agriculture news in Marathi, sugar factories remain closed until rate will finalized, Maharashtra | Agrowon

तोडगा निघेपर्यंत कारखाने बंद ठेवण्याचा निर्णय
टीम अॅग्रोवन
गुरुवार, 1 नोव्हेंबर 2018

कोल्हापूर : शेतकरी संघटनांच्या आंदोलनामुळे साखर कारखानदारांनी निर्णय होईपर्यंत कारखानेच बंद ठेवण्याचा निर्णय घेऊन अनपेक्षित भूमिका घेतली. तुम्ही आंदोलन करण्यापेक्षा आम्हीच कारखाने बंद ठेवतो, अशी भूमिका घेऊन शेतकरी संघटनांनाच आव्हान दिले. याचा तातडीचा परिणाम म्हणून स्वाभिमानी शेतकरी संघटनेने आज (ता. १) काढण्यात येणारी निर्धारित मोटर सायकल रॅली रद्द केली आहे.

कोल्हापूर : शेतकरी संघटनांच्या आंदोलनामुळे साखर कारखानदारांनी निर्णय होईपर्यंत कारखानेच बंद ठेवण्याचा निर्णय घेऊन अनपेक्षित भूमिका घेतली. तुम्ही आंदोलन करण्यापेक्षा आम्हीच कारखाने बंद ठेवतो, अशी भूमिका घेऊन शेतकरी संघटनांनाच आव्हान दिले. याचा तातडीचा परिणाम म्हणून स्वाभिमानी शेतकरी संघटनेने आज (ता. १) काढण्यात येणारी निर्धारित मोटर सायकल रॅली रद्द केली आहे.

गेल्या वर्षीच्या तुलनेत या वर्षीच्या गळीत हंगामात प्रतिक्विंटल साखरेचे दर ६०० रुपयांनी कमी आहेत. गेल्या वर्षीची थकीत रक्कम अद्याप दिलेली नाही, त्यामुळे यंदाच्या गळीत हंगामात एफआरपी आणि अधिक दोनशे रुपये पहिली उचल देणे साखर कारखान्यांना परवडणारी नाही, यामुळे या संदर्भात राज्यशासन जोपर्यंत अनुकूल भूमिका घेत नाही, तोपर्यंत साखर कारखाने बंद ठेवण्याचा निर्णय मंगळवारी साखर कारखानदारांच्या बैठकीत झाला. येथील एका खासगी हॉटेलमध्ये जिल्ह्यातील सहकारी साखर कारखाने व खासगी साखर कारखान्यांच्या प्रतिनिधींची बैठक आमदार हसन मुश्रीफ यांच्या अध्यक्षतेखाली झाली. 

यंदाच्या गळीत हंगामाच्या पार्श्‍वभूमीवर शेतकरी संघटनांनी एफआरपी अधिक दोनशे रुपये पहिली उचल देण्याची मागणी केली आहे. मात्र कारखानदारांना ही उचल देणे शक्‍य होणार नाही. गेल्या वर्षीच्या गळीत हंगामात प्रतिक्विंटल साखरेचे दर ३५०० ते ३६०० रुपये होते. त्यामुळे गत वर्षीच्या हंगामात एफआरपी अधिक दोनशे रुपये पहिली उचल देणे साखर कारखान्यांना शक्‍य होते. मात्र या वर्षी साखरेचे बाजारातले दर २९०० रुपयांपर्यंत खाली आले आहेत. त्यामुळे एफआरपी अधिक दोनशे रुपये पहिली उचल देणे कारखान्यांना शक्‍य नाही. त्यामुळे या संदर्भात राज्य शासनाने कारखान्यांना मदत करण्याची मागणीही केली आहे. 

बैठकीत साखरेचे होणारे मूल्यांकन, बॅंकेतून मिळणारी रक्कम, तोडणी वाहतुकीचा खर्च, घेतलेल्या बॅंक कर्जाचे हप्ते, उत्पादन खर्च, वजा होणारे टॅगिंग, तसेच यामध्ये चालू हंगामामध्ये उपलब्ध होणारी रक्कम व यामध्ये ६०० रुपयांची तफावत आहे. एवढ्या मोठ्या तफावतीमध्ये शासनाच्या मदतीशिवाय कारखाने सुरू ठेवणे अडचणीचे होणार आहे. त्यामुळे या परिस्थितीत शासनाने मदत करावी, अशी मागणी केली. दरम्यान, जे कारखाने सुरू आहेत त्यांनी तुटलेला ऊस गाळून कारखाने बंद ठेवण्याचा निर्णय बैठकीत झाला.

इतर अॅग्रो विशेष
शेतीतील दारिद्र्याचे भीषण वास्तवभारताने खुली व्यवस्था स्वीकारल्याला २०१६ मध्ये २५...
आश्वासक हरभरा; अस्वस्थ उत्पादकराज्यात हरभरा काढणीस महिनाभर आधीपासूनच सुरवात...
इतिहासातील जलसंधारण संकल्पना अन्...मागच्या भागात आपण इतिहासातील सागरी किल्ल्यांवरील...
खानदेशात बाजरी मळणीवरजळगाव : खानदेशात बाजरी पीक मळणीवर आले आहे. आगामी...
शेतकऱ्यांना संपूर्ण कर्जमुक्ती : '...मुंबई ः शेतीच्या शाश्वत सुधारणेला गती देण्यासाठी...
सांगली : कडब्याचे दर पोचले साडेचार हजार...सांगली  ः यंदा दुष्काळी स्थिती तीव्र आहे....
सांगली जिल्ह्यात पाण्याअभावी रखडली खरड...सांगली  ः जिल्ह्यातील द्राक्ष हंगाम अंतिम...
ऊस, कापूस पट्ट्यात कष्टाने पिकविली हळद शेतीचा फारसा अनुभव नाही. पण आवड, जिद्द,...
कृषी विद्यापीठांचे वाण वापरण्यात...वाशीम जिल्ह्यातील शिरपूर जैन (ता. मालेगाव) येथील...
राज्यात अद्यापही २४ टक्के ‘एफआरपी’ बाकीपुणे : ऊस खरेदीपोटी राज्यातील शेतकऱ्यांना...
उत्तर प्रदेशात ऊसबिलावरून धुमशाननवी दिल्ली : लोकसभा निवडणुकीत कोणता मुद्दा...
शेतकरी आत्महत्या रोखण्यासाठी युवकाचा ‘...नाशिक : राज्यात नापिकी, दुष्काळ, बाजारभाव...
उन्हाचा ताप वाढण्याची शक्यतापुणे : राज्यात उन्हाचा चटका अाणि उकाडा...
जेजुरी गडावर देवाची रंगपंचमीजेजुरी, जि. पुणे : जेजुरी गडावर पारंपरिक...
शेतकरी मंडळामुळे मिळाला ९० लाखांचा...वेंगुर्ले, जि. सिंधुदुर्ग : बॅंकेच्या चुकीमुळे...
कोंबडा झाकला तरी...मा  गील सात वर्षांत कृषी आणि सलग्न क्षेत्रातील...
शेतकऱ्यांची दैनावस्था दूर करणारा...गेल्या अनेक वर्षांत शेती आणि शेतकऱ्यांची जी...
तुरळक ठिकाणी पावसाची शक्यतापुणे : राज्यात उन्हाचा चटका वाढल्याने अनेक ठिकाणी...
शिल्लक साखरेचा दबाव पुढील हंगामावर?कोल्हापूर : केंद्राने सुरू केलेल्या कोटा...
‘सॉर्टेड सिमेन’चा प्रयोग यशस्वीनगर : गोदावरी खोरे नामदेवराव परजणे पाटील तालुका...