परभणी : यंदाच्या पावसाळ्यात रविवारपर्यंत (ता. १) जिल्ह्यातील २२ तलावांमध्ये २७ टक्के उपयुक्त पाणीसाठा उपलब्ध झाला आहे. अद्याप ७ तलांवातील पाणीसाठा जोत्याखालीच आहे.गेल्या आठवडाभरात पाऊस न झाल्यामुळे अनेक तलावांतील पाणीसाठ्यात घट झाली आहे.
दरम्यान, रविवारी (ता. १) सकाळी जायकवाडी धरणामध्ये २१७० दलघमी (१०० टक्के), माजलगांवमध्ये २२५.१० दलघमी (७२.१५ टक्के), येलदरी धरणात ९५.३८० (११.७८ टक्के), सिद्धेश्वरमध्ये ४४.०७ दलघमी (५४.४२ टक्के), निम्न दुधना प्रकल्पात १८४.०७ दलघमी (७५.९९ टक्के), करपरा मध्यम प्रकल्पात १५.६६८ दलघमी (६३ टक्के), मासोळी मध्यम प्रकल्पात ४.१२२ दलघमी (१५ टक्के), गोदावरी नदीवरील ढालेगाव, मुद्दगल उच्चपातळी बंधाऱ्यात १००, डिग्रस बंधाऱ्यात ६२.५६, मुळी बंधाऱ्यात ५०.१६ टक्के पाणीसाठा उपलब्ध झाला आहे.
गतवर्षी सप्टेंबरअखेर येलदरी धरणांमध्ये १६.७७, सिद्धेश्वरमध्ये ५४.७८, निम्न दुधनात ९६.२२, करपरा आणि मासोळी मध्यम प्रकल्पांत १०० टक्के पाणीसाठा उपलब्ध होता. २२ पैकी १२ लघू तलावांमध्ये १०० टक्के उपयुक्त पाणीसाठा जमा झाला होता.
यंदा अद्यापपर्यंत नखातवाडी, टाकळवाडी, कोद्री, तांदूळवाडी, चिंचोली, आडगाव, दहेगाव या सात तलावांतील पाणीसाठा अद्याप जोत्याखालीच आहे. पेडगाव तलावाध्ये ४२, आंबेगावमध्ये ३३, झरीमध्ये ९९, राणी सावरगावमध्ये ३४, पिंपळदरीमध्ये २६, देवगावमध्ये २८, जोगावाडामध्ये १०, बेलखेडामध्ये ४, वडाळीमध्ये १२, चारठाणामध्ये ४५, केहाळमध्ये ९, भोसीमध्ये ८, कवडामध्ये ३९, मांडवीमध्ये ५८, पाडाळीमध्ये ९५ उपयुक्त पाणीसाठा आहे.
