agriculture news in Marathi, strawberry planting delay due to rain in satara District, Maharashtra | Agrowon

साताऱ्यात स्ट्रॉबेरी लागवड लांबली
विकास जाधव
सोमवार, 23 ऑक्टोबर 2017

सातारा ः जिल्ह्यातील महाबळेश्वर, वाई, जावली, कोरेगाव येथे परतीच्या पावसामुळे स्ट्रॉबेरी लागवड लांबली आहे. जिल्ह्यात आतापर्यंत एकूण क्षेत्राच्या सुमारे ७० टक्के लागवड झाली असून ऑक्‍टोबरअखेर लागवड सुरू राहण्याचा अंदाज आहे. पावसाच्या अगोदर लागवडी झालेल्या स्ट्रॉबेरी अतिपाण्याने मरीच्या पादुर्भावामुळे २५ टक्के क्षेत्र बाधित झाले असल्याचे शेतकऱ्यांनी सांगितले.

सातारा ः जिल्ह्यातील महाबळेश्वर, वाई, जावली, कोरेगाव येथे परतीच्या पावसामुळे स्ट्रॉबेरी लागवड लांबली आहे. जिल्ह्यात आतापर्यंत एकूण क्षेत्राच्या सुमारे ७० टक्के लागवड झाली असून ऑक्‍टोबरअखेर लागवड सुरू राहण्याचा अंदाज आहे. पावसाच्या अगोदर लागवडी झालेल्या स्ट्रॉबेरी अतिपाण्याने मरीच्या पादुर्भावामुळे २५ टक्के क्षेत्र बाधित झाले असल्याचे शेतकऱ्यांनी सांगितले.

जिल्ह्यात सर्वाधिक सप्टेंबर महिन्यात बहुतांशी स्ट्रॉबेरी लागवडीची कामे उरकली जातात. गतवर्षी उशिरा मातृवृक्ष आल्याने स्ट्रॉबेरी लागवडीस उशीर झाल्याने स्ट्रॉबेरी बाजारात येण्यासाठी उशीर झाला होता. परिणामी गतवर्षी स्ट्रॉबेरीच्या क्षेत्रात घट झाली होती. याही वर्षी कारणे वेगळी असली तरी तशीच परिस्थिती निर्माण झाली आहे. या हंगामासाठी मातृवृक्ष वेळेत शेतकऱ्यांकडे आले असले तरी परतीचा पावसाने झोडपल्याने स्ट्रॉबेरी लागवड हंगाम लांबला आहे.

ऑक्‍टोबर महिना संपत आला तरी सुमारे ३० टक्के लागवड एकट्या महाबळेश्वर तालुक्‍यातील शिल्लक असल्याचा अंदाज आहे. सततच्या पावसामुळे शेतीजमीनीस वाफसा न आल्याने लागवडीसाठी आवश्‍यक असणारी शेतजमीन तयार झाली नाही. याचा परिणाम स्ट्रॉबेरीच्या क्षेत्राला बसण्याची शक्‍यता व्यक्त केली जात आहे.

प्रत्येक वर्षी सरासरी साडेचार हजार एकर क्षेत्रावर लागवड होण्याची शक्‍यता असते. मात्र यामध्ये महाबळेश्वर तालुक्‍यात अडीच ते तीन हजार एकर व इतर वाई, जावली, कोरेगाव, सातारा या चार तालुक्‍यात एक ते दीड हजार एकर क्षेत्रावर लागवड होते. या हंगामात तीन ते साडेतीन हजार एकर क्षेत्रावर लागवड होण्याची शक्‍यता असल्याने असून ७०० ते एक हजार एकर क्षेत्रात घट होण्याची शक्‍यता व्यक्त केली जात आहे.

दिवाळीच्या सणात स्ट्रॉबेरी बाजारात आल्यास चांगला दर मिळतो मात्र या हंगामात उशिरा लागवड व दिवाळी सण १५ दिवस अगोदर आल्याने चांगल्या दरापासून स्ट्रॉबेरी उत्पादक शेतकऱ्यांना वंचित रहावे लागणार आहे. चांगल्या दरासाठी शेतकऱ्यांचे ख्रिसमस नाताळ सणावर विसंबून राहावे लागणार आहे.

स्ट्रॉबेरीचे नुकसान
जिल्ह्यात स्ट्रॉबेरीची ७० टक्के लागवडीची कामे उरकली आहेत. इतर पिकांप्रमाणे परतीच्या पावसाचा स्ट्रॉबेरी पिकासही फटका बसला आहे. मुसळधार पावसामुळे स्ट्रॉबेरीचे पीक पाण्याखाली राहिले, मोठ्या प्रमाणात मरीचा पादुर्भाव झाला आहे. यामुळे लागवड झालेल्या स्ट्रॉबेरीपैकी सुमारे २५ टक्के बाधित होऊन शेतकऱ्यांचे मोठे नुकसान झाले असल्याचे सांगितले जात आहे.

इतर अॅग्रो विशेष
कोकण, दक्षिण- मध्य महाराष्ट्रात आज... पुणे : पश्‍चिम मध्य प्रदेश, मध्य महाराष्ट्र आणि...
जपानमधील शहरी शेतीजपान हे हजारो बेटांपासून तयार झालेले एक विकसित...
कुठे दिलासा, कुठे चिंताराज्यातील शेतकरी परतीच्या पावसाची वाट पाहून थकला...
नाशिक जिल्ह्यातील काही भागाला अवकाळी...नाशिक : नाशिक जिल्ह्यातील अनेक भागात सोमवारी...
सांगलीत वादळी पावसाने द्राक्षबागांचे...सांगली ः द्राक्षाला दर चांगले मिळतील म्हणून लवकर...
अॅग्रोवन सरपंच महापरिषद शनिवारपासून...पुणे  : कृषी, ग्रामविकास आणि जलसंधारण...
अवकाळी पावसाचा पुन्हा तडाखापुणे  ः दक्षिण महाराष्ट्र, मध्य महाराष्ट्र,...
दुष्काळग्रस्तांना मदत, आरक्षणावरून...मुंबई   ः मराठा, मुस्लिम आणि धनगर आरक्षण...
गोड धाटाच्या ज्वारीपासून इथेनॉल नव्हे,...सध्या पेट्रोलसाठी पर्याय म्हणून इथेनॉल...
पिकते तिथेच करा प्रक्रियाहरितक्रांतीच्या काळात देशात साधनसंपत्ती विपुल...
कापूस गाठींचे देशांतर्गत उत्पादन घटणारजळगाव ः कापूस हंगामाच्या दुसऱ्या टप्प्यात...
दुष्काळप्रश्नी विरोधकांचा राज्य सरकारवर...मुंबई : दुष्काळी भागातील शेतकऱ्यांना तातडीने मदत...
वादळी पावसाचा दणकापुणे : कोल्हापूर, सातारा, सांगली जिल्ह्यांत...
कोकण, मध्य महाराष्ट्रात आजही पावसाची...पुणे : पावसाला पोषक हवामान असल्याने राज्यात...
पुरवणी मागण्या : दुष्काळग्रस्तांच्या...मुंबई : हिवाळी अधिवेशनाच्या पहिल्याच दिवशी...
राज्यातील ७४ पाणलोट क्षेत्रांमध्ये अधिक...पुणे  : यंदा कमी पाऊस झाल्याने भूजल...
आयटी क्षेत्रातील नोकरीपेक्षा हिरव्या...शेतीतील विविध संकटांमुळे युवक शेती सोडून नोकरी,...
नवे काश्मीर घडवणारे ‘बसेरा- ए- तबस्सुम'अधिक कदम या कोसेगव्हाण (ता. श्रीगोंदा, जि. नगर)...
पर्यायी चाऱ्यासाठी काटे विरहित निवडूंगमुरमाड, कुरण जमिनी, वालुकामय जमिनी तसेच शेती बांध...
ऊसतोडणीचे काम थांबवले शेतीतून नवी उमेद...शिरूर कासार (जि. बीड) या दुष्काळी तालुक्‍यातील...