agriculture news in marathi, Strong movement in Khedgah for sugarcane bill | Agrowon

केन ॲग्रोच्या ऊस बिलासाठी कडेगावात तीव्र आंदोलन
टीम अॅग्रोवन
सोमवार, 8 ऑक्टोबर 2018

कडेगाव, जि. सांगली : रायगाव (ता. कडेगाव) येथील केन ॲग्रो एनर्जी (इंडिया) लि. साखर कारखान्याने उर्वरित शेतकऱ्यांची थकीत एफआरपी तात्काळ द्यावी, या मागणीसाठी बळिराजा शेतकरी संघटना शनिवारी (ता. ६) येथे तहसील कार्यालयासमोर रणरणत्या उन्हात तब्बल पाच तास धरणे आंदोलन केले.

कडेगाव, जि. सांगली : रायगाव (ता. कडेगाव) येथील केन ॲग्रो एनर्जी (इंडिया) लि. साखर कारखान्याने उर्वरित शेतकऱ्यांची थकीत एफआरपी तात्काळ द्यावी, या मागणीसाठी बळिराजा शेतकरी संघटना शनिवारी (ता. ६) येथे तहसील कार्यालयासमोर रणरणत्या उन्हात तब्बल पाच तास धरणे आंदोलन केले.

केन ॲग्रो कारखान्यावर काही दिवसांपूर्वी बळिराजा शेतकरी संघटना व ऊस उत्पादक शेतकरी यांनी कारखान्यावर ठिय्या आंदोलन केले होते. तेव्हा कारखाना प्रशासनाने कडेगाव तहसीलदार यांच्यासमोर संघटनेला १ ऑक्टोबरपर्यंत उर्वरित शेतकऱ्यांची थकीत एफआरपी देतो असे लेखी आश्वासन दिले होते. परंतु, कारखाना व्यवस्थापनाने अद्यापही बहुतांश शेतकऱ्यांची ऊस बिले दिली नाहीत. त्यामुळे बळिराजा शेतकरी संघटना व शेतकऱ्यांनी तहसील कार्यालयासमोर धरणे आंदोलन केले. या वेळी जोरदार घोषणाबाजी केली. त्यानंतर दुपारी साडेतीन वाजता तहसील कार्यालयात तहसीलदार अर्चना शेटे, कारखान्याचे संचालक धनंजय देशमुख, कारखाना अधिकारी यांच्यासह बळिराजा शेतकरी संघटनेचे अध्यक्ष बी. जी. पाटील यांच्यासह शेतकरी यांच्यात उर्वरित शेतकऱ्यांची थकीत देणी देण्यासाठी जोरदार चर्चा झाली. तसेच शेतकऱ्यांनी आपली कैफियत प्रशासनासमोर मांडली.

या वेळी धनंजय देशमुख म्हणाले, सोमवारपर्यंत (ता. १५) उर्वरित शेतकऱ्यांची थकीत एफआरपीची रक्कम तात्काळ खात्यावर जमा करण्यात येईल. त्यामध्ये कसलीही अडचण येणार नाही, असे आश्वासन तहसीलदार यांचेसह सर्वांसमोर दिले. त्यानंतर संघटना व शेतकऱ्यांनी आजचे आंदोलन स्थगित केले. या वेळी बळिराजा शेतकरी संघटनेचे अध्यक्ष बी. जी. पाटील, सातारा जिल्हाध्यक्ष साजीद मुल्ला, केन ॲग्रोचे संचालक धनंजय देशमुख, तहसीलदार अर्चना शेटे, नायब तहसीलदार राजेंद्र यादव यांच्यासह कडेगाव, पलूस तालुक्यासह सातारा जिल्ह्यातील शेतकरी व संघटनेचे पदाधिकारी उपस्थित होते.

केन ॲग्रो साखर कारखाना व्यवस्थापनाने उर्वरित शेतकऱ्यांची थकीत देणी देण्यासाठी कडेगाव तहसील कार्यालयासमोर आंदोलन केले. या वेळी तहसीलदार यांच्यासमोर कारखाना प्रशासनाने सोमवारी (ता. १५) उर्वरित शेतकऱ्यांची थकीत एफआरपीची रक्कम तात्काळ खात्यावर जमा करण्यात येईल, असे आश्वासन दिले आहे. जर सोमवारी शेतकऱ्यांच्या खात्यावर पैसे जमा झाले नाही. तर मंगळवारी (ता. १६) सांगली येथे जिल्हाधिकारी कार्यालयासमोर बळिराजा शेतकरी संघटना व शेतकरी आत्मदहन करणार आहे.- बी. जी. पाटील, अध्यक्ष - बळिराजा शेतकरी संघटना

 

इतर बातम्या
संत्रा पिकाबाबतच्या उपाययोजनांचा अहवाल...नागपूर  ः संत्रा उत्पादकांचे आर्थिक हित...
सूक्ष्म सिंचन विस्तारातील अडचणी, पर्याय...औरंगाबाद   : औरंगाबाद येथे आयोजित...
नंदुरबार, धुळ्यात पपई काढणी बंदनंदुरबार  : पपईच्या दरावरून शेतकरी, व्यापारी...
‘ई- टेंडरिंग’ रेशीम उत्पादकांच्या मुळावरपुणे  ः राज्यात पाणीटंचाईमुळे सर्वत्र...
आंदोलनामुळे शेतकऱ्यांना मिळाले ७४...पुणे  : साखर आयुक्तालयासमोर गेल्या तीन...
रोहित पवार यांनी वाढवला नगर जिल्ह्यात... नगर : कर्जत-जामखेड विधानसभा मतदारसंघात मरगळ...
लोणार तालुक्यात कडाक्याच्या थंडीमुळे...बुलडाणा : जिल्ह्यात द्राक्ष शेती टिकवून ठेवण्यात...
...त्या दिवशी घरातलं कुणी जेवलं नायसुपे, जि. पुणे : एकच बैल होता. चितऱ्या...
किमान तापमानात वाढ होण्याची शक्यतापुणे  : राज्याच्या किमान तापमानात वाढ...
सावित्रीबाई फुले पुणे विद्यापीठाला जगात...पुणे - द टाइम्स हायर एज्युकेशनने जाहीर...
यंदा पाऊस, पीकपाणी समाधानकारक :...सोलापूर  ः यंदा पावसाचे प्रमाण पुरेसे राहील...
पहाटे, रात्री थंडीचे प्रमाण अधिक राहीलमहाराष्ट्राच्या सह्याद्री पर्वत रांगावर १०१४...
पाणंद रस्त्यांची निविदा प्रक्रिया सुरू अकोला : शासनाच्या पाणंद रस्ते योजनेतून...
`साखर उद्योगातील संघटित गुन्हेगारी...मुंबई : गेल्या वर्षीच्या हंगामातील ७०-३०...
शासकीय दूध डेअरीत अमोनियाची गळतीअकोला : येथील मूर्तिजापूर मार्गावर असलेल्या...
कृषी योजनेतील विहिरींनाही दुष्काळाचा...धुळे : अत्यल्प पावसामुळे खानदेशात विहिरींनी...
नागपुरात `जलयुक्‍त`चा निधी आटलानागपूर : फडणवीस सरकारची महत्त्वाकांशी योजना...
मराठवाड्याची ७६२ कोटींची अतिरिक्‍त...औरंगाबाद ः शासनाने कळविलेल्या आर्थिक मर्यादेच्या...
नत्राच्या कार्यक्षम वापरासाठी सेन्सरचा...कृषी क्षेत्रातून होणाऱ्या नत्रांच्या प्रदूषणाची...
बळिराजाच्या हाती पुन्हा ‘लोखंड्या नांगर’गणूर, जि. नाशिक : शेतमालाला मिळणारे कवडीमोल भाव,...