agriculture news in marathi, subhsh deshmukh says loan wavier scheme will continue, solapur, maharashtra | Agrowon

कर्जमाफीचा अर्ज आता तालुका निबंधकांकडे करा
टीम अॅग्रोवन
मंगळवार, 19 जून 2018

सोलापूर ः शेतकऱ्यांसाठी जाहीर केलेल्या कर्जमाफीसाठी अर्ज करण्यास वारंवार मुदतवाढ दिली. शिवाय त्याची व्याप्तीही वाढवली. त्यामुळे कर्जमाफीची प्रक्रिया अद्याप पूर्ण होऊ शकलेली नाही. पण अद्यापही कोणी अर्ज भरला नसेल आणि ऑनलाइन मुदत संपली असली, तरी तालुका स्तरावरील सहायक निबंधकांकडे अर्ज करावा, जोपर्यंत पात्र शेतकरी येतील, तोपर्यंत ही योजना चालूच राहील,’’ असे सहकार व पणनमंत्री सुभाष देशमुख यांनी सांगितले.

सोलापूर ः शेतकऱ्यांसाठी जाहीर केलेल्या कर्जमाफीसाठी अर्ज करण्यास वारंवार मुदतवाढ दिली. शिवाय त्याची व्याप्तीही वाढवली. त्यामुळे कर्जमाफीची प्रक्रिया अद्याप पूर्ण होऊ शकलेली नाही. पण अद्यापही कोणी अर्ज भरला नसेल आणि ऑनलाइन मुदत संपली असली, तरी तालुका स्तरावरील सहायक निबंधकांकडे अर्ज करावा, जोपर्यंत पात्र शेतकरी येतील, तोपर्यंत ही योजना चालूच राहील,’’ असे सहकार व पणनमंत्री सुभाष देशमुख यांनी सांगितले.

श्री. देशमुख यांनी सोमवारी (ता. १८) येथे पत्रकारांना केंद्र शासनाला चार वर्षे पूर्ण झाल्याबद्दल शासनाच्या विविध विकासकामांची माहिती दिली. श्री. देशमुख म्हणाले, की केंद्र व राज्य शासनाने आतापर्यंतची सर्वोच्च कामगिरी केली आहे. सामान्य माणसांच्या गरजा लक्षात घेऊन काम केले आहे. प्रत्येक योजनेचा, अभियानाचा पद्धतशीर आराखडा आखून कामे केली. त्यामुळेच आज एका नव्या दिशेने देश चालल्याचे आपल्याला दिसते. देश बदलणे ही एक प्रक्रिया आहे, ती एका दिवसात होऊ शकणार नाही. त्याला वेळ लागेल, आता त्या दिशेने वाटचाल सुरू आहे. जीएसटी किंवा डिजिटलायझेशन हे या टप्प्यातील महत्त्वाचे निर्णय आहेत. त्याचे परिणाम दिसू लागतील.

शेतकरी हा केंद्रबिंदू मानून कर्जमाफी योजना आणली. त्यासाठी अजूनही वेळ गेलेला नाही. राहिलेल्या शेतकऱ्यांनी तातडीने अर्ज करावेत. शेतकऱ्यांचे उत्पन्न दुप्पट करण्याच्या दृष्टीने आम्ही प्रयत्न सुरू केले आहेत. त्याचाच भाग म्हणून यंदा केंद्राने कृषीसाठी ११ लाख कोटी रुपयांचे बजेट ठेवले. शेतीमालाच्या बाजारपेठेसाठी पायाभूत सुविधा निर्माण करण्याच्या हेतूने दोन हजार कोटी रुपयांचा निधी ठेवला आहे. डाळींच्या बफर स्टॉकची मर्यादा दीड लाख टनांवरून २० लाखांवर वाढवली आहे. त्याशिवाय २८.५ लाख हेक्‍टर क्षेत्र सिंचनाखाली आणण्याचे नियोजन आहे. ई-नामच्या माध्यमातून ५८५ मार्केट विकसित करण्यात आली आहेत. जवळपास ८७ लाख ५ हजार शेतकऱ्यांची नोंदणी त्यासाठी झालेली आहे, असेही श्री. देशमुख म्हणाले.

`बाजार समिती, डीसीसीच्या कारवाईत माझा संबंध नाही`
सोलापूर बाजार समितीच्या तत्कालीन संचालकांवर कारवाई आणि जिल्हा बॅंकेच्या बरखास्तीच्या प्रश्‍नावर सहकारमंत्री देशमुख यांनी यात थेट माझा काहीही संबंध नाही, असे स्पष्ट करून बाजार समितीचे तक्रारदार तत्कालीन काँग्रेसचे नेतेच आहेत. त्या तक्रारीवर आता कारवाई झाली इतकंच आणि जिल्हा बॅंकेच्या संचालक मंडळाची बरखास्ती मी नव्हे, रिझर्व्ह बॅंकेच्या शिफारशीनुसार झाली आहे. मी कधीही सुडाचे राजकारण केलेले नाही. त्यामुळे या दोन्ही विषयांशी माझा संबंध नाही, असेही मंत्री देशमुख म्हणाले.

इतर ताज्या घडामोडी
कृषी सल्ला : पेरू, गहू, हरभरा, डाळिंब,...पेरू - फळमाशीच्या नियंत्रणासाठी प्रतिएकर ४ रक्षक...
कमाल तापमानात वाढ, उन्हाळी हंगामाला...महाराष्ट्रावर १०१२ हेप्टापास्कल इतका कमी हवेचा...
पलटी नांगर, रोटाव्हेटरचे अनुदान वाढणार...जळगाव : जिल्हा परिषदेच्या आगामी अंदाजपत्रकात (...
ढगाळ वातावरणाचा द्राक्ष खरेदीवर परिणामपांगरी, जि. सोलापूर : गेल्या दोन दिवसांपासून...
जमीन अधिग्रहणाला शेतकऱ्यांचा विरोधनाशिक : नाशिक-पुणे रेल्वे लाईनच्या महाराष्ट्र रेल...
तुमच्या आग्रहापुढे मी नाही कसे म्हणू...टेंभूर्णी, जि. सोलापूर : सोलापूर जिल्ह्यातील...
शिराळ्यातील गूळ हंगाम अवघ्या तीन...सांगली ः शिराळा तालुक्यातील दरवर्षी पाच ते साडे...
आठ दिवसांत पूर्ण एफआरपी द्या; अन्यथा...सातारा ः सांगली, कोल्हापूर जिल्ह्यातील साखर...
अडत्यांवरील कारवाईला प्रशासकांचीच...पुणे ः खरेदीदार आणि शेतकऱ्यांकडून नियमबाह्य...
छावण्यांच्या मंजुरीसाठी शिवसेनेचा ठिय्यानगर : जिल्ह्यात पशुधनाला दिलासा देण्यासाठी...
जालन्यातील कृषी माल निर्यात सुविधा...जालना : येथील कृषी उत्पन्न बाजार समितीच्या...
पैठण तालुक्यातील पिकांना अवकाळीचा फटकाचितेगाव, जि. औरंगाबाद : विजेच्या कडकडाट व वादळी...
परभणी जिल्ह्यातील ‘शेतकरी सन्मान निधी’...परभणी ः पंतप्रधान शेतकरी सन्मान निधी...
पाकिस्तान युद्धाच्या तयारीत,...श्रीनगर : काश्‍मीरमधील पुलवामा येथे दहशतवादी...
कृषी सल्ला : वाल, आंबा, काजू, नारळ,...वाल काढणी अवस्था वाल पिकाची काढणी जसजशा शेंगा...
तेल्हारा, अकोट तालुक्यांत अवकाळी पाऊस;...अकोला : जिल्ह्यात तेल्हारा, अकोट तालुक्यांत...
ढगाळ वातावरणामुळे शेतकरी चिंतेत जळगाव : मागील दोन-तीन दिवसांपासून खानदेशात ढगाळ,...
अमरावती जिल्ह्यात सव्वालाख शेतकऱ्यांची...अमरावती : पंतप्रधान किसान सन्मान योजनेतील दोन...
माथाडी कामगारांच्या आंदोलनामुळे गूळ...कोल्हापूर ः माथाडी कामगारांनी जादा वेळ काम...
जायकवाडी पाटबंधारे विभाग क्रमांक...परभणी ः परभणी येथील जायकवाडी पाटबंधारे विभाग...