रस्त्याच्या कामातील गैरव्यवहारप्रकरणी कर्मचाऱ्यांची वेतनवाढ रोखली

रोहयो कामामध्ये भ्रष्टाचार झाल्याने त्यांच्यावर निलंबनाची कारवाई अपेक्षित होती; पण वेतनवाढ बंद करण्याची तात्पुरत्या स्वरूपाची कारवाई केल्याने आपले समाधान झाले नाही. आता मी न्यायालयात दाद मागणार आहे. - धनाजी गावडे, तक्रारदार, सावळेश्‍वर
रस्त्याच्या कामातील गैरव्यवहारप्रकरणी  कर्मचाऱ्यांची वेतनवाढ रोखली
रस्त्याच्या कामातील गैरव्यवहारप्रकरणी कर्मचाऱ्यांची वेतनवाढ रोखली
सोलापूर : सावळेश्‍वर (ता. मोहोळ) येथे रोजगार हमी योजनेतून करण्यात आलेल्या रस्त्याच्या कामात गैरव्यवहार करणाऱ्या कर्मचाऱ्यांच्या दोन वेतनवाढी बंद करून शिस्तभंगाच्या कारवाईचा निर्णय त्रिसदस्यीय समितीने दिला; परंतु समितीच्या निर्णयाबाबत समाधान न झाल्याने तक्रारदार धनाजी गावडे आता न्यायालयात धाव घेणार आहेत.
‘ॲग्रोवन'मध्ये गेल्या काही दिवसांपासून या प्रकरणी पाठपुरावा करण्यात येत आहे. या संपूर्ण कामांमध्ये कोणत्या प्रकारे गैरव्यवहार झाला आणि कसा? यासंबंधी सविस्तर वृत्तमालिकाही प्रसिद्ध करण्यात आली. त्यानंतर या कामाच्या चौकशीसाठी त्रिसदस्यीय समिती नेमण्यात आली होती. या समितीने या कर्मचाऱ्यांवर कामामध्ये अनियमिततेचा शेरा मारला आहे.
समितीच्या अहवालावरच प्रशासनाने या प्रकरणाशी संबंधित कर्मचाऱ्यांवर ही कारवाई केली आहे. या प्रकरणी श्रीमती एस. एच. कांबळे (तत्कालीन ग्रामसेवक), मिलिंद तांबिले (तत्कालीन ग्रामसेवक), एम. पी. कांबळे (कनिष्ठ सहायक), एस. व्ही. पाटील (सहायक लेखाधिकारी), अस्लम शेख (पॅनल तांत्रिक अधिकारी), श्रीमती पल्लवी व्हटाणे (सहायक कार्यक्रम अधिकारी), एम. आर. साळुंखे (सहायक गटविकास अधिकारी), बी. एन. साबळे (ग्रामरोजगार सेवक) यांच्यावर तात्पुरत्या दोन वेतनवाढी बंद करण्याची कारवाई झाली आहे.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com