agriculture news in marathi, Sugar Factories to less the first payment to 2500 rps per ton | Agrowon

साखर कारखान्यांनी पहिला हप्ता घटविला
टीम अॅग्रोवन
गुरुवार, 1 फेब्रुवारी 2018

कोल्हापूर : साखरेच्या घसरत्या किमतीचा फटका अपेक्षेप्रमाणे जिल्ह्यातील ऊस उत्पादकालाच बसला आहे. साखरेच्या दरात कमालीची घसरण झाल्याने जिल्ह्यातील कारखान्यांनी येथून पुढे तोडणी होणाऱ्या उसास पहिला हप्ता प्रतिटन २५०० रुपयांप्रमाणे देण्याचा निर्णय बुधवारी (ता. ३१) येथे झालेल्या बैठकीत घेतला. हंगामाच्या प्रारंभी एफआरपी अधिक दोनशे रुपये असा पहिला हप्ता कारखान्यांनी जाहीर केला होता. जिल्ह्यातील रिकव्हरीनुसार व कारखान्यांचा वाढीव दर या सूत्रानुसार ही रक्कम तीन हजार रुपयांपर्यंत जात होती. 

कोल्हापूर : साखरेच्या घसरत्या किमतीचा फटका अपेक्षेप्रमाणे जिल्ह्यातील ऊस उत्पादकालाच बसला आहे. साखरेच्या दरात कमालीची घसरण झाल्याने जिल्ह्यातील कारखान्यांनी येथून पुढे तोडणी होणाऱ्या उसास पहिला हप्ता प्रतिटन २५०० रुपयांप्रमाणे देण्याचा निर्णय बुधवारी (ता. ३१) येथे झालेल्या बैठकीत घेतला. हंगामाच्या प्रारंभी एफआरपी अधिक दोनशे रुपये असा पहिला हप्ता कारखान्यांनी जाहीर केला होता. जिल्ह्यातील रिकव्हरीनुसार व कारखान्यांचा वाढीव दर या सूत्रानुसार ही रक्कम तीन हजार रुपयांपर्यंत जात होती. 

परंतु बुधवारी कारखान्यांनी सरसकट पहिला हप्ता २५०० रुपये जाहीर केल्याने आता पहिल्या हप्त्यातच टनामागे पाचशे रुपये कमी मिळणार आहेत. जाहीर केलेली उर्वरित रक्कम नक्की देऊ; पण त्यासाठी जादाची रक्कम उपलब्ध व्हावी लागेल, त्यानंतर ती देण्यात येणार असल्याचे कारखानदारांनी सांगितले. 

कारखानदार सूत्रांनी दिलेल्या माहितीनुसार ज्या वेळी साखर हंगाम सुरू झाला, त्या वेळी साखरेचे दर ३६०० रुपये इतके होते. गळीत हंगाम सुरू झाला त्या वेळी ठरल्याप्रमाणे बिले अदा केली आहेत. हंगाम सुरू झाल्यानंतर अचानकपणे तीन महिन्यांत साखरेचे दर २६०० रुपयांवरून २८०० रुपयांपर्यंत घसरले. यातच साखरेचा उठाव नाही व राज्य बॅंकेनेही मूल्यांकनात घट केली आहे. बॅंकेकडून निर्माण होणारी रक्कम पाहता ती पहिल्या हप्त्यासाठी अपुरी ठरते. बॅंकेतून मिळणाऱ्या रकमेतून मागच्या कर्जाचे हप्ते, व्याज, साखर तयार करण्यासाठी येणारा प्रक्रिया खर्च, असा खर्च वजा जाता टनास १७७५ रुपयेच उपलब्ध होत आहेत. 

जिल्ह्याचा सरासरी उतारा १२.५० टक्के इतका आहे. यातून मोलॅसिस, बगॅस, प्रेसमड इत्यादीचे उत्पादनातून २७६४ रुपये उपलब्ध होत आहे. ६०० रुपये तोडणी खर्च वजा जाता प्रतिटन २१६४ रुपये कारखान्यांकडे उपलब्ध होतात. कारखान्यांनी जाहीर केलेले दर व प्रत्यक्ष उपलब्ध होणारी रक्कम यात मोठी तफावत आहे. बॅंकाही रक्कम देण्यास तयार नाही. यामुळे कारखानदारांनी २५०० रुपयेप्रमाणे दर देण्याचा निर्णय घेतला आहे. जाहीर केलेली रक्कम कारखानदार नक्की देतील; परंतु पैशाची उपलब्धता झाल्यानंतर देण्याचा निर्णय कारखानदारांनी या बैठकीत घेतल्याचे कारखानादार सूत्रांनी सांगितले. 

एफआरपीपेक्षाही कमी हप्ता?
जिल्ह्यातील कारखान्यांची सरासरी रिकव्हरी साडेबारा टक्के इतकी आहे. या रिकव्हरीनुसार एफआरपीचा पहिला हप्ता २७०० रुपयांपर्यंत होतो. यामुळे सध्या तरी पहिला हप्ता एफआरपीपेक्षा कमीच मिळण्याची शक्‍यता असल्याच्या साखर उद्योगातील तज्ज्ञांनी सांगितले. साखरेचे दर वाढल्याशिवाय पुढील रक्कम लवकर मिळण्याची शक्‍यता धूसर असल्याचे कारखानदार सूत्रांनी सांगितल्याने आता पुन्हा एकदा पहिल्या हप्त्याचा मुद्दा ऐरणीवर येण्याची शक्‍यता आहे.

इतर अॅग्रो विशेष
परभणी, राहुरी कृषी विद्यापीठांना पाच...परभणी ः भारतीय कृषी संशोधन परिषदअंतर्गत कृषी...
कोकण, मध्य महाराष्ट्रात हलक्या ते मध्यम...पुणे : पावसाला पोषक हवामान झाल्याने आठवड्याच्या...
‘आरएसएफ’च्या मूळ सूत्रात घोडचूकपुणे: शेतकऱ्यांना हक्काचा ऊसदर मिळवून देणाऱ्या...
साखर कारखान्यांची धुराडी आजपासून पेटणारपुणे: राज्यातील साखर कारखान्यांच्या गाळप हंगामाला...
सहकारी बॅंकांना एकाच छताखाली आणणार :...पुणे ः सहकार क्षेत्राला ‘अच्छे दिन’ आणण्यासाठी...
चला मिरचीच्या आगारात राजूरा बाजारात...मिरचीचे आगार अशी ओळख अमरावती जिल्ह्यातील राजूरा...
‘एसआरटी’ तंत्राने मिळाली उत्पादनासह...पेंडशेत (ता. अकोले, जि. नगर) या कळसूबाई शिखराच्या...
तुटवड्यामुळे कांद्याच्या दरात सुधारणानवी दिल्ली ः देशातील महत्त्वाच्या कांदा उत्पादक...
कृषी विद्यापीठांचे संशोधन आता एका...मुंबई ः राज्यातील चारही कृषी विद्यापीठांनी केलेले...
महाराष्ट्रातील दुष्काळग्रस्तांना...शिर्डी: महाराष्ट्रात यंदा पाऊस कमी झाला....
कोल्हापुरी गुळाचा गोडवा यंदा वाढणारकोल्हापूर : यंदाच्या पावसाळ्यात गुजरात,...
कमी दरांवरून जिनर्सचा ‘सीसीआय’च्या...जळगाव ः भारतीय कापूस महामंडळाच्या (सीसीआय) कापूस...
होय, आम्ही बदलू शेतीचे चित्र... ‘शाळेत सुरू असलेल्या कृषी शिक्षण अभ्यासक्रमातून...
‘पंदेकृवि’च्या सुवर्णमहोत्सवी वर्षाचा...अकोला :  डॉ. पंजाबराव देशमुख कृषी विद्यापीठ...
शेतीपासून जितके दूर जाल तितके दुःख...पुणे : शेतीशी जोडलेली माणसं ही निसर्ग आणि मानवी...
नाबार्डच्या व्याजदरातच जिल्हा बँकांना...मुंबई : राज्य बँकेला नाबार्डकडून मिळणाऱ्या...
कोकण, पश्‍चिम महाराष्ट्रात काही ठिकाणी...पुणे : कोकण अाणि पश्‍चिम महाराष्ट्रात काही ठिकाणी...
अकोला, बुलडाणा जिल्ह्यांत कोरडवाहू...अकोला : अकोला आणि बुलडाणा जिल्ह्यात कोरडवाहू...
अठरा गावांनी केली कचऱ्यापासून गांडूळखत...गावे आणि वाडीवस्त्याही स्वच्छतेत अग्रभागी...
‘सीसीआय’च्या खरेदीला दिवाळीत मुहूर्तमुंबई : देशातील महत्त्वाच्या कापूस उत्पादक...