agriculture news in marathi, State ministry to be reshuffled, Devendra Fadanvis | Agrowon

मंत्रिमंडळ विस्तार हिवाळी अधिवेशनापूर्वी
प्रशांत बारसिंग
रविवार, 22 ऑक्टोबर 2017

मुंबई ः राज्य मंत्रिमंडळाचा विस्तार लवकरच होणार असून, तो हिवाळी अधिवेशनापूर्वी होईल. या वेळी काही जुन्या मंत्र्यांना वगळून नव्यांना संधी देण्यात येईल, अशी माहिती मुख्यमंत्री देवेंद्र फडणवीस यांनी "सकाळ'ला दिली. मंत्रिमंडळात नारायण राणे यांचा समावेश करणार असून, खाते देताना त्यांचा योग्य सन्मान करण्यात येईल, असे सांगताना फडणवीस यांनी मित्रपक्ष असलेल्या शिवसेनेला चांगलेच टोले लगावले. येत्या 31 ऑक्‍टोबर रोजी राज्य सरकारला तीन वर्षे पूर्ण होत असल्याच्या पार्श्वभूमीवर "वर्षा' निवासस्थानी अनौपचारिक चर्चा करताना ते बोलत होते. 

मुंबई ः राज्य मंत्रिमंडळाचा विस्तार लवकरच होणार असून, तो हिवाळी अधिवेशनापूर्वी होईल. या वेळी काही जुन्या मंत्र्यांना वगळून नव्यांना संधी देण्यात येईल, अशी माहिती मुख्यमंत्री देवेंद्र फडणवीस यांनी "सकाळ'ला दिली. मंत्रिमंडळात नारायण राणे यांचा समावेश करणार असून, खाते देताना त्यांचा योग्य सन्मान करण्यात येईल, असे सांगताना फडणवीस यांनी मित्रपक्ष असलेल्या शिवसेनेला चांगलेच टोले लगावले. येत्या 31 ऑक्‍टोबर रोजी राज्य सरकारला तीन वर्षे पूर्ण होत असल्याच्या पार्श्वभूमीवर "वर्षा' निवासस्थानी अनौपचारिक चर्चा करताना ते बोलत होते. 

मंत्रिमंडळाचा विस्तार नागपूरच्या हिवाळी अधिवेशनापूर्वी करणार असून, त्यात काही जुन्या मंत्र्यांना वगळण्याचे सूतोवाच फडणवीस यांनी केले. या वेळी काही नवीन चेहऱ्यांना संधी देण्यात येईल. ज्येष्ठ नेते नारायण राणे यांनी नव्या राजकीय पक्षाची स्थापना केली असून, त्यांनी "एनडीए'मध्ये प्रवेश केला आहे. त्यामुळे मंत्रिमंडळात त्यांचा समावेश होईल आणि चांगले खाते देऊन त्यांचा योग्य सन्मान करण्यात येईल, असे फडणवीस यांनी सांगितले. 

शिवसेनेच्या भूमिकेमुळे राज्य सरकार अस्थिर आहे का आणि भविष्यात राष्ट्रवादी कॉंग्रेसचे समर्थन घेणार का, असा प्रश्‍न विचारला असता फडणवीस म्हणाले, की राष्ट्रवादी कॉंग्रेसचे समर्थन सरकारला असण्याबाबत अनेक अफवा आहेत. याबाबत उलटसुलट राजकीय चर्चाही अधूनमधून सुरू आहेत. मात्र या चर्चांमध्ये काडीमात्र तथ्य नाही. राष्ट्रवादी कॉंग्रेसचे समर्थन घेण्याबाबत भाजप किंवा राज्य सरकारच्या स्तरावर कोणताही प्रस्ताव किंवा चर्चाही नसल्याचे फडणवीस यांनी स्पष्ट केले. 

मुंबई-नागपूर समृद्धी महामार्ग आणि मुंबई-अहमदाबाद बुलेट ट्रेन होणारच असा विश्वास फडणवीस यांनी व्यक्‍त केला. समृद्धी महामार्गासाठी 60 टक्‍के शेतकऱ्यांनी संमती दिली असून, 50 टक्‍के जमीन नोव्हेंबर अखेरपर्यंत संपादित होईल. उर्वरित जमीन डिसेंबर अखेरपर्यंत संपादित करण्यात येणार असून महामार्गाचे काम जानेवारी 2018 मध्ये सुरू होणार असल्याची माहिती त्यांनी दिली. तसेच, बुलेट ट्रेनचा राज्याला फायदा होणार असून तो कसा होईल, याचे महत्त्व जनतेला पटवून देणार असल्याचे त्यांनी सांगितले. 

फडणवीस म्हणाले... 

  • समृद्धी महामार्गाला कोरिया सरकारचे अर्थसाहाय्य 
  • "हुडको'कडून चार हजार कोटी प्राप्त 
  • बुलेट ट्रेनला जपानचे नगण्य व्याजदरात अर्थसाहाय्य 
  • बुलेट ट्रेनमुळे 25 हजार कायमस्वरूपी, तर तीन लाखांपर्यंत तात्पुरती रोजगारनिर्मिती 
  • शाश्वत शेतीवर पुढील दोन वर्षांत फोकस 

शिवसेना स्वतःच संपणार 
शिवसेना पक्षप्रमुख उद्धव ठाकरे यांच्यासोबत माझे चांगले संबंध आहेत. मात्र, पक्ष म्हणून शिवसेनेची भूमिका योग्य नाही. शिवसेनेला सत्तेत राहून सत्ताधारी आणि विरोधक अशी दुहेरी भूमिका बजावायची असल्याने त्यांचे राजकीय नुकसान होत असल्याकडे फडणवीस यांनी लक्ष वेधले. यासाठी त्यांनी नांदेड आणि अन्य स्थानिक निवडणुकांचा दाखला दिला. नांदेडमध्ये आमच्या मतांची टक्‍केवारी वाढल्याचे सांगताना शिवसेनेचे मोठे नुकसान झाल्याचे फडणवीस यांनी सांगितले. तसेच, गेल्या वर्षभरात झालेल्या महापालिका, नगरपालिका, जिल्हा परिषदा आणि ग्रामपंचायतीच्या निवडणुकीत शिवसेनेचे मोठे नुकसान झाल्याचे सांगताना याला शिवसेनेची दुटप्पी भूमिका कारणीभूत असल्याचे त्यांनी स्पष्ट केले. दोन्ही दगडांवर पाय ठेवणाऱ्या शिवसेनेचे काय झाले हे स्पष्ट असताना त्यांना कुणी संपवायची गरजच नसून ते स्वतः संपणार असल्याचे ते म्हणाले. 

इतर ताज्या घडामोडी
शिवकुमार स्वामी यांचे १११व्या वर्षी...बंगळूर : तुमकुरू येथील सिद्धगंगा मठाचे प्रमुख,...
आयटीसीचे ‘ई चौपाल’ आता येणार मोबाईलवरग्रामीण भागाला डिजिटल करण्याच्या उद्देशाने दोन...
पुण्यात भाजीपाल्याची आवक कमी; दर स्थिरपुणेः गुलटेकडी येथील कृषी उत्पन्न बाजार...
...तर भविष्यात निवडणुका होणारच नाहीत :...कासेगाव, जि. सांगली : देशाचे पंतप्रधान नरेंद्र...
नाशिक जिल्ह्यात पाण्यासाठी गावे पाहतात...येवला, जि. नाशिक : यंदा दुष्काळाच्या माहेरघरांसह...
द्राक्ष उत्पादकांची फसवणूक टाळण्यासाठी...सांगली ः  दादा... द्राक्षांची विक्री करताना...
पंजाब गारठलेले; काश्‍मीरला दिलासाश्रीनगर/चंडीगड : पंजाब आणि हरियानातील...
शेवगाव, वैजू बाभूळगाव येथे लोकसहभागातून...नगर   ः दुष्काळाने होरपळ सुरू असताना...
पुरस्कारप्राप्त शेतकऱ्यांनी आपले ज्ञान...बारामती, जि. पुणे  ः ज्याप्रमाणे...
पुणे विभागात ४२६२ शेततळ्यांची कामे पूर्णपुणे  ः दुष्काळी स्थितीत फळबागा, पिकांसाठी...
फसव्या भाजप सरकारला हद्दपार करा ः धनंजय...वरवट बकाल, जि. बुलडाणा   ः भाजप सरकारने...
कृषिक प्रदर्शनाला दिली दोन लाखांवर...बारामती, जि. पुणे  ः गेल्या चार दिवसांत दोन...
सरकारचे अपयश लोकांसमोर प्रभावीपणे...नगर   ः सरकार कामे करण्यापेक्षा घोषणा...
रस्ते विकासासाठी ३० हजार कोटींचा निधी...कोल्हापूर  : राज्यात रस्ते विकासाचा भरीव...
प्रकाश संश्लेषणातून जीएम भात उत्पादनात...भात पिकामध्ये होणारी प्रकाश संश्लेषणाची क्रिया...
मराठवाड्यातील पाणीसाठे तळालाऔरंगाबाद : मराठवाड्यातील दुष्काळाचं संकट...
अकोल्यात आंतरविद्यापीठ कर्मचारी क्रीडा...अकोला ः सुवर्ण जयंती क्रीडा महोत्सवातंर्गत येथे...
‘कर्जाची वरात मुख्यमंत्र्यांच्या दारात...नागपूर  ः शेतकऱ्यांचा सात-बारा उतारा सरसकट...
`सेवाकर प्रश्न मिटेपर्यंत सांगलीत...सांगली   : मुंबईत भाजप कार्यालयातील...
पुणे जिल्ह्यात गव्हाचे क्षेत्र ४१ हजार...पुणे  ः जमिनीत ओल नसल्याने यंदा रब्बी...