agriculture news in marathi, sugar factories from karnatka ignores to pay arrears, Maharashtra | Agrowon

कर्नाटकातील कारखान्यांकडून ऊस बिले देण्यास टाळाटाळ
टीम अॅग्रोवन
रविवार, 9 सप्टेंबर 2018

कर्नाटकातील एका साखर कारखान्याला माझ्याकडील ४०० टन ऊस गाळपाला गेला. पहिला ॲडव्हान्स वेळेत मिळालाच नाही. चार महिन्यांनी प्रतिटनाला २ हजार रुपये ॲडव्हान्स दिला. अजून ३ लाख रुपये कारखान्याकडून येणे बाकी आहे. कारखान्याच्या चुकीच्या धोरणामुळे शेतकरी मोठ्या आर्थिक संकटात सापडले आहेत. 
- हणमंतराव गायकवाड, सरपंच, संतोषवाडी, ता. मिरज, जि. सांगली

सांगली ः मिरज पूर्व भागापासून कर्नाटकातील साखर कारखाने जवळ अंतरावर आहेत. हंगामात या कारखान्यांना ऊस लवकर गाळपाला देऊन पुढील पीक घेण्यासाठी शेतकरी नियोजन करीत असतात. गत हंगामात मिरज पूर्व भागातील शेतकऱ्यांनी कर्नाटकातील साखर कारखान्यांना ऊस दिला. मात्र ऊस गाळपाला गेल्यानंतर चार महिन्यांनी या कारखान्यांनी शेतकऱ्यांना पहिली उचल दिली. उर्वरित रक्कम अद्यापही मिळालेली नाही.

कर्नाटकातील साखर कारखाने उस उत्पादक शेतकऱ्यांना गतहंगामातील ऊसबिले देण्यास टाळाटाळ करीत असून, शेतकऱ्यांना ऊसबिलापोटी दिलेले धनादेश रकमेअभावी परत जात आहे. या प्रकारामुळे शेतकऱ्यांमधून संतप्त प्रतिक्रिया व्यक्त होत आहे.

मिरज पूर्व भागापासून कर्नाटक सीमा जवळ आहे. त्यामुळे या भागातून कर्नाटकातील साखर कारखान्यांना ऊस गाळपासाठी पाठविला जातो. सलगरे, चाबुकस्वारवाडी, बेळंकी, जानराववाडी, संतोषवाडी, कदमवाडी, कोंगनोळी येथील ऊस उत्पादक शेतकऱ्यांनी कर्नाटकातील केंपवाड, कोकटनूर, कागवाड, शिरगुप्पी येथील कारखान्यांना गेल्या हंगामात मोठ्या प्रमाणात ऊस पाठविला होता, मात्र या कारखान्यांनी अजून ऊसबिले दिलेली नाहीत. कारखाने शेतकऱ्यांना थकीत ऊस बिलापोटी धनादेश देत आहेत. हे धनादेश बॅंकेत भरण्यासाठी शेतकरी हेलपाटे मारत आहेत.

मात्र, कारखान्यांच्या खात्यावर रक्कमच नसल्याने हे धनादेश बॅंकेत पडून आहेत. शेतकऱ्यांना कारखान्यांच्या पतसंस्थांमधून थकीत ऊस बिलाऐवजी १५ टक्के व्याज आकारणी करून कर्जरूपी ॲडव्हान्स म्हणून रक्कम दिली जात आहे.  चालू हंगामात देखील अपेक्षित प्रमाणात पाऊस नसल्याने कर्जाऊ रक्कम घेण्यासाठी शेतकरी कारखान्यांच्या पतसंस्था मध्ये रांगा लावत आहेत. थकीत लाखो रुपयांच्या ऊस बिलावर कारखाना प्रशासन किती टक्के व्याज देणार? असा संतप्त सवाल शेतकऱ्यांनी केला आहे.

आर्थिक गणित कोलमडले
ऊस पिकासाठी शेतकरी सोसायटीचे कर्ज घेतात. गाळपाला पाठविलेल्या उसाची बिलेच जमा झाली नसल्याने सोसायटीमार्फत घेतलेले पीककर्ज भरणे मुश्‍कील झाले आहे. पैसे मिळत नसल्याने सोसायटीची कर्जे थकली आहेत. तसेच काटामारी, वाढविलेले कंपोस्ट खतांचे दर आणि थकविलेली ऊस बिले यामुळे ऊस उत्पादक शेतकरी बेजार झाले असून त्यांचे आर्थिक गणित कोलमडले आहे. टनाला २९०० रुपये दर जाहीर करून २००० रुपयांचा पहिला हप्ता काही कारखान्यांनी दिला असून दुसरा हप्ता लवकर देण्याची मागणी शेतकऱ्यांनी केली आहे. बेळगाव येथील अथणी शुगर शी याबाबत संपर्क केला असता थकीत बिलाबाबत कारखाना प्रशासनाने माहिती देण्यास टाळाटाळ केली.

इतर अॅग्रो विशेष
वेतन आयोगाने वाढते गरीब-श्रीमंतांतील दरीमाजी पंतप्रधान डॉ. मनमोहनसिंग यांनी ४ ...
दूध दरवाढीसाठीही दाखवा तत्परताआंतरराष्ट्रीय बाजारात दूध भुकटीचे (पावडर) दर...
मक्यातील लाग रंग येण्यामागील गूढ उलगडलेमक्यामध्ये काहीवेळा दिसणाऱ्या लाल रंगाच्या...
एफआरपी तुकड्यात घेणार नाही : खासदार...सांगली : राज्यातील साखर कारखाने सुरू होऊन ८० दिवस...
राज्यात १७८६ टॅंकरव्दारे पाणीपुरवठापुणे  : सलग दोन वर्षे पावसाने ओढ दिल्यानंतर...
केळी पट्ट्याला १५० कोटींचा फटकाजळगाव ः डिसेंबर व जानेवारी महिन्यातील थंडीचा...
सुगंधी वनस्पतींची शेती, तेलनिर्मितीही...नगर जिल्ह्यात आंभोळ या दुर्गम भागात मच्छिंद्र...
शेषरावांनी सुनियोजितपणे जपलेली संत्रा...टेंभूरखेडा (ता. वरुड, जि. अमरावती) येथील शेषराव...
निर्यात कोट्यावरून साखर उद्योगात घमासानपुणे : देशात साखरेचा अफाट साठा तयार होत असताना...
शेतकऱ्यांचा जीवनसंघर्ष २०१८ मध्येही...मुंबई : गेल्या चार वर्षांत सिंचन सोडून कृषीच्या...
मध्य महाराष्ट्र, मराठवाडा, विदर्भात...पुणे : पूर्व आणि पश्चिमेकडून वाहणाऱ्या...
हवामान बदलांमुळे दारिद्र्य वाढण्याचा...नवी दिल्ली : हवामानबदलांचा प्रश्न अतिशय गंभीर आहे...
हिमवृष्टीमुळे काश्‍मीर, हिमाचल गारठले;...नवी दिल्ली : हिमवृष्टीमुळे काश्‍मिरसह हिमाचल...
‘रेसिड्यू फ्री’ शेतीतून गुणवत्ताप्राप्त...स्थावर मालमत्ता व्यावसायिक उद्योगातील दोन...
प्रतिष्ठा जपण्यासाठी शेतकऱ्यांच्या...नाशिक : यवतमाळमधील साहित्य संमेलनाचे उद्‌घाटन...
शेतकऱ्यांच्या परदेश अभ्यास दौऱ्यास अखेर...पुणे  ः गेल्या तीन वर्षांपासून बंद...
संत्रा निर्यातीला कृषी विभाग देणार...नागपूर : अपेडाने संत्रा क्‍लस्टरला पहिल्यांदाच...
विदर्भात गुरुवारपासून तुरळक पावसाचा...पुणे   : राज्यातील गारठा कमी झाल्यांनतर...
चढ्या दराचा फायदा कोणाला?मागील दोन दिवसांपासून सोयाबीनचे दर वाढत आहेत....
अतिखोल भूजलाचा उपसा घातकचपर्यावरणाचा नाश कोणी केला? या एका प्रश्नाला अनेक...