Agriculture News in Marathi, sugar factories delared purchase price of sugarcane, Kolhapur district | Agrowon

कोल्हापुरातील कारखान्यांचा पहिला हप्ता तीन हजार रुपयांवर
टीम अॅग्रोवन
सोमवार, 13 नोव्हेंबर 2017
कोल्हापूर : कारखानदार व शेतकरी संघटनांमध्ये ऊस दर प्रश्‍नी तोडगा निघाल्यानंतर सप्ताहाच्या आतच जिल्ह्यातील बहुतांशी साखर कारखान्यांनी पहिला हप्ता विनाकपात ३००० रुपये इतका जाहीर केला.
 
कोल्हापूर : कारखानदार व शेतकरी संघटनांमध्ये ऊस दर प्रश्‍नी तोडगा निघाल्यानंतर सप्ताहाच्या आतच जिल्ह्यातील बहुतांशी साखर कारखान्यांनी पहिला हप्ता विनाकपात ३००० रुपये इतका जाहीर केला.
 
बैठकीत एफआरपी अधिक १०० रुपये पहिला हप्ता व दोन महिन्यांनंतर शंभर रुपये कारखान्यांनी द्यावेत, असा समझोता झाला होता. पण अनेक कारखान्यांनी ‘एफअारपी’बरोबरच २०० रुपयेच एकाच वेळी दिले आहेत. यामुळे बैठकीत शंभर रुपये नंतर देण्याचे ठरूनही कारखान्यांनी ही रक्कम एकत्रच दिली आहे. कारखान्यांकडे पैसे द्यायची तयारी होती तर हप्ता जाहीर करायला टाळाटाळ का केली, असा सवाल आता उपस्थित होत आहे. 
 
जिल्ह्यातील साखर उतारा सरासरी ११ ते १३ एवढा अाहे. साखर उताऱ्यानुसार २७०० ते २९०० रुपयांपर्यंत एफआरपी दिली जाते. यामध्ये २०० रुपये जास्तीचे घालून पहिला हप्ता ३००० किंवा त्यापेक्षा २५ ते ५० रुपयांनी जास्त अशा बेताने आपल्या पहिल्या उचली जाहीर केल्या आहेत.
 
ज्यावेळी शेतकरी संघटनांची व कारखानदारांची बैठक झाली, त्यावेळी कारखानदारांतही दोन गट दिसले. काही कारखाने ३००० रुपयांपेक्षा जास्त दर देण्यास तयार होते. पण इतर कारखानदारांनी त्यांना विरोध करून चर्चेचे गुऱ्हाळ सुरू ठेवले. तुम्ही तयार असला तरी ‘स्वामिभानी’ने दर मागितला म्हणून तो दिल्यास स्वाभिमानी शेतकरी संघटनेला याचे श्रेय जाईल, या शक्‍यतेने कारखान्यांनी शक्‍य असतानाही कमी दरास मान्यता दिली.
 
‘स्वाभिमानी’ने कारखानदारांचा प्रस्ताव मान्य केल्यानंतर मागितलेल्या दरामुळे खूपच खाली येऊन संघटनेने तडजोड केली, असा आरोप संघटनेवर झाला. याच कालावधीत कारखान्यांनी ३००० व त्याही पेक्षा काही रक्कम जादा देत पहिला हप्ता जाहीर केला. आम्ही दर इतकाच देणार होतो. यात स्वाभिमानी शेतकरी संघटनेचा संबंधच काय? असा सवाल करीत कारखानदारांनी संघटनेला जादा दराचे श्रेय न देण्याचा प्रयत्न केला आहे.
 
स्पर्धेतून जादा दर 
अनेक कारखान्यांनी यंदाचा ऊस हंगाम पाहाता जादा दर देऊन ऊस उत्पादकांना आपल्याकडे खेचण्याचे नियोजन केले आहे. यामुळे पहिला हप्ता जरी ३००० रुपये जाहीर केला, तर जसा हंगाम पुढे सरकेल त्या प्रमाणात काही कारखाने उशिरा तुटलेल्या उसासही जादा दर देण्याचा विचार करीत असल्याची माहिती या उद्योगातील सूत्रांनी दिली.
 
हंगामाचा अंदाज घेऊन कारखाने पूर्ण क्षमतेने चालविण्यासाठी मातब्बर कारखाने टनास आणखी १०० रुपयांपर्यंत देण्याची शक्‍यताही वर्तविण्यात येत आहे. याचा फायदा प्रामुख्याने आडसाली उसाला होण्याची शक्‍यता आहे. जानेवारी, फेब्रुवारीत तुटणाऱ्या उसाला पहिला हप्ता किमान ३२०० रुपयांपर्यंत मिळण्याची शक्‍यता साखर उद्योगातील सूत्रांनी व्यक्त केली.
टॅग्स

इतर अॅग्रो विशेष
दुष्काळी परिस्थितीतून जनतेला बाहेर...पंढरपूर : राज्यातील दुष्काळी परिस्थितीतून जनतेला...
पडला सत्याचा दुष्काळ, बहू झाला घोळराज्याचे मुख्यमंत्री देवेंद्र फडणवीस यांनी २३...
चारा नियोजनातील ‘दुष्काळ’राज्यात आजपासून हिवाळी अधिवेशन सुरू होणार आहे....
मोहोळमध्ये ‘हुमणी‘ने १७ हजार एकरांचे...मोहोळ, जि. सोलापूर : तालुक्‍यातील सात महसुली...
पॉलिथिन पिशव्यांचा वापर थांबविण्याचे...पुणे   : राज्यातील कृषी तसेच वन विभागातील...
ढगाळ हवामानामुळे थंडी गायब; आजही...पुणे : अरबी समुद्रात असलेल्या तीव्र कमी दाब...
तमिळनाडूच्या धर्तीवर मराठा समाजाला...मुंबई : मूळ आरक्षणाला धक्का न लावता तमिळनाडूच्या...
ब्लॉक प्रिंटिंग व्यवसायातून आर्थिक...पूर्व विदर्भातील भंडारा, वर्धा या जिल्ह्यांत...
दुष्काळग्रस्तांना सरसकट हेक्टरी ५० हजार...मुंबई : राज्यात यंदा १९७२ पेक्षाही भयंकर...
दूध अनुदान योजनेस ३१ जानेवारीपर्यंत...पुणे : राज्यात उत्पादित होणाऱ्या (पिशवी बंद...
आता कोठे धावे मन । तुझे चरण देखलिया...पंढरपूर, सोलापूर (प्रतिनिधी) :  आता कोठे...
मराठवाड्यात रब्बीची केवळ १९ टक्‍केच...औरंगाबाद : मराठवाड्यात यंदा दुष्काळाची छाया किती...
केळीच्या आगारातून आखातात जाणार ४००...जळगाव ः केळीचे आगार असलेल्या जळगाव जिल्ह्यातून...
महाकॉट ब्रॅण्डची चमक पडली फिकीजळगाव ः पूर्व विदर्भ, उत्तर मराठवाडा व खानदेशातील...
शेतीला मिळाली पूरक उद्योगाची साथअंबाणी (जि. सातारा) येथील सौ. सुरेखा पांडुरंग...
दक्षिण कोकण, पश्‍चिम महाराष्ट्रात आज...पुणे : दक्षिण भारतामध्ये असलेल्या ‘गज’...
अभ्यास अन् नियोजनातून शेती देते समाधाननाशिक शहरातील प्रख्यात हृदयरोगतज्ज्ञ डॉ. अनिरुद्ध...
‘सीसीआय’ची कापूस खरेदी मंगळवारपासून...जळगाव : कापूस खरेदीसंबंधी जिनिंगमध्ये केंद्र...
दुष्काळ, मराठा आरक्षण अधिवेशनात गाजणारमुंबई : उद्यापासून (ता. १९) मुंबईत सुरू होत...
शेतकऱ्यांच्या विधवांचे २१ला मुंबईत...मुंबई : देशभरात विविध शेतकऱ्यांचे मोर्चे...