agriculture news in marathi, State faces premonsoon rainfall | Agrowon

राज्यात पूर्वमोसमीचा दणका सुरूच
टीम अॅग्रोवन
सोमवार, 4 जून 2018

पुणे : राज्यात पूर्वमोसमी पावसाने जोरदार हजेरी लावत दणका दिला आहे. मध्य महाराष्ट्रात वळीव पावसाचा जोर अधिक होता. धुळे जिल्ह्यातील नागाव येथे अतिवृष्टी झाली तेथे १०५ मिलिमीटर पावसाची नोंद झाल्याचे कृषी विभागातर्फे सांगण्यात आले. तर कोल्हापुरातील अाजरा तालुक्याच्या चव्हाणवाडीत जोरदार पावसाने शेत बांध वाहून गेले. बुलडाणा जिल्‍ह्यातील बीबी, मांडवा येथे शनिवारी दुपारी वादळी वाऱ्यांसह आलेल्या पावसाने आठवडे बाजारात नुकसान झाले. तर वाशीम जिल्ह्यात बाजार समितीमध्ये विक्रीसाठी आलेले हजारो क्विंटल सोयाबीन पाण्यात गेले.

पुणे : राज्यात पूर्वमोसमी पावसाने जोरदार हजेरी लावत दणका दिला आहे. मध्य महाराष्ट्रात वळीव पावसाचा जोर अधिक होता. धुळे जिल्ह्यातील नागाव येथे अतिवृष्टी झाली तेथे १०५ मिलिमीटर पावसाची नोंद झाल्याचे कृषी विभागातर्फे सांगण्यात आले. तर कोल्हापुरातील अाजरा तालुक्याच्या चव्हाणवाडीत जोरदार पावसाने शेत बांध वाहून गेले. बुलडाणा जिल्‍ह्यातील बीबी, मांडवा येथे शनिवारी दुपारी वादळी वाऱ्यांसह आलेल्या पावसाने आठवडे बाजारात नुकसान झाले. तर वाशीम जिल्ह्यात बाजार समितीमध्ये विक्रीसाठी आलेले हजारो क्विंटल सोयाबीन पाण्यात गेले.

पूर्वमोसमी पावसाने शनिवारी मध्य महाराष्ट्रातील नाशिक, धुळे, नंदूरबार, जळगाव, नगर, पुणे, सातारा, कोल्हापूर जिल्ह्यांच्या अनेक भागांमध्ये वळवाच्या पावसाने दणका दिला. कृषी विभागाकडे झालेल्या नोंदीनुसार नाशिकच्या डांगसौदणे ३१ मिलिमीटर, इगतपुरी ५८, दिघवड ३०, धुळ्यातील नागाव येथे १०५, सोनगीर ३१, मुकटी ३०, साक्री ४६, थळनेर ६८, चिमठाणा ४१, जळगावमधील अंमळनेर ३०, अमलगाव ४६, हताळे ३७, पाचोरा ३१, नगरमधील चास ३०, वझझिरे ३३, पुणे जिल्ह्यातील अांबवडे ३९, तळेगाव ३९, कुंभारवळण ४४, साताऱ्यातील हेळवाक ५९, पसरणी ३२, महाबळेश्‍वर ८९, कोल्हापुरातील राशिवडे ३०, गगनबावडा येथे ५५ मिलिमीटर पावसाची नोंद झाली. 
 
कोकणातील ठाणे, पालघर, रायगड, रत्नागिरी, सिंधुदुर्ग जिल्ह्यांत पूर्वमोसमी पावसाने हजेरी लावली. ठाणे जिल्ह्यातील किन्हवली येथे ४०, अंबरनाथ ५१, बदलापूर ८५, रायगड जिल्ह्यातील तळोजा येथे ४५, करंजवाडी ४१, कोंडवी ८३, वाकण ५९ मिलिमीटर पाऊस पडला. मराठवाड्यातील औरंगाबाद, जालना, नांदेड, हिंगोली जिल्ह्यांतही वळीव पावसाच्या सरी पडल्या. औरंगाबादमधील वरुडकाझी येथे ३७, वाळूज ३१, डोणगाव ३९ मिलिमीटर, तर विदर्भातील वाशीम, यवतमाळ, वर्धा, नागपूर जिल्ह्यांत काही ठिकाणी पाऊस झाला. वाशीममधील मंगरूळपीर येथे ४९ मिलिमीटर, यवतमाळ जिल्ह्यातील लोही ४७, मोझर ४४ मिलिमीटर पाऊस झाल्याची माहिती कृषी विभागातर्फे देण्यात आली. 

गुरुवारी कोकणात मुसळधारेचा इशारा
अरबी समुद्रावरून होणारा बाष्प पुरवठा, पूर्व विदर्भावर असलेली चक्राकार वाऱ्यांची स्थिती यामुळे राज्यात वादळी वाऱ्यांसह पूर्वमोसमी पाऊस पडत आहे. सोमवारपासून (ता. ४) कोकणात, मंगळवारपासून मराठवाड्यात, तर बुधवारपासून मध्य महाराष्ट्रात पाऊस वाढणार असल्याचे हवामान विभागाने स्पष्ट केले आहे. गुरुवारपर्यंत (ता. ७) राज्यात मॉन्सून दाखल होण्याची शक्यता असून, गुरुवारी कोकणात मुसळधार पावसाचा इशारा देण्यात आला आहे. 

 

इतर अॅग्रो विशेष
अकोला कृषी विद्यापीठात ड्रोनद्वारे...नागपूर ः ड्रोनद्वारे फवारणीचा राज्यातील पहिला...
विदर्भात आज अतिवृष्टीचा इशारा पुणे ः बंगालच्या उपसागरात तयार झालेल्या कमी दाब...
राज्यातील १७ जिल्हे दुष्काळाच्या छायेतमुंबई ः राज्यात मॉन्सूनचे आगमन झाल्यानंतर अनेक...
प्रयत्नवादातून उभारलेला बेकर्स वेव्ह...वडगाव मावळ तालुक्यातील (जि. पुणे) दिवड येथील...
चीनसह बांगलादेशची कापूस आयात वाढणारजळगाव ः देशात आॅगस्टअखेर ११२ लाख हेक्‍टरवर...
भाजीपाला शेतीसह कापूस बीजोत्पादनातील...भाजीपाला पिके तसेच कापूस बीजोत्पादन या पद्धतीतून...
मिर्झापूर ः साखळी शेततळ्यांचे गाव‘मागेल त्याला शेततळे` योजनेअंतर्गत मिर्झापूर (ता...
इजा झाल्यानंतर वनस्पती पाठवतात धोक्याचा...जेव्हा वनस्पतींना इजा होते, त्या वेळी वनस्पतीच्या...
ठिबक नोंदणीवरील विक्रेत्यांच्या...नागपूर  ः ठिबक नोंदणीवरील विक्रेत्यांच्या...
कमी दाब क्षेत्राचे निर्माण; पावसाच्या...पुणे   : बंगालच्या उपसागरात कमी दाबाचे...
पावसाने ताण दिल्यामुळे खरीप धोक्यातपुणे ः राज्यात काही ठिकाणी परतीच्या पावसाने हजेरी...
चांदक-गुळूंब अोढा जोडप्रकल्पाने साधली...सातारा जिल्ह्यातील चांदक-गुळुंब (ता. वाई) हा ओढा...
सोयाबीनवरील पाने खाणाऱ्या अळ्या व...सध्या सोयाबीन पीक काही ठिकाणी शेंगा लागण्याच्या व...
साखरेच्या गोळ्याही करतील वेदना कमीवाढत्या स्थौल्यत्वासारख्या व त्या अनुषंगाने...
राज्यातील विकास सोसायट्यांना रिक्त...सांगली ः राज्यातील विकास सोसायट्यांची संख्या २१...
पावसाच्या तुरळक हजेरीने हलका दिलासापुणे: पावसाच्या दीर्घ खंडानंतर राज्यात दोन...
पुण्यात एक ऑक्टोबरला ‘कृषी कल्चर’ ज्ञान...पुणे ः शेतीमधील बदलत्या तंत्रावर प्रकाश टाकणारा...
पोटॅशचा मोठा तुटवडाजळगाव  ः रेल्वेकडून खत पुरवठादार किंवा खत...
नोकरी गमावली पण रेशीम शेतीतून पत कमावलीसातपुड्याच्या पायथ्याशी वसलेल्या संग्रामपूर...
राज्यात उद्यापासून पावसाचे संकेतपुणे: बंगालच्या उपसागरात तयार होत असलेल्या कमी...