agriculture news in marathi, storage gram gets insects | Agrowon

आर्द्रता वाढल्याने साठविलेल्या हरभऱ्याला भुंगा
सकाळ वृत्तसेवा
सोमवार, 18 जून 2018

कळंब, जि. उस्मानाबाद ः शासकीय हमी भाव खरेदी केंद्र बंद झाले आहे, तर हरभरा विक्रीसाठी खरेदी-विक्री संघाकडे दिलेली कागदपत्रे गहाळ झाली आहेत. वातावरणातील आर्द्रता वाढल्याने साठवून ठेवलेल्या हरभऱ्याला भुंगा लागला आहे. खरेदी केलेल्या हरभऱ्याची दमडीही शेतकऱ्यांना मिळाली नाही. अशा एक ना अनेक समस्यांनी शेतकरी त्रस्त झाले आहेत. ऑनलाइन नोंदणी केलेल्या हरभरा उत्पादक शेतकऱ्यांना शासनाने एक हजार रुपये क्विंटलला अनुदान देण्याचे निश्‍चित केले आहे; पण ते अनुदानाचे निकष कसे असणार हे मात्र गुलदस्त्यात असल्याने हरभरा उत्पादक शेतकरी कोंडीत सापडले आहेत.

कळंब, जि. उस्मानाबाद ः शासकीय हमी भाव खरेदी केंद्र बंद झाले आहे, तर हरभरा विक्रीसाठी खरेदी-विक्री संघाकडे दिलेली कागदपत्रे गहाळ झाली आहेत. वातावरणातील आर्द्रता वाढल्याने साठवून ठेवलेल्या हरभऱ्याला भुंगा लागला आहे. खरेदी केलेल्या हरभऱ्याची दमडीही शेतकऱ्यांना मिळाली नाही. अशा एक ना अनेक समस्यांनी शेतकरी त्रस्त झाले आहेत. ऑनलाइन नोंदणी केलेल्या हरभरा उत्पादक शेतकऱ्यांना शासनाने एक हजार रुपये क्विंटलला अनुदान देण्याचे निश्‍चित केले आहे; पण ते अनुदानाचे निकष कसे असणार हे मात्र गुलदस्त्यात असल्याने हरभरा उत्पादक शेतकरी कोंडीत सापडले आहेत.

येथील नाफेडच्या शासकीय हमी केंद्राला मुदत संपल्याने टाळे लागले होते. सात ते आठ हजारांहून अधिक शेतकऱ्यांनी हरभरा ऑनलाइन नोंदणीसाठी खरेदी-विक्री संघाच्या यंत्रणेकडे कागदपत्रे दिली होती. त्यांपैकी साडेतीन हजार शेतकऱ्यांची ऑनलाइन नोंदणी खरेदी-विक्री संघाकडे आढळून येत आहे. त्यापैकी साडेतीनशे शेतकऱ्यांच्या हरभऱ्याची खरेदी झाली आहे. ऑनलाइन नोंदणी केलेल्या हरभरा उत्पादक शेतकऱ्यांकडे पुढे अनेक प्रश्‍न आहेत. शासकीय हमी केंद्राची मुदत शासनाकडून वाढवून मिळेल, या आशेवर अनेक शेतकऱ्यांनी आज, उद्या ऑनलाइन नोंदणी करता येईल असे नियोजन केले होते. काही शेतकऱ्यांनी ऑनलाइन नोंदणीसाठी खरेदी-विक्री संघाच्या यंत्रणेकडे कागदपत्रे सुपूर्द केली होती. मात्र, कागदपत्रे गहाळ झाली असल्याच्या संबंधित यंत्रणेच्या उत्तराने शेतकरी संतप्त झाले आहेत. ऑनलाइन नोंदणी केलेल्या शेतकऱ्यांचाही नाफेडच्या ढिसाळ नियोजनामुळे हरभरा खरेदी होऊ शकला नाही. लाखो क्विंटल हरभरा शेतकऱ्यांच्या घरात विक्रीअभावी पडून आहे. हवामानात बदल झाल्यामुळे साठवून ठेवलेल्या हरभऱ्याला भुंगा लागला आहे. त्यामुळे खुल्या बाजारात अपेक्षित दर मिळत नसल्याने शेतकरी संकाटात सापडले आहेत. ९० टक्के हरभरा शेतकऱ्यांच्या घरात पडून आहे. 

ऑनलाइन नोंदणी असलेल्या हरभरा उत्पादक शेतकऱ्यांना क्विंटलला हजार  रुपये अनुदान देण्याचे शासनाने निश्‍चित  केले आहे. मात्र, हे अनुदान कोणत्या निकषाने शेतकऱ्यांना मिळणार हे मात्र गुलदस्त्यात असल्याने शेतकरी कोंडीत सापडले आहेत.

इतर ताज्या घडामोडी
जळगावात दादरला ३१०० रुपयांपर्यंत दरजळगाव ः कृषी उत्पन्न बाजार समितीमध्ये दादरची (...
भारतीयांच्या पचनसंस्थेतील...भारतीय लोकांच्या पचनसंस्थेमध्ये कार्यरत...
अमरावती विभागाला पाणीटंचाईच्या झळाबुलडाणा : कमी पावसामुळे अमरावती विभागातील...
तूर विक्रीच्या नोंदणीकडे शेतकऱ्यांची...अकोला  : या हंगामात शेतकऱ्यांनी पिकविलेल्या...
शेतकरी, जवान अडचणीत : भुजबळनाशिक : सध्याच्या सरकारच्या काळात देशातील...
दुष्काळात खचू नका, शासन पाठीशी :...सोलापूर : दुष्काळी परिस्थितीमुळे पाणी,...
शेतकऱ्यांच्‍या थकवलेल्या पैशांची...पुणे ः शेतीमालाचा लिलाव झाल्यानंतर २४ तासांत पैसे...
नगर जिल्हा परिषदेचा यंदा ४४ कोटी...नगर : जिल्हा परिषदेत सोमवारी झालेल्या सर्वसाधारण...
नांदेड परिमंडळात सौर कृषिपंप योजनेसाठी...नांदेड ः मुख्यमंत्री सौर कृषिपंप योजनेअंतर्गत...
शेतीमाल तारण योजनेत ४०६ शेतकऱ्यांनी...औरंगाबाद : मराठवाड्यातील जालना, परभणी व हिंगोली...
ऊस उत्पादक शेतकरी देणार शहिदांच्या...कोल्हापूर : पुलवामा जिल्ह्यातील दहशतवादी हल्ल्यात...
तूर खरेदीतील अनागोंदीविरुद्ध आंदोलनअकोला  ः जिल्ह्यातील बार्शीटाकळी तालुक्यात...
'पुलवामा'चा सूत्रधार काश्‍मीरमध्येच?नवी दिल्ली : पुलवामामधील दहशतवादी हल्ल्याचा...
उन्हाळी पिकातील खतांचे व्यवस्थापनउन्हाळी हंगामात प्रामुख्याने भुईमूग, सूर्यफूल,...
केम प्रकल्पाला लागली भ्रष्टाचाराची वाळवीअमरावती : अंमलबजावणीपेक्षा गैरव्यवहार व...
‘पेंच’ लाभक्षेत्रातील शेतकऱ्यांना १३...नागपूर : मध्य प्रदेशातील चौराई प्रकल्पामुळे पेंच...
‘एसटी’साठी जागा आठ हजार अन्‌ अर्ज ४१...सोलापूर : राज्य परिवहन महामंडळात चालक व...
दररोजचा दोनशे टन द्राक्षपुरवठा ठप्पपिंपळगाव बसवंत, जि. नाशिक : जम्मू-काश्‍...
'देशात आयात होणाऱ्या सोयाबीनवर बंदी...पुणे : देशांतर्गत दर वाढत असल्याने...
बांबू उत्पादन, गुंतवणूक संधीसाठी...मुंबई : देशातील बांबू लागवडीला चालना देण्याबरोबरच...