agriculture news in marathi, straberry plantation started, satara, maharashtra | Agrowon

सातारा जिल्ह्यात स्ट्रॉबेरी लागवडीस प्रारंभ
टीम अॅग्रोवन
गुरुवार, 20 सप्टेंबर 2018

स्ट्रॉबेरी लागवडीच्या कामास सुरवात झाली आहे. रोप निर्मितीस उशीर होत असल्याने लागवड हंगाम लांबणार आहे. पहिल्या टप्प्यात लागवड झालेल्या स्ट्रॅाबेरी दिवाळीदरम्यान उपलब्ध होणार आहे.
- गणपत पार्टे, अध्यक्ष, श्रीराम फळप्रक्रिया सहकारी संस्था, भिलार.

सातारा   ः राज्यभरात गोडव्यासाठी प्रसिद्ध असलेल्या महाबळेश्वर येथील स्ट्रॉबेरी लागवडीस प्रारंभ झाला आहे. जिल्ह्यात या हंगामात सरासरी इतकी म्हणजेच चार ते साडेचार हजार एकर क्षेत्रावर स्ट्रॉबेरी लागवड होईल, असा अंदाज व्यक्त करण्यात येत आहे.

जिल्ह्यात महाबळेश्वर, जावळी, वाई, कोरेगाव, पाटण व सातारा तालुक्‍यांत स्ट्रॉबेरी लागवड केली जाते. सर्वाधिक लागवड महाबळेश्वर तालुक्‍यात होते. त्यानंतर जावळी, वाई, कोरेगाव, सातारा व पाटण या तालुक्‍यांत लागवड केली जाते. प्रत्येक वर्षी साधारणपणे सप्टेंबर महिन्याच्या पहिल्या किंवा दुसऱ्या सप्ताहापासून स्ट्रॉबेरी लागवडीस प्रारंभ होतो. याही हंगामात १५ सप्टेंबरपासून स्ट्रॅाबेरी लागवड सुरू झाली आहे. स्ट्रॅाबेरी रोपे निर्मितीसाठी आवश्यक मातृवृक्ष वेळेत आले होती. मात्र महाबळेश्र्वर यावर्षी मोठ्या प्रमाणात पाऊस झाल्याने रोपे निर्मितीसाठी अडचणी आल्या होत्या. लागवडपूर्व मशागतीच्या कामावेळी पावसाने उघडीप दिल्याने ही कामे आता सुरू आहे. रोपाची निर्मिती अजूनही सुरू असल्याने लागवड काहीकाळ लांबणार असल्याचे शेतकरी सांगत आहेत.

जिल्ह्यात परदेशातून विविध जातींची १२ लाख मातृरोपे आली होती. यापासून सुमारे सहा कोटी रोपनिर्मितीचा अंदाज आहे. तालुक्यात मोठ्या प्रमाणात ग्रीन हाऊस झाली असल्याने यामध्ये रोपांची निर्मिती केली जात आहे. महाबळेश्र्वर तालुक्यात २२०० ते २५०० व इतर सर्व तालुक्यांत १२०० ते १५०० एकर असे एकूण चार ते साडे चार हजार क्षेत्रावर लागवडीचा अंदाज आहे. सध्या स्ट्रॅाबेरी लागवडीस प्रारंभ झाला असून साधारणपणे अॅाक्टोबरअखेर ही लागवड सुरू राहण्याचा अंदाज आहे. यानंतर महाबळेश्र्वरसह इतर तालुक्यांतील अंतिम लागवड स्थिती समजणार आहे.

इतर ताज्या घडामोडी
केळी सल्लाकेळी पिकाची उत्तम वाढ व उत्पादनासाठी सरासरी किमान...
करडईवरील मावा किडीचे नियंत्रणकरडई हे रब्बी हंगामातील प्रमुख तेलबियापैकी...
रताळे उत्पादनवाढीसाठी ओडिशाचा...पेरू येथील आंतरराष्ट्रीय बटाटा केंद्राच्या...
सिंधुदुर्ग जिल्ह्यात गीर, साहिवाल...पुणे : सिंधुदुर्ग जिल्ह्यात दुग्ध आणि कुक्कुट...
औरंगाबाद जिल्ह्यात ४६९७ क्‍विंटल...औरंगाबाद : हमीभावाअंतर्गत औरंगाबाद जिल्ह्यात मका...
मराठवाड्यातील ५६९ गाव-वाड्यांना टॅंकरऔरंगाबाद : मराठवाड्यातील पाणीटंचाईचा सामना...
तुरीला ५००० पर्यंत दर, देशी वाणांना...जळगाव : खानदेशात तुरीची मळणी अनेक भागात सुरू झाली...
टँकरऐवजी पाइपलाइनने पाणीपुरवठा करा :...नागपूर : अपुऱ्या व अनियमित पावसामुळे जिल्ह्यातील...
दिल्लीतील व्यावसायिकांनी फळबागा...नगर : नगर जिल्ह्यामधील पाथर्डी तालुक्‍यातील तीव्र...
सातारा जिल्ह्यातील धरणांत अल्प साठासातारा : जिल्ह्यातील प्रमुख धरणांत गतवर्षीच्या...
नाशिक जिल्हा बँकेत खडखडाट तरी सचिवांना...नाशिक : एकीकडे सभासदांना पुरेशी रक्कम देण्यास...
कर्जमाफीची प्रक्रिया थंडावल्याने...सोलापूर : शेतमालाचे कोसळलेले दर, कर्जमाफी होऊनही...
योग्य पद्धतीने करा दालचिनी काढणीनोव्हेंबर ते मार्च या कालावधीत दालचिनी काढणीचा...
परभणीत फ्लॅावर प्रतिक्विंटल ४०० ते ७००...परभणी ः येथील जुना मोंढा भागातील फळे भाजीपाला...
भाजपची राष्ट्रीय परिषद ११ जानेवारीपासूननवी दिल्ली ः भारतीय जनता पक्षाच्या राष्ट्रीय...
यंत्रमाग १ तर प्रोसेस, सायझिंगला २...मुंबई  ः महाराष्ट्र राज्याचे वस्त्रोद्योग...
अटी, शर्ती काढल्या तरच कर्जमाफीचा फायदा नगर : सरकारच्या चुकीच्या धोरणामुळे कर्ज झाले आहे...
कर्जासाठी शेतकऱ्याचा बॅंकेसमोर मृत्यू...मुंबई : कर्जाच्या मागणीसाठी शेतकऱ्यांना स्टेट...
ग्रामपंचायतीच्या ८०० सदस्यांचे सदस्यत्व...सोलापूर : निवडणूक निकालानंतर सहा महिन्यांच्या आत...
प्रतापगडावर शिवप्रताप दिन उत्साहातसातारा : ढोल-ताशांचा रोमांचकारी गजर, छत्रपती...