पुणे ः पुणे बाजार समितीमधील वाढलेले व्यवहार आणि पायाभूत सुविधांवर आलेल्या ताणांमुळे बाजाराचे विकेंद्रिकरण करण्यासाठी खेड शिवापूर येथे उपबाजार उभारण्याचा निर्णय बाजार समिती प्रशासनाने घेतला आहे.
सुमारे ५ एकर जागेवर २५ काेटी रुपये खर्चून अत्याधुनिक सुविधांयुक्त उपबाजार विकसित करण्यात येणार आहे. शेतकरी ते ग्राहक असा हा शेतकरी बाजार असणार आहे, अशी माहिती समितीच्या प्रशासकीय मंडळाचे अध्यक्ष दिलीप खैरे यांनी दिली.
श्री. खैरे म्हणाले, ‘‘खेड शिवापूर येथे माजी सभापती दिवंगत शिवाजीराव काेंडे यांनी पाच एकर जागा उपबाजारासाठी संपादित केली हाेती. मात्र अनेक वर्षांपासून हा बाजार आवार विकसित झाला नव्हता. पुणे बाजार समितीमधील वाढलेली आवक, व्यवहारांमुळे सध्याचे मुख्य आवार कमी पडत असून, पायाभूत सुविधांवर ताण येत आहे.
यामुळे मुख्य बाजार आवारावरील ताण कमी करण्याबराेबरच भाेर, वेल्हा, पुरंदर तालुक्यासह सांगली, सातारा, काेल्हापूर, कराड आणि कर्नाटक राज्यातील शेतमालासाठी खेड शिवापूर येथे उपबाजार विकसित करण्याचा निर्णय बाजार समितीने घेतला आहे. लवकरच उपबाजाराचा विकास आराखडा पणन संचालकांकडे मान्यतेसाठी पाठविण्यात येणार आहे. १२(१)च्या परवानगीनंतर कामाला तातडीने सुरवात केली जाईल.’’
उपमुख्यप्रशासक भूषण तुपे म्हणाले, ‘‘मांजरी उपबाजार आवाराच्या धर्तीवर शेतकरी बाजार खेड शिवापूर येथे विकसित करण्याचा प्रयत्न आहे. याठिकाणी शेतकरी ते ग्राहक आणि खरेदीदार असा थेट व्यवहार हाेणार आहे. या वेळी उपमुख्य प्रशासक भूषण तुपे, बाजार समितीचे सचिव डॉ. पी. एल. खंडागळे उपस्थित हाेते.
असा असेल बाजार आवार
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.