agriculture news in marathi, State Government's Agriculture, Savings Group will come up: Patil | Agrowon

राज्य शासनाच्या कृषी, बचत गट योजना येणार : पाटील
टीम अॅग्रोवन
शुक्रवार, 11 जानेवारी 2019

इस्लामपूर, जि. सांगली : आगामी काळात केंद्र आणि राज्य शासनाच्या कृषी आणि बचत गटविषयक अनेक योजना येत आहेत. महिलांनी खाद्यपदार्थांमध्ये अडकून न राहता बाजारपेठेत जास्त मागणी असणाऱ्या वस्तू बनवाव्यात. त्यासाठी सरकार पैसे द्यायला तयार आहे, त्याचा फायदा घ्या, असे आवाहन महसूलमंत्री चंद्रकांतदादा पाटील यांनी केले. 

इस्लामपूर, जि. सांगली : आगामी काळात केंद्र आणि राज्य शासनाच्या कृषी आणि बचत गटविषयक अनेक योजना येत आहेत. महिलांनी खाद्यपदार्थांमध्ये अडकून न राहता बाजारपेठेत जास्त मागणी असणाऱ्या वस्तू बनवाव्यात. त्यासाठी सरकार पैसे द्यायला तयार आहे, त्याचा फायदा घ्या, असे आवाहन महसूलमंत्री चंद्रकांतदादा पाटील यांनी केले. 

महाराष्ट्र शासन कृषी विभाग, जिल्हा ग्रामीण विकास यंत्रणा व सांगली जिल्हा परिषदेच्या वतीने आयोजित सांगली जिल्हा कृषी महोत्सव व दख्खन जत्रेच्या उद् घाटनप्रसंगी ते बोलत होते. कृषी व पणन राज्यमंत्री सदाभाऊ खोत, जिल्हा परिषदेचे अध्यक्ष संग्रामसिंह देशमुख, जिल्हाधिकारी विजय काळम-पाटील, आमदार शिवाजीराव नाईक, वनश्री नानासाहेब महाडिक, नगरसेवक विक्रम पाटील, महिला बालकल्याण सभापती सुषमा नायकवडी, सी. बी. पाटील, वैभव शिंदे, राहुल महाडिक, भगवानराव साळुंखे, गौरव नायकवडी, दि. बा. पाटील, सागर खोत उपस्थित होते.

यल्लम्मा स्वयंसहायता समूह पाटगाव (मिरज), शिवकृपा स्वयंसहायता समूह, कोगनोळी (कवठेमहांकाळ) अंबिका स्वयंसहायता समूह, रामानंदनगर (पलूस) यांना राजमाता जिजाऊ स्वावलंबन पुरस्काराने गौरविण्यात आले. प्रवीण शिंदे, पुष्पवती पाटील यांनाही पुरस्कार मिळाला.

पाटील म्हणाले, "शेतकरी श्रीमंत व्हायचा असेल, तर जगात नवीन काय चालले आहे, हे समजून घेतले पाहिजे. परंपरागत शेतीत आता फायदा नाही. २ लाख ८४ हजार शेतकऱ्यांना आम्ही तीन आठवडे प्रशिक्षण देणार आहोत. गटशेती करणाऱ्यांना आम्ही एक कोटी देतोय. ४८ हजार ग्रामीण तरुणांना डेअरी व विविध प्रक्रिया केंद्रे यांचे सहा महिन्यांचे मोफत मार्गदर्शन देत आहोत. दोन हजार ठिकाणी हवामान केंद्रे आहेत, यातून शेतकऱ्यांना अद्ययावत माहिती दिली जात आहे.``

खोत म्हणाले, "हातकणंगले मतदारसंघात पाणी योजनांसाठी २७५ कोटी रुपये आणले. कृषी महाविद्यालयाला ५० कोटी मंजूर आहेत, त्याचे फेब्रुवारीत भूमिपूजन होईल. जिल्ह्यात प्रथमच निर्यात सुविधा केंद्र होत आहे. १८० देशात कृषी माल निर्यात होतोय." 

संग्रामसिंह देशमुख म्हणाले, "सरकारने शेतकऱ्यांना दुष्काळात दिलासा दिला. प्रदर्शनामुळे सर्वसामान्य शेतकऱ्याला हक्काचे व्यासपीठ उपलब्ध झाले. महिला बचत गटासाठी चांगला व्यवसाय दिल्यास त्या राज्यात आदर्शवत काम करून दाखवतील." 

दैनिक 'सकाळ'च्या कृषिविषयक 'ॲग्रोवन' दैनिकाचे चंद्रकांतदादा पाटील यांनी कौतुक केले. ते म्हणाले, "हे दैनिक प्रत्येकाने वाचले पाहिजे. त्यातील यशोगाथा प्रेरणादायी आहेत. इतरत्र शोकांतिका येतात, मात्र हे दैनिक यशोगाथा मांडून शेतकऱ्यांना दिशा देत आहे."

जिल्हाधिकाऱ्यांचा पेरू
जिल्हाधिकारी विजय काळम-पाटील यांनी पिकवलेला पेरू दाखवत चंद्रकांतदादा पाटील म्हणाले, "हा पेरू उसापेक्षा जास्त उत्पन्न देणारा आहे. वर्षाला एकरात सहा लाख रुपये मिळू शकतात, असा त्यांचा दावा आहे. असे नवे प्रयोग शेतकऱ्यांनी केले पाहिजेत"
 

इतर बातम्या
कृषी विकास दराची मोठी बुडीमुंबई  ः देशात महाराष्ट्र पहिल्या क्रमांकावर...
कर्नाटकी बेंदराच्या निमित्ताने आज ...कोल्हापूर  : राज्यातील कर्नाटक सीमेलगतच्या...
मॉन्सूनचे प्रवाह अजूनही मंदचपुणे  : अरबी समुद्रात गुजरातच्या किनाऱ्यावर...
ढगाळ हवामानासह हलक्या पावसाचा अंदाजपुणे  : ‘वायू’ चक्रीवादळ निवळल्यानंतर...
एफआरपी द्या, काटामारी रोखा : बच्चू...पुणे :  राज्यातील ऊस उत्पादक...
शेतकरी सन्मान योजनेत रत्नागिरीतील आठ...रत्नागिरी : पंतप्रधान शेतकरी सन्मान...
कीटकशास्‍त्र विभागातर्फे ट्रायकोकार्ड...परभणी ः येत्या हंगामात मराठवाड्यातील औरंगाबाद,...
फळबाग योजनेतील अटी कोकणासाठी शिथिल करू...रत्नागिरी ः भाऊसाहेब फुंडकर फळबाग लागवड...
महावितरणच्या कामात सुधारणा व्हायला हवी...जळगाव ः ‘महावितरण’च्या कार्यपद्धतीबाबत सामान्य...
कांदा उत्पादक शेतकऱ्यांना अनुदानाची...नाशिक : मागील वर्षी लाल कांद्याचे भाव पडल्याने...
कपाशीचा नांदेड ४४ बीटी वाण लोकार्पण हा...परभणी  : वसंतराव नाईक मराठवाडा कृषी...
पावसाला उशीर झाल्याने चिंतेचे ढग गडदनांदेड ः नांदेड, परभणी, हिंगोली जिल्ह्यांत यंदा...
कृषी विद्यापीठाच्या वाणांच्या...रत्नागिरी ः डॉ. बाळासाहेब सावंत कोकण कृषी...
परभणी, हिंगोलीतील दूध उत्पादकांच्या... परभणी  ः शासकीय दूध योजनेअंतर्गत परभणी...
विदर्भातील कृषी विकासाला बाधक ठरतोय...नागपूर   ः सत्ताकेंद्र विदर्भात असताना...
राज्यातील दूध संघांपूढे ‘अमूल’चे कडवे...पुणे: राज्याच्या दूध उद्योगात ‘अमूल’चा होत असलेला...
उदारीकरणाच्या नावाखाली उत्पादन...पुणे   : देशात १९९१ मध्ये...
विधिमंडळाचे आजपासून पावसाळी अधिवेशनमुंबई : राज्य विधिमंडळाच्या पावसाळी...
दुष्काळ, पीकविम्याचे आठ हजार कोटी...मुंबई ः लोकसभा निवडणूक निकालाच्या पार्श्वभूमीवर...
दुष्काळ, मंत्र्यांचे भ्रष्टाचार, आरक्षण...मुंबई : राज्यात भीषण दुष्काळ आहे, त्यामुळे...