शेतकऱ्यांचे अनुदान तातडीने खात्यात जमा करा

बुलडाणा ः मोताळा तहसीलदारांना निवेदन देताना स्वाभिमानी शेतकरी संघटनेचे पदाधिकारी.
बुलडाणा ः मोताळा तहसीलदारांना निवेदन देताना स्वाभिमानी शेतकरी संघटनेचे पदाधिकारी.

बुलडाणा ः मोताळा तालुक्यातील महाल पिंप्री शिवारातील शेतकरी गारपीट, पीकविम्यापासून वंचित असून त्यांची रक्कम तातडीने त्यांच्या खात्यात जमा करावी, अशी मागणी स्वाभिमानी शेतकरी संघटनेने केली अाहे.

संघटनेच्या विद्यार्थी अाघाडीचे जिल्हाध्यक्ष पवन देशमुख यांनी तहसिलदारांना निवेदन देत आठ दिवसांत रक्कम जमा न झाल्यास तहसील कार्यालयात बैठा सत्याग्रह करण्याचा इशारा दिला अाहे. मोताळा तालुक्यातील महाल पिंप्री येथील दोनशे शेतकऱ्यांच्या खात्यात अद्यापही २०१४-१५ यावर्षांत झालेल्या गारपिटीची नुकसान भरपाई, २०१५-१६ च्या हंगामातील पीक विम्याचे अनुदान जमा झालेले नाही. पवन देशमुख यांच्यासह शेतकऱ्यांनी मोताळा तहसीलदारांची भेट घेवून निवेदन दिले.

लाभार्थी शेतकऱ्यांच्या याद्या तलाठ्यांनी तहसीलकडे पाठविल्या; मात्र आपल्या तहसीलस्तरावरून सदर कामास विलंब होत असल्याची बाब निदर्शनास अाणून देण्यात अाली. येत्या आठ दिवसांत सर्व शेतकऱ्यांच्या अनुदानाची रक्कम त्यांच्या खात्यावर जमा न झाल्यास तहसील कार्यालयात ठिय्या आंदोलन करण्यात येईल, असा इशाराही देण्यात अाला. या वेळी सय्यद वसीम, प्रदिप शेळके, महेंद्र जाधव, गोपाल खोंदले व टाकरखेड येथील शेतकरी मोठ्या संख्येने उपस्थित होते.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com