agriculture news in marathi, state dam water level on 52.83 percent | Agrowon

राज्यातील धरणासाठा ५२.८३ टक्क्यांवर
टीम अॅग्रोवन
बुधवार, 21 फेब्रुवारी 2018

पुणे : राज्यात रब्बी हंगामात पाण्याचा मोठ्या प्रमाणात वापर झाला आहे. त्यामुळे धरणातील पाणीसाठा झपाट्याने कमी होऊ लागला आहे. यंदाच्या पावसाळ्यात धरणात १३३८ टीएमसी एवढा पाणीसाठा झाला होता. त्यापैकी साडेचार महिन्यांत तब्बल ५७७ टीएमसी पाण्याचा वापर झाला आहे. सध्या धरणांत ७६१ टीएमसी म्हणजेच ५२.८३ टक्के एवढा पाणीसाठा शिल्लक आहे.

पुणे : राज्यात रब्बी हंगामात पाण्याचा मोठ्या प्रमाणात वापर झाला आहे. त्यामुळे धरणातील पाणीसाठा झपाट्याने कमी होऊ लागला आहे. यंदाच्या पावसाळ्यात धरणात १३३८ टीएमसी एवढा पाणीसाठा झाला होता. त्यापैकी साडेचार महिन्यांत तब्बल ५७७ टीएमसी पाण्याचा वापर झाला आहे. सध्या धरणांत ७६१ टीएमसी म्हणजेच ५२.८३ टक्के एवढा पाणीसाठा शिल्लक आहे.

यंदा अनेक धरणांनीही तळ गाठल्याचे चित्र होते. परंतु ऑगस्ट, सप्टेंबरमध्ये झालेल्या पावसामुळे राज्यातील लहान-मोठ्या तीन हजार २४६ प्रकल्पांमध्ये मध्ये १३३८ टीएमसी म्हणजेच ७४.४७ टक्के पाणीसाठा झाला होता. गेल्या वर्षी या कालावधीत राज्यातील धरणांमध्ये ५० टक्के एवढा पाणीसाठा होता. यंदा दोन टक्के अधिक म्हणजेच ५२ टक्के पाणीसाठा असला तरी पाण्याचा जपून वापर करण्याची गरज आहे.  

कोकणात ६५ टक्के पाणीसाठा
यंदा कोकणातील घाटमाथ्यावर जोरदार पाऊस झाला होता. या धरणांमध्ये १२३.४५ टीएमसी म्हणजेच ९४.९० टक्के पाणीसाठा झाला होता. सध्या कोकणात ८१ टीएमसी म्हणजेच ६६ टक्के एवढा पाणीसाठा उपलब्ध आहे. गेल्या साडेचार महिन्यांत ४२ टीएमसी पाणीसाठ्याचा वापर झाला आहे.

मध्य महाराष्ट्रात मुबलक पाणी
मध्य महाराष्ट्रातील अनेक भागांत जोरदार पाऊस झाला होता. त्यामुळे पुणे विभागातील ७२५ धरणांत ५८९.९० टीएमसी म्हणजेच ८९.२७ टक्के, नाशिक विभागातील ५६१ धरणांत १९७.८१ टीएमसी म्हणजे ८१.९३ टक्के पाणीसाठा झाला होता. सध्या पुणे विभागातील धरणांत ३५७ टीएमसी म्हणजेच ६६ टक्के, तर नाशिक विभागातील धरणांत १२० टीएमसी म्हणजे ५७ टक्के पाणीसाठा उपलब्ध आहे. गेल्या वर्षीच्या तुलनेत दोन्ही विभागांत अधिक पाणीसाठा आहे.

मराठवाड्यात ४७ टक्के पाणीसाठा
ऑगस्ट व सप्टेंबरमध्ये मराठवाड्यात अनेक भागांत जोरदार ते मुसळधार पाऊस झाला. त्यामुळे मराठवाड्यातील धरणांत २३२.४८ टीएमसी म्हणजेच ७३.४३ टक्के पाणीसाठा झाला होता. हा पाणीसाठा वर्षभर पुरेल एवढा असला तरी पिण्याच्या पाण्याची चिंता करावी लागणार नसल्याचे समोर आले होते. सध्या १२२ टीएमसी म्हणजेच ४७ टक्के एवढा पाणीसाठा असून आतापर्यंत ११० टीएमसी पाण्याचा वापर झाला आहे.

विदर्भात पाणीटंचाईची शक्यता
यंदा ऑक्टोबरअखेर नागपूर विभागात १११.२७ टीएमसी म्हणजे ४७.३२ टक्के, अमरावती विभागात ८३.२८ टीएमसी म्हणजेच ७६.२७ टक्के पाणीसाठा झाला होता. मात्र, गेल्या साडेचार महिन्यांत पाण्याचा वापर अधिक झाला आहे. सध्या नागपूर विभागातील धरणांत ३९.७१ तर, अमरावती विभागात ४०.६३ टीएमसी पाणीसाठा आहे. अशा स्थितीत विदर्भात पाणीटंचाई भासण्याची शक्यता आहे.

साडेचार महिन्यांत धरणांतील पाण्याचा झालेला वापर (टीएमसीमध्ये)

विभाग पाणीसाठा (ऑक्टोबरअखेर) पाणीसाठा (१८ फेब्रुवारीपर्यंत) झालेला वापर
पुणे ५८९.९०    ३५७.५२ २३२.३७
औरंगाबाद  २३२.४८    १२२.२९ ११०.१८
नाशिक १९७.८१ १२०.२१ ७७.५९
ठाणे  १२३.४५ ८१.०५  ४२.३९
नागपूर १११.२७  ३९.७१ ७१.५६
अमरावती ८३.२८    ४०.६३     ४२.६५

इतर अॅग्रो विशेष
शेतीतील दारिद्र्याचे भीषण वास्तवभारताने खुली व्यवस्था स्वीकारल्याला २०१६ मध्ये २५...
आश्वासक हरभरा; अस्वस्थ उत्पादकराज्यात हरभरा काढणीस महिनाभर आधीपासूनच सुरवात...
इतिहासातील जलसंधारण संकल्पना अन्...मागच्या भागात आपण इतिहासातील सागरी किल्ल्यांवरील...
खानदेशात बाजरी मळणीवरजळगाव : खानदेशात बाजरी पीक मळणीवर आले आहे. आगामी...
शेतकऱ्यांना संपूर्ण कर्जमुक्ती : '...मुंबई ः शेतीच्या शाश्वत सुधारणेला गती देण्यासाठी...
सांगली : कडब्याचे दर पोचले साडेचार हजार...सांगली  ः यंदा दुष्काळी स्थिती तीव्र आहे....
सांगली जिल्ह्यात पाण्याअभावी रखडली खरड...सांगली  ः जिल्ह्यातील द्राक्ष हंगाम अंतिम...
ऊस, कापूस पट्ट्यात कष्टाने पिकविली हळद शेतीचा फारसा अनुभव नाही. पण आवड, जिद्द,...
कृषी विद्यापीठांचे वाण वापरण्यात...वाशीम जिल्ह्यातील शिरपूर जैन (ता. मालेगाव) येथील...
राज्यात अद्यापही २४ टक्के ‘एफआरपी’ बाकीपुणे : ऊस खरेदीपोटी राज्यातील शेतकऱ्यांना...
उत्तर प्रदेशात ऊसबिलावरून धुमशाननवी दिल्ली : लोकसभा निवडणुकीत कोणता मुद्दा...
शेतकरी आत्महत्या रोखण्यासाठी युवकाचा ‘...नाशिक : राज्यात नापिकी, दुष्काळ, बाजारभाव...
उन्हाचा ताप वाढण्याची शक्यतापुणे : राज्यात उन्हाचा चटका अाणि उकाडा...
जेजुरी गडावर देवाची रंगपंचमीजेजुरी, जि. पुणे : जेजुरी गडावर पारंपरिक...
शेतकरी मंडळामुळे मिळाला ९० लाखांचा...वेंगुर्ले, जि. सिंधुदुर्ग : बॅंकेच्या चुकीमुळे...
कोंबडा झाकला तरी...मा  गील सात वर्षांत कृषी आणि सलग्न क्षेत्रातील...
शेतकऱ्यांची दैनावस्था दूर करणारा...गेल्या अनेक वर्षांत शेती आणि शेतकऱ्यांची जी...
तुरळक ठिकाणी पावसाची शक्यतापुणे : राज्यात उन्हाचा चटका वाढल्याने अनेक ठिकाणी...
शिल्लक साखरेचा दबाव पुढील हंगामावर?कोल्हापूर : केंद्राने सुरू केलेल्या कोटा...
‘सॉर्टेड सिमेन’चा प्रयोग यशस्वीनगर : गोदावरी खोरे नामदेवराव परजणे पाटील तालुका...