agriculture news in marathi, status of complete farmpond, solapur, maharashtra | Agrowon

सोलापूर जिल्ह्यात साडेचार हजार शेततळी
टीम अॅग्रोवन
गुरुवार, 22 मार्च 2018
सोलापूर  : राज्य शासनाने पाणीटंचाईवर उपाययोजना करण्यासाठी दोन वर्षांपूर्वी मागेल त्याला शेततळे ही योजना सुरू केली. सोलापूर जिल्ह्यात गेल्या दोन वर्षांत सुमारे साडेचार हजार शेतकऱ्यांना शेततळ्याच्या अनुदानाचा लाभ मिळाला. याअंतर्गत १९ कोटी ४१ लाख ३६ हजार रुपयांचे अनुदान शेतकऱ्यांना देण्यात आल्याची माहिती जिल्हा पाणलोट विकास विभागाचे प्रकल्प अधिकारी व्यवस्थापक रवींद्र माने यांनी दिली.
 
सोलापूर  : राज्य शासनाने पाणीटंचाईवर उपाययोजना करण्यासाठी दोन वर्षांपूर्वी मागेल त्याला शेततळे ही योजना सुरू केली. सोलापूर जिल्ह्यात गेल्या दोन वर्षांत सुमारे साडेचार हजार शेतकऱ्यांना शेततळ्याच्या अनुदानाचा लाभ मिळाला. याअंतर्गत १९ कोटी ४१ लाख ३६ हजार रुपयांचे अनुदान शेतकऱ्यांना देण्यात आल्याची माहिती जिल्हा पाणलोट विकास विभागाचे प्रकल्प अधिकारी व्यवस्थापक रवींद्र माने यांनी दिली.
 
मागेल त्याला शेततळे योजना फेब्रुवारी २०१६ रोजी सुरू झाली. याअंतर्गत शेततळ्यांसाठी ५० हजार रुपयांपर्यंत अनुदान देण्याची तरतूद आहे. ०.६० हेक्‍टरपेक्षा जास्त जमीनधारक शेतकरी योजनेसाठी पात्र आहेत. लाभार्थ्यांची निवड करताना दारिद्य्र रेषेखालील किंवा आत्महत्याग्रस्त कुटुंबांतील शेतकऱ्यांना प्राधान्य दिले जाते. जास्त अर्ज प्राप्त झाल्यास ज्येष्ठतेनुसार प्रथम येणाऱ्यास प्राधान्य दिले जाते. जिल्ह्याला ८००० शेततळ्यांचे उद्दिष्ट शासनाने दिले. शेतकऱ्यांनी योजनेला सुरवातीपासूनच चांगला प्रतिसाद दिला. 
 
या योजनेअंतर्गत दोन वर्षांत २४ हजार १६८ अर्ज जिल्हा कृषी अधीक्षक कार्यालयाला प्राप्त झाले होते. त्यापैकी १६ हजार १८४ अर्जांना मंजुरी देण्यात आली. प्रत्यक्ष कार्यारंभ करताना १५ हजार २२८ कामांना मंजुरीबाबत आदेश देण्यात आला. निकषांनुसार पडताळणी करून एकूण ८ हजार १२१ शेततळ्यांची आखणी करून देण्यात आली. त्यापैकी ४ हजार ६२४ शेततळे बांधून पूर्ण झाली असून, त्यापैकी ४ हजार ४८५ शेततळ्यांसाठी एकूण १९ कोटी ४१ लाख ३६ हजार रुपयांचे अनुदान वितरित करण्यात आल्याचे श्री. माने यांनी सांगितले.
 
सोलापुरातील ११ तालुक्‍यांमध्ये सांगोला तालुका शेततळे बांधण्यात अग्रेसर आहे. सांगोला येथे पहिल्या वर्षी ३६५; तर दुसऱ्या वर्षी ४५० अशी एकूण ८१५ शेततळी बांधण्यात आली. त्या खालोखाल पंढरपूर व मंगळवेढा तालुके अनुक्रमे ७५८ व ५३८ शेततळ्यांसह दुसऱ्या आणि तिसऱ्या क्रमांकावर आहेत.

इतर ताज्या घडामोडी
काकडी, दोडका, कारल्याच्या दरात सुधारणापुणे : गुलटेकडी येथील कृषी उत्पन्न बाजार...
‘गिरणा‘च्या पाण्यासाठी वाळूचा बंधाराजळगाव : गिरणा नदीतून पिण्यासह शेतीच्या पाण्याचे...
‘समृद्धी’च्या उभारणीसाठी रॉयल्टीत देणार...नाशिक   : मुंबई-नागपूर समृद्धी महामार्गाच्या...
व्याजासह एफआरपी दिल्याशिवाय...पुणे  : राज्यातील साखर कारखान्यांनी थकीत...
कोल्हापुरात पहिल्या टप्प्यात गूळदरात वाढकोल्हापूर  ः यंदाच्या गूळ हंगामाला सुरवात...
सरुड येथील गुऱ्हाळघरमालक उसाला देणार...कोल्हापूर : गुऱ्हाळघर व्यवसायात व्यावसायिकपणा...
नगर जिल्ह्यात १७८ टॅंकरद्वारे पाणीपुरवठानगर   : जिल्ह्यात यंदा गंभीर पाणीटंचाई जाणवत...
पुणे बाजार समितीत हापूस आंब्यांची आवकपुणे  ः कोकणातील हापूस आंब्यांची या...
सातारा जिल्ह्यात पाणीटंचाई वाढलीसातारा   ः जिल्ह्याच्या पूर्व भागात...
नागपूर जिल्ह्यात रब्बीची २१ टक्के पेरणीनागपूर   ः पाणी उपलब्धतेची अडचण, जमिनीत...
राज्यकर्ते दूध भेसळ का थांबवत नाहीत :...पुणे : राज्यात राजरोस दुधात भेसळ सुरू असून, अन्न...
आर. आर. पाटील यांचे स्मारक युवकांना...सांगली   ः आर. आर. पाटील यांनी ग्रामविकास,...
जळगाव जिल्हा परिषद पाणी योजनांचे वीज...जळगाव : पाणी योजनांचे बिल भरण्यात आले नसल्याने...
जमीन सुपीकतेसाठी सेंद्रिय कर्बाचे...जमिनीच्या सुपीकतेमध्ये सेंद्रिय कर्ब हे अत्यंत...
खानदेशात कांदा लागवड निम्म्याने...जळगाव : खानदेशात यंदा उन्हाळ कांद्याची लागवड...
सटाणा, मालेगावसाठी सोडणार चणकापूर...नाशिक : सटाणा व मालेगावला भेडसावणाऱ्या...
पुणे विभागात ४८ हजार हेक्टरवर कांदा...पुणे   ः पुणे विभागात आत्तापर्यंत ४८ हजार...
वीजदरवाढीचा शॉक, अनुदानाची फक्त घोषणाचजळगाव ः वस्त्रोद्योगाला चालना मिळावी, उद्योजकांचा...
महिलांनी नाचणीपासून बनवले सत्तरहून अधिक...कोल्हापूर   : नाचणीची आंबील, नाचणीच्या...
बुलडाणा जिल्ह्यात रब्बीची ५६ हजार...बुलडाणा  ः कमी व अनियमित पावसामुळे संपूर्ण...