agriculture news in marathi, Success story of cotton grower Atul Madhukar patil from kerhale, Raver, Jalgaon | Agrowon

बोंड अळीच्या चक्रव्यूहात साधले देशी कापसाचे गुणवत्तापूर्ण उत्पादन
चंद्रकांत जाधव 
सोमवार, 30 एप्रिल 2018

जळगाव ः केळीचे आगार म्हणून प्रसिद्ध असलेल्या रावेर तालुक्‍यातील केऱ्हाळे बुद्रुक येथील अतुल मधुकर पाटील यांनी गुलाबी बोंड अळीच्या चक्रव्यूहात देशी कापसाचे सरासरी उत्पादन साधले आहे. बोंड अळीमुळे जिल्ह्यातील इतर भागात पूर्वहंगामी कापसाचे क्षेत्र जानेवारीतच रिकामे करण्याची वेळ आली. पण अतुल यांच्या कापसाच्या पिकात अजूनही म्हणजेच एप्रिलच्या मध्यापर्यंत वेचणी सुरू आहे. लांब धाग्याचा गुणवत्तापूर्ण कापूस त्यांनी घेतला असून, त्याला दरही अधिक मिळतील, अशी स्थिती आहे. 

जळगाव ः केळीचे आगार म्हणून प्रसिद्ध असलेल्या रावेर तालुक्‍यातील केऱ्हाळे बुद्रुक येथील अतुल मधुकर पाटील यांनी गुलाबी बोंड अळीच्या चक्रव्यूहात देशी कापसाचे सरासरी उत्पादन साधले आहे. बोंड अळीमुळे जिल्ह्यातील इतर भागात पूर्वहंगामी कापसाचे क्षेत्र जानेवारीतच रिकामे करण्याची वेळ आली. पण अतुल यांच्या कापसाच्या पिकात अजूनही म्हणजेच एप्रिलच्या मध्यापर्यंत वेचणी सुरू आहे. लांब धाग्याचा गुणवत्तापूर्ण कापूस त्यांनी घेतला असून, त्याला दरही अधिक मिळतील, अशी स्थिती आहे. 

अतुल यांच्याकडे ५० एकर शेती आहे. ते दरवर्षी १० एकरात कापसाची लागवड करतात. केळी घेऊन रिकाम्या झालेल्या क्षेत्रात बेवड म्हणून मागील आठ वर्षे कापसाच्या देशी सुधारित बियाण्याची लागवड ते करीत आहेत. यंदा पिंप्री शिवारात देशी सुधारित बियाण्याची १० एकरात लागवड केली होती. जमीन मध्यम स्वरूपाची आहे. पलटी नांगराने खोल नांगरणी करून नंतर जमीन भुसभुशीत केली होती. पाच बाय सव्वा फुटावर ९ जून २०१७ ला लागवड केली. इनलाइन ड्रीप सिंचनासाठी टाकली. 

लागवडीनंतर २५ दिवसांत एकरी एक गोणी डीएपी व एक गोणी २०.२६.२६ रासायनिक खत (बेसल डोस) दिले. नंतर बेसल डोस म्हणून ५० दिवसात एकरी २५ किलो युरिया व २५ किलो पोटॅश, १० किलो सल्फर, पाच किलो झिंक आणि पाच किलो फेरस दिले. नंतर डिसेंबरपर्यंत दर १८ दिवसांनी सूक्ष्म अन्नद्रव्ये ड्रीपमधून दिली. तीनदा शेंडे खुडले. कारण वाढ जोमात होती. तरीही किमान आठ फुटांपर्यंत झाडांची वाढ झाली. 

नोव्हेंबरमध्ये वेचणी सुरू झाली. डिसेंबरमध्ये गुलाबी बोंड अळीचा किरकोळ प्रकोप होता. लागलीच प्रिव्हेंटीव कार्यक्रम राबवून फवारण्या घेतल्या. या अळीच्या प्रकोपात या भागातील इतर शेतकऱ्यांना बीटी कापसाचे पीक मोडावे लागले. पण अतुल यांचे कापसाचे पीक डिसेंबरमध्ये हिरवेगार दिसत होते. यामुळे या कापसाची फरदड (दुसरा बहार) घेण्याचा निर्णय अतुल यांनी घेतला. पहिल्या वेचणीला जेवढा कापूस आला नाही तेवढा नंतरच्या वेचणीला आला. जानेवारीच्या अखेरीस वेचणी सुरू झाली. १५ एप्रिल २०१८ पर्यंत वेचणी सुरू राहिली. 

एकरी १५ क्विंटल उत्पादन त्यांनी मिळविले आहे. कापसाचा दर्जा चांगला आहे. बोंडे व्यवस्थित उमलल्याने वेचणीला मजुरांना त्रास झाला नाही. किडका कापूस कुठे दिसत नाही. त्याचे प्रमाण सुमारे तीन टक्केच आहे. कापसाचा दर्जा चांगला असल्याने दरही चांगला मिळेल. अजून कापूस विकलेला नाही. या कापसाचे क्षेत्र रिकामे झाल्यानंतर त्यावर ऊतिसंवर्धित केळी रोपांची लागवड करण्याचे नियोजन केले आहे, असे अतुल म्हणाले.

मी देशी कापसाचे उत्पादन मागील आठ वर्षे घेत आहे. केळीसाठी चांगले बेवड म्हणून देशी कापूस वाणांची लागवड करतो. यंदा उत्पादन बऱ्यापैकी आले. एकरी १८ ते १९ क्विंटल उत्पादन मी देशी कापसाचे घेतले आहे. यंदाही एकरी १५ क्विंटलपर्यंत उत्पादन हाती आले. बोंड अळीचे प्रमाण अतिशय कमी होते. 
- अतुल पाटील, कापूस उत्पादक, केऱ्हाळे बुद्रुक, 
ता. रावेर, जि. जळगाव

इतर अॅग्रो विशेष
बांधावर फुलवा ‘हिरवं सोनं’ण्याचा अभाव, मजूरटंचाई, मजूर व निविष्ठांचे...
आधुनिक सेवेसोबत ग्राहकांना हवा विश्‍वास संपूर्ण जगात अग्रेसर असलेल्या आधुनिक बॅंकिंग...
'शेतकऱ्यांना दिलासा देणारे निर्णय लवकरच...नवी दिल्ली  : समस्याग्रस्त शेती क्षेत्र आणि...
नंदुरबार, धुळ्यात पपई काढणी बंदनंदुरबार  : पपईच्या दरावरून शेतकरी, व्यापारी...
...त्या दिवशी घरातलं कुणी जेवलं नायसुपे, जि. पुणे : एकच बैल होता. चितऱ्या...
किमान तापमानात वाढ होण्याची शक्यतापुणे  : राज्याच्या किमान तापमानात वाढ...
सावित्रीबाई फुले पुणे विद्यापीठाला जगात...पुणे - द टाइम्स हायर एज्युकेशनने जाहीर...
पीक फेरपालटीवर भर देत श्रीमंती केळीचे...कलाली (ता. अमळनेर, जि. जळगाव) येथील योगेश व मनोज...
बळिराजाच्या हाती पुन्हा ‘लोखंड्या नांगर’गणूर, जि. नाशिक : शेतमालाला मिळणारे कवडीमोल भाव,...
दराच्या प्रतीक्षेतील कांद्याला फुटले...वडेल, जि. नाशिक :  आज ना उद्या दर वाढला, की...
पोटदुखीवर कडू कंद उपयुक्त कडू कंद ही वेलवर्गीय वनस्पती असून...
शिरूर ठरले मुगासाठी हक्काची बाजारपेठपुणे जिल्ह्यात शिरूर बाजार समिती ही मुगासाठी...
तहात अडकले ‘ब्रेक्झिट’युरोपीय महासंघातून बाहेर पडायचे अथवा नाही, या...
साखरेच्या कमी दराची शिक्षा ऊस...ऊस दराच्या बाबतीत कधी नव्हे एवढी आर्थिक कोंडी या...
बायोडायनॅमिक पद्धतीने कमी काळात कंपोस्ट...बायोडायनॅमिक तंत्रज्ञान हे मूलत: भारतीय वेदांवर...
पाने कुरतडणाऱ्या मुंग्यांकडूनही होते...उष्ण कटिबंधीय जंगले हे नायट्रस ऑक्साईड या हरितगृह...
पणन सुधारणेतील दुरुस्तीला शेतकरी...मुंबई ः महाराष्ट्र कृषी उत्पन्न पणन (विकास व...
ताराराणी महोत्सवातून घडली उद्यमशीलता,...कोल्हापूर जिल्हा परिषद व पंचायत राज विभागाच्या...
कृषी निविष्ठा अनुदानासाठी ‘ऑनलाइन'ची...पुणे : राज्यात कृषी विभागाच्या योजनांमधील विविध...
'आयमा'ची होतेय मुस्कटदाबी; मोठ्या...पुणे : ट्रॅक्टर, हार्वेस्टर, रोटाव्हेटरसारख्या...