत.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com